Cricket: टी २० वर्ल्डकप २०२२ मधील टीम इंडियाची कामगिरी पाहता भारतीय क्रिकेट बोर्ड (BCCI) आता मोठी पावले उचलणार आहे. रोहित शर्मा, विराट कोहली आणि रविचंद्रन अश्विन यासारख्या वरिष्ठ खेळाडूंना हळूहळू वगळण्याची योजना आखली जात आहे. त्यामुळे पुढील २४ महिन्यांत भारताच्या टी २० संघात मोठे बदल होणार आहेत. भारतीय क्रिकेट बोर्डाच्या (बीसीसीआय) सूत्रांनी ही मोठी माहिती दिली आहे.
असे दिसते की अश्विन आणि दिनेश कार्तिक यांनी भारतासाठी त्यांचे शेवटचे सामने सर्वात लहान फॉरमॅटमध्ये खेळले आहेत. परंतु बीसीसीआयने त्यांचा भविष्याचा निर्णय घेण्यासाठी कोहली आणि रोहितवर सोडेल. टी २० विश्वचषकाच्या उपांत्य फेरीत संघाच्या मानहानीकारक पराभवानंतर अस्वस्थ दिसत आहे.
यादरम्यान , रोहित शर्माला पत्रकार परिषदेत मीडिया समोर जावे लागले. पुढील टि २० विश्वचषक अजून दोन वर्षे बाकी आहे आणि ज्यांना या प्रकरणाची माहिती आहे. परंतु, तेव्हा रोहित शर्मा मैदानात उतरणार का? हा मोठा प्रश्न सध्या चर्चेचा विषय ठरत आहे. तर दुसरीकडे हार्दिक पांड्याच्या नेतृत्वाखाली नवीन संघ तयार होईल अशी चर्चा सुरू असुन तो दीर्घकाळ कर्णधारपदाचा दावेदार आहे असे म्हटले जाते आहे.
माध्यमातील वृत्तानुसार, “बीसीसीआय कधीही कोणालाही निवृत्ती घेण्यास सांगत नाही. हा वैयक्तिक निर्णय आहे. पण हो, २०२३ मधील मर्यादित टी-२० सामने लक्षात घेता वरिष्ठ खेळाडू वन डे आणि कसोटी सामन्यांवर लक्ष केंद्रित करतील. तुमची इच्छा नसेल तर तुम्हाला निवृत्तीची घोषणा करण्याची गरज नाही. पुढच्या वर्षी तुम्हाला बहुतेक सीनियर खेळाडू टी-२० खेळताना दिसणार नाहीत. अशा परिस्थितीत आगामी काळात विराट आणि रोहितला टी-20 संघाचा भाग बनणे अवघड आहे.”
जेव्हा पीटीआयने मुख्य प्रशिक्षक राहुल द्रविडला कोहली आणि रोहितसारख्या वरिष्ठ खेळाडूंच्या भविष्याबद्दल विचारले तेव्हा त्यांनी सांगितले की, बदलांबद्दल बोलणे खूप घाईचे होईल. द्रविड म्हणाला, ‘उपांत्य फेरीच्या सामन्यानंतर याबद्दल बोलणे घाईचे आहे. या खेळाडूंनी आमच्यासाठी चांगली कामगिरी केली आहे. तुम्ही म्हटल्याप्रमाणे, आमच्याकडे याबद्दल विचार करण्यासाठी काही वर्षे आहेत.’
तसेच, पुढील वर्षभर टी २० फॉर्मेटकडे जास्त लक्ष दिले जाणार नाही. कारण पुढील वर्षी त्यांच्या मायदेशात होणाऱ्या ५० षटकांच्या विश्वचषकापूर्वी भारत किमान २५ एकदिवसीय सामने खेळणार आहे. भारताचे वेळापत्रक पाहता, असे कळते की ५० षटकांच्या विश्वचषकापर्यंत, संघ पुढील आठवड्यात न्यूझीलंडमध्ये तीन सामन्यांच्या मालिकेसह द्विपक्षीय स्पर्धा म्हणून फक्त १२ टी २० आंतरराष्ट्रीय सामने खेळेल.
रोहित आणि कोहली ही खूप मोठी नावे आहेत आणि बीसीसीआय त्यांना त्यांचे भविष्य ठरवू देईल. रोहित आता ३५ वर्षांचा आहे आणि वयाच्या ३७ व्या वर्षी त्याच्याकडून आगामी किल २० स्पर्धेत संघाचे नेतृत्व करण्याची अपेक्षा नाही. त्याच वेळी, सध्याच्या टी-२० विश्वचषकाच्या पार्श्वभूमीवर कार्तिकला फिनिशरची भूमिका सोपवण्यात आली होती. अश्विनचा विचार केला तर तो संपूर्ण स्पर्धेत विरोधी फलंदाजांना अडचणीत आणण्यात अपयशी ठरला आहे.
महत्वाच्या बातम्या –
Cricket : विराट, रोहितची टी-२० संघातून कायमची हकालपट्टी; BCCI मोठा निर्णय घेण्याच्या तयारीत
Cricket: वर्ल्डकपमधील मानहानीकारक पराभवानंतर राहूल द्रविडची हकालपट्टी; लक्ष्मण नवा प्रशिक्षक
