गुरुवारपासून राज्यात अर्थसंकल्प अधिवेशन सुरु होणार असल्यामुळे त्यासंबंधीत बैठक मंत्री छगन भुजबळ यांच्या निवासस्थानी पार पडली. या बैठकीला राष्ट्रवादीचे अध्यक्ष शरद पवारसह राज्याचे मुख्यमंत्री उध्दव ठाकरे सुध्दा उपस्थित होते. यावेळी बोलत असताना उध्दव ठाकरे यांनी भाजपावर जोरदार टीका केली.
सापाच्या पिलाला आम्ही 30 वर्षे दूध पाजले, ते पिल्लू आता वळवळ करत आमच्यावरच फुत्कारत आहे. सरकार पडणार म्हणतात, माझे 170 मोहरे आहेत, ते फोडून दाखवा. अशा शब्दात त्यांनी भाजपवर प्रहार केला. मुख्यमंत्री म्हणाले की, “सध्या देशात एक विकृती आहे, एक घृणास्पद राजकारण सुरू आहे.
आज इकडे धाड पाडतायत, तिकडे धाड पाडतायत, याला अटक करतायत, त्याला अटक करतायेत. मात्र आता हे खपवून घ्यायचं नाही. केंद्र सरकारच्या कोणत्याही दबावासमोर झुकू नका.” त्याचबरोबर पुढे त्यांनी आघाडीविषयी बोलताना म्हटले, “भाजप नेते म्हणतात की महाविकास आघाडीचे सरकार पडणार.
पण माझ्याकडे 170 मोहरे आहेत, त्यांना फोडून दाखवा. मला सोडून ते तुमची गुलामगिरी पत्कारणार नाहीत. आपली एकजूट हीच आपली ताकद आहे.” यावेळी ते पुर्ण आत्मविश्वासाने बोलत होते. इतकेच नव्हे तर भाजपला आवाहन करत, “रोज कोणीही उठतोय आणि दाऊदवर बोलतो.
हिंमत असेल तर दाऊदला शोधून का आणत नाही? तिकडे पाकिस्तानला जाऊन नवाज शरीफचा केक खाता, थडग्यांवर माथा टेकवता, मग दाऊदच्या मुसक्या का आळवत नाही?” असा सवाल उपस्थित केला. मुख्यमंत्र्यांनी विचारलेल्या सवालावर आणि टीकेवर अद्याप कोणत्या ही भाजप नेत्याने प्रतिउत्तर दिलेले नाही.
दरम्यान या बैठकीला महाविकास आघाडीचे सर्व नेते आणि शिवसेनेचे प्रमुख नेते तसेच आमदार उपस्थित होते. त्यांनी सुध्दा यावेळी बैठकीत आपले मुद्दे मांडले. अर्थसंकल्पाला सुरुवात होण्यापूर्वी आज चहापानाचा कार्यक्रम पार पडला. परंतु या कार्यक्रमावर भाजपने बहिष्कार टाकला होता.
महत्वाच्या बातम्या
‘पावनखिंड’ ओटीटीवर प्रदर्शित का नाही केला? चिन्मय मांडलेकरच्या उत्तराने जिंकली लोकांची मनं
सून असावी तर अशी! सासऱ्यांच्या निधनानंतर सासूचे जडले दुसऱ्यावर प्रेम, सुनेनं लावून दिलं धुमधडाक्यात लग्न
PHOTO: अर्जुन कपूरच्या बहिणीने वजन घटवून सगळ्यांनाच केले चकीत, आता दिसते खुपच सुंदर आणि हॉट
VIDEO: रशियन सैनिक भारतीय मुलींना घेऊन गेले, युक्रेनमध्ये अडकलेल्या मुलीने सांगितला थरारक अनुभव
