jaykumar gore car accident | भाजप आमदार जयकुमार गोरे शनिवारी पहाटे झालेल्या भीषण अपघातात गंभीर जखमी झाले आहे. पुणे-पंढरपूर रस्त्यावर फलटणजवळील मलठण येथील स्मशानभूमीजवळ हा अपघात झाला. जयकुमार गोरे यांची फॉर्च्युनर एसयूव्ही पुलावरून ३० फूट खाली दरीत कोसळली आहे.
मिळालेल्या माहितीनुसार, चालकाचे वाहनावरील नियंत्रण सुटले, त्यामुळे हा अपघात झाला. या घटनेत जयकुमार गोरे छातीला गंभीर दुखापत झाली आहे. त्यांना पुण्यातील रुबी रुग्णालयात दाखल करण्यात आले आहे. जयकुमार यांच्यासह कारमधील आणखी ४ जण गंभीर जखमी झाले.
इतर जखमींना बारामती येथील रुग्णालयात दाखल करण्यात आले आहे. भाजपचे आमदार पुण्याहून दहिवडी या त्यांच्या गावी जात होते. त्यावेळी हा भीषण अपघात झाला आहे. पोलीस आता या संपूर्ण प्रकरणाची चौकशी करत आहे. शनिवारी पहाटे साडेतीनच्या सुमारास हा अपघात झाला.
पहाटेच्यावेळी कार चालकाला झोप लागली असावी. त्यामुळे त्याचे कारवरील नियंत्रण सुटले आणि फॉर्च्युनर ब्रिजची रेलिंग तोडून ३० फूट खाली पडल्याचा पोलिसांचा अंदाज आहे. पोलिस याप्रकरणी तपास करत असून जखमींवर रुग्णालयात उपचार सुरु आहे.
भाजप आमदार जयकुमार गोरे हे सातारा जिल्ह्यातील माण विधानसभा मतदारसंघातून तीन वेळा आमदार म्हणून निवडून आले आहेत. सातारा हा राष्ट्रवादी काँग्रेसचा बालेकिल्ला मानला जातो. परंतु गोरे यांनी २००९, २०१४ आणि २०१९ मध्ये सलगपणे जिल्ह्यात माणची जागा जिंकली आहे.
गोरे हे २००९ मध्ये अपक्ष आमदार म्हणून निवडून आले, तर २०१४ मध्ये काँग्रेसच्या तिकिटावर ते निवडून आले होते. २०१९ मध्ये पुन्हा ते निवडून आले. जयकुमार गोरे हे उपमुख्यमंत्री देवेंद्र फडणवीस यांचे निकटवर्तीय असल्याचे म्हटले जाते. आमदार गोरे यांना नुकतेच भाजपने सातारा जिल्हाध्यक्ष बनवून त्यांना राजकीय बळ देण्याचा प्रयत्न केला आहे.
महत्वाच्या बातम्या-
aditya thackeray : दिशा सालियन मृत्यू प्रकरणावर अखेर आदित्य ठाकरेंनी सोडलं मौन; म्हणाले, त्यादिवशी मी…
पुण्याहून गावी जाताना भाजप आमदाराचा भीषण अपघात, फॉर्च्युनर 30 फूट खोल दरीत कोसळली
beed : घाबरलेले बैल थेट तलावात गेल्यामुळे मोठा अपघात, पाण्यात बुडून आजोबा आणि नातवाचा मृत्यू
