समाजसेविका मेधा पाटकर यांनी कोरोनाच्या पार्श्वभूमीवर एक खळबळजनक विधान केले आहे. ज्या वुहान लॅबमधून कोरोना पसरल्याचा दावा केला जात आहे, त्या वुहान प्रयोगशाळेचे मालक बिल गेट्स असल्याचे मेधा पाटकर यांनी म्हटले आहे. मेधा पाटकर यांचा दावा आहे की चीनची वुहान प्रयोगशाळा बिल गेट्स फाऊंडेशनच्या मालकीची आहे. (medha patkar on wuhan lab)
पुण्यातील एका कार्यक्रमात मेधा पाटकर यांनी हे वक्तव्य केले आहे. मेधा पाटकर यांच्या वक्तव्यामुळे एकच खळबळ उडाली आहे. ऊस उत्पादक शेतकऱ्यांवर होणाऱ्या अन्यायाविरोधात आवाज उठवण्यासाठी एका कार्यक्रमात मेधा पाटकर सहभागी झाल्या होत्या.
पुण्यात हा कार्यक्रमात झाल्यानंतर त्यांनी पत्रकारांशी संवाद साधला होता, त्यावेळी बोलताना त्यांनी हे वक्तव्य केले.पत्रकारांशी बोलताना त्यांनी दावा केला की, ज्या लॅबमधून कोरोना पसरला आहे ती लॅब बिल गेट्स यांच्या मालकीची आहे. बिल गेट्स फाऊंडेशनने जगभरातील शेतजमिनीवर कब्जा करण्याची योजना आखली आहे. ते अमेरिकेतल्या २ लाख ४० हजार एकर जमिनीचे मालक असूनही त्यांची जमिनीची भूक अजूनही कमी झालेली नाही.
मेधा पाटकर यांनी यावेळी शेतकरी आंदोलनाचा उल्लेख केला. त्या म्हणाल्या की, केंद्रीय कृषिमंत्री नरेंद्र तोमर यांनी शेतकऱ्यांच्या मागण्यांकडे वेळीच लक्ष दिले नाही. त्यामुळे ७१५ शेतकरी शहीद झाले. तेच तोमर आज बिल गेट्स यांना भारतात येण्याचे निमंत्रण देत आहे. या सगळ्याचे कारण म्हणजे शेतीच्या कॉर्पोरेटायझेशनची योजना आखली जात आहे.
यावेळी शेतमजुरांच्या प्रश्नावरुन मेधा पाटकर यांनी सरकारवर ताशेरे ओढले आहेत. महाराष्ट्र, पश्चिम बंगाल या राज्यांना केंद्र सरकारकडून ८० ते ९० हजार कोटींची रक्कम देणे बाकी आहे. केंद्र सरकार तो पैसा या राज्यांना देत नाहीये, असे म्हणत मेधा पाटकर यांनी मोदी सरकारवर संताप व्यक्त केला आहे.
तसेच शेतकरी आणि शेतमजुरांच्या समस्या ऐरणीवर आल्यावर केंद्र सरकार या राज्य सरकारांवर जबाबदारी झटकल्याचा आरोप करते. अशा प्रकारे देशात जे काही चालले आहे ते घटनाविरोधी आहे. केंद्र आणि राज्य यांच्यातील हे संबंध हे चांगले नाही, असेही मेधा पाटकर यांनी पत्रकारांशी बोलताना म्हटले आहे.
महत्वाच्या बातम्या-
रशियाला नमवण्यासाठी बायडन यांनी सोपवली भारतीयावर जबाबदारी; जाणून घ्या कोण आहे दलीप सिंग?
जागरण गोंधळात हलगी वाजवणारा बाळू तृतीयपंथी सपनावर झाला फिदा, आता दोघेही करणार लग्न
अखेर प्रतिक्षा संपली! ‘या’ तारखेला पंतप्रधान मोदींच्या हस्ते होणार पुणे मेट्रोचे उद्घाटन
