भाजप नेते सुब्रमण्यम स्वामी हे आपल्याच पक्षावर निशाणा साधत आहेत. आता स्वामींनी भारतीय क्रिकेट कंट्रोल बोर्डावर (बीसीसीआय) हल्लाबोल केला आहे. आयपीएल 2022 च्या फायनलमध्ये त्यांनी हेराफेरी केल्याचा आरोप केला होता.
सुब्रमण्यम स्वामी यांनी सोशल मीडियावर पोस्ट केली आहे की, गुप्तचर यंत्रणांचा असा विश्वास आहे की, आयपीएलच्या निकालांमध्ये हेराफेरी झाली आहे. यासाठी तपास आवश्यक आहे आणि तपासासाठी जनहित याचिका (पीआयएल) दाखल करणे आवश्यक आहे.
संजू सॅमसन सोशल मिडीयावर चाहत्यांच्या निशाण्यावर
सुब्रमण्यम स्वामींच्या पोस्टमुळे नवा वाद निर्माण झाला आहे. आता सोशल मीडिया यूजर्स बीसीसीआय आणि राजस्थान रॉयल्सला प्रश्न विचारत आहेत. एका वापरकर्त्याने राजस्थान रॉयल्सचा कर्णधार संजू सॅमसनला टॅग करत प्रश्न विचारला की नाणेफेक जिंकूनही संजू सॅमसनने अनपेक्षितपणे फलंदाजी करण्याचा निर्णय का घेतला?
गुजरातने 7 गडी राखून फायनल जिंकली
IPL 2022 च्या फायनलमध्ये गुजरात टायटन्सने राजस्थान रॉयल्सचा 7 गडी राखून पराभव करून विजेतेपद पटकावले. नाणेफेक जिंकून प्रथम फलंदाजी करताना राजस्थान संघाला 20 षटकांत 9 गडी गमावून केवळ 130 धावा करता आल्या. प्रत्युत्तरात गुजरातने हे लक्ष्य 18.1 षटकांत 3 गडी गमावून पूर्ण केले.
या विजयानंतर गुजरातला बीसीसीआयकडून भरपूर पैसेही मिळाले आणि ट्रॉफीसह 20 कोटी रुपयांची बक्षीस रक्कमही मिळाली. उपविजेत्या राजस्थानलाही 12.5 कोटी रुपये मिळाले. तिसऱ्या क्रमांकावर असलेल्या बंगळुरूला 7 कोटी आणि चौथ्या क्रमांकावर असलेल्या लखनौला 6.5 कोटींचे रोख पारितोषिक मिळाले.
चहलला पर्पल कॅप आणि बटलरला ऑरेंज कॅप
सर्वाधिक विकेट घेणारा राजस्थानच्या युजवेंद्र चहलला पर्पल कॅपसह 10 लाख रुपये मिळाले. चहलने या मोसमात 27 विकेट घेतल्या. त्याचवेळी या मोसमात सर्वाधिक धावा करणारा राजस्थानचा सलामीवीर जोस बटलरला ऑरेंज कॅपसह १० लाख रुपये मिळाले. बटलरने 17 सामन्यात 863 धावा केल्या होत्या.
महत्वाच्या बातम्या
निवडणूकीच्या रिंगणात उतरणार पॉर्न स्टार; म्हणाली, सेक्स हे पवित्र कृत्य आहे, त्यामुळे…
गावात एकही हिंदू नाही, पण मुस्लिमांनी घेतला ३५० वर्षे जुन्या हनुमान मंदिराच्या जीर्णोद्धासाठी पुढाकार
“आम्ही योगींनाच मत दिलं तरी त्यांनी आमच्या ५० वर्ष जुन्या घरावर बुलडोजर चालवला”
‘विक्रम’ चित्रपटातील कलाकारांनी घेतले कोट्यवधींचे मानधन; आकडा वाचून डोळे फिरतील
