आईच्या दुधातील ‘या’ घटकांमुळे बाळाला मिळते कोणत्याही आजाराशी लढण्याची ताकद

स्तनपान हे बाळाला आजारांशी लढण्यासाठी आवश्यक रोगप्रतिकारक शक्ती प्रदान करते आणि आजारांपासून दूर ठेवण्याकरिता महत्त्वाची भूमिका बजावितात. आज आम्ही तुम्हाला या विषयीच माहिती देणार आहोत. नुकत्याच जन्मलेल्या मुलाला आईचे दूध किती महत्वाचे असते. तसेच याबाबत कोणी आणि कोणते संशोधन केले आहे. याची माहिती जाणून घ्यायची असेल तर ही बातमी पूर्णपणे वाचा.

संशोधकांनी नुकत्याच केलेल्या एका अभ्यासात असे म्हटले आहे की आईच्या दुधात आढळणारी एक विशेष प्रकारची साखर नवजात बालकांना अनेक हानिकारक जीवाणूंपासून वाचवते. ग्रुप बी स्ट्रेप बॅक्टेरिया, सामान्यत जगभरातील गर्भवती महिलांमध्ये आढळतात, नवजात मुलांमध्ये गंभीर संक्रमण होऊ शकतात आणि नवजात मुलांमध्ये सेप्सिस किंवा न्यूमोनियासारखे गंभीर आजार होण्याचा धोका निर्माण करू शकतात.

अनेक वेळा संसर्गाच्या गंभीरतेमुळे नवजात अर्भकाचा मृत्यूही होतो, कारण नवजात अर्भकामध्ये संरक्षण यंत्रणा अद्याप पूर्णपणे विकसित झालेली नाही. तज्ज्ञांच्या मते शारीरिक वाढ आणि मेंदूच्या विकासासह रोग प्रतिकारशक्ती वाढवण्यात आईचं दूध खूप महत्वाची भूमिका निभावतं. आईच्या दुधात इम्युनोग्लोब्युलिन, पांढऱ्या रक्त पेशी आणि इतर अनेक प्रतिकारशक्ती वाढवतात.

मानवी दुधात आढळणाऱ्या कार्बोहायड्रेट्सच्या या गुणधर्मावर प्रकाश टाकणारे हे एक उत्तम उदाहरण आहे. अमेरिकेतील टेनेसी येथील वँडरबिल्ट विद्यापीठातील सहाय्यक प्राध्यापक स्टीव्हन टाउनसेंड यांच्या मते, हा अभ्यास मानवी दुधात आढळलेल्या कार्बोहायड्रेटचे प्रथम उदाहरण आहे जे जीवाणूनाशक म्हणून कार्य करते.

फॉर्म्युला मिल्कपेक्षा आईचे दूध हे बाळाच्या वाढीकरिता सर्वोत्तम ठरते. बाळाला पहिल्या सहा महिन्यांत केवळ स्तनपान करवणं सर्वोत्तम कारण त्यामुळे पचनाशी निगडीत समस्यांपासून संरक्षण मिळतं तसेच आईचे दूध पचायला सोपं असतं आणि बद्धकोष्ठता होत नाही. त्यामुळे बाळाच्या आतड्यांची प्रतिकारशक्ती वाढते.

आईच्या दुधात आढळणाऱ्या या घटकाचे सर्वात अविश्वसनीय वैशिष्ट्य म्हणजे इतर प्रतिजैविकांप्रमाणे त्यात विषारीपणा नाही, असे टाऊनसेंड म्हणाले. सुमारे 10 वर्षांपूर्वी, संशोधकांना एका अभ्यासात आढळून आले की गरोदर महिलांमध्ये ग्रुप बी स्ट्रेप बॅक्टेरिया असतात आणि हे जंतू स्तनपानाद्वारे नवजात मुलांमध्ये जातात.

ताज्या बातम्या
 ‘या’ दिवशी महाराष्ट्रात लागणार लॉकडाऊन; कोविड टास्क फोर्सच्या डॉक्टरांनीच दिली माहिती
7 वर्षांच्या चिमुकल्याचं होतंय तोंडभरून कौतुक, आईला हार्टअटॅक येताच ‘असे’ वाचवले प्राण 
ड्रायव्हरचा मुलगा एकाच चित्रपटाने झाला साऊथ सुपरस्टार, टेलिव्हिजन मालिकेतून केली होती करिअरला सुरुवात,
शिक्षणक्षेत्राला अजून एक कलंक; मुंबईत शैक्षणिक अधिकाऱ्याच्या घरी सापडले कोट्यावधींचे घबाड