भाजप प्रवक्त्या नुपूर शर्मा यांनी मुस्लिम धर्मगुरू पैगंबर मोहम्मद यांच्याविरोधात एक वादग्रस्त वक्तव्य केले होते. या वक्तव्यामुळे देशभरात तीव्र पडसाद उमटले होते. भाजपने नुपूर शर्मा यांची सहा वर्षातून हकालपट्टी केली आहे. या प्रकरणामुळे नुपूर शर्मा चांगल्याच टीकेच्या धनी झाल्या.
तर आता प्रेषित मोहम्मद यांच्यावर वादग्रस्त वक्तव्य केल्याप्रकरणी सर्वोच्च न्यायालयाने भाजपाच्या माजी प्रवक्त्या नुपुर शर्मा यांच्यावर ताशेरे ओढले आहे. त्यांच्या त्या विधानाने झालेला आक्रोश उदयपूर येथील दुर्दैवी घटनेला जबाबदार असल्याच देखील सर्वोच्च न्यायालयाने म्हंटलं आहे.
पुढे सर्वोच्च न्यायालयाने म्हंटलं आहे की, ‘नुपूर शर्मा यांनी संपूर्ण देशाची माफी मागितली पाहिजे. सध्या देशांत जी तणावपूर्ण परिस्थिती निर्माण झाली आहे, त्यासाठी ही एकमेव महिला जबाबदार आहे. त्यांच्यामुळेच देशात हे सारं घडत असल्याचा आरोप सर्वोच्च न्यायालयाने त्यांच्यावर लगावला आहे.
याबाबत बोलताना न्यायमूर्ती सुर्यकांत यांनी सांगितलं आहे की, “नुपूर शर्मा यांनी कशापद्धतीने भावन भडकावल्या हे आम्ही टीव्हीवरील चर्चेत पाहिलं. ज्या पद्धतीने नुपूर शर्मा यांनी वक्तव्य केलं आणि नंतर मी एक वकिल असल्याचं सांगितलं ते लज्जास्पद आहे. यामुळे त्यांनी आता संपूर्ण देशाची माफी मागितली पाहिजे.”
दरम्यान, नुपूर शर्मा यांच्यावर सर्वोच्च न्यायालयाने हट्टीपणाबद्दल आणि अहंकाराबद्दल जहरी टीका केली. नुपूर शर्मा या एका पक्षाची प्रवक्ता आहे, त्यांच्या डोक्यात सत्ता गेली आहे. असे लोक धार्मिक नसतात. कारण धार्मिक लोक प्रत्येक धर्माचा आदर करतात, असंही सर्वोच्च न्यायालयाने यावेळी स्पष्ट केलं आहे.
तर दुसरीकडे नुपूर शर्मा यांनी केलेल्या वक्तव्यामुळे देशभरात विविध ठिकाणी निदर्शने पाहायला मिळाली. यातील बहुतांश निदर्शनांना हिंसक वळण लागले, ज्यात अनेक लोक मरण पावले आणि अनेक लोक जखमी झाले. नुपूर शर्मा यांनी प्रेषित मोहम्मद यांच्याबाबत वादग्रस्त विधान केले होते.
महत्त्वाच्या बातम्या
बातमी विद्यार्थ्यांसाठी! बारावीनंतर ‘हे’ कोर्सेस करा, नोकरीची १०० टक्के खात्री
आलिया-दीपिका नाही तर ‘ही’ अभिनेत्री आहे रणबीर कपूरची फेव्हरेट, म्हणाला, तिच्यासोबत रोमान्स…
‘त्या’ पत्राने घात केला अन् शिकारी स्वतःच जाळ्यात अडकला; वाचा फडणवीसांबद्दल नेमकं काय घडलं
KGF मधील प्रसिद्ध अभिनेत्याचा भयानक अपघात, कारला ट्रकने दिली धडक, पोलिसांनी ट्रक चालकाला घेतलं ताब्यात