Tata Teleservices Limited ही टाटा समूहाची टेलिकॉम कंपनी, गेल्या काही दिवसांपासून सतत वाढत्या ट्रेंडमध्ये आहे. मंगळवारी म्हणजेच १५ मार्च रोजी सलग ५ व्या ट्रेडिंग सत्रात TTML शेअर्समध्ये जबरदस्त वाढ दिसून आली. हा स्टॉक खूपच अस्थिर असल्याचे दिसून येत आहे. (tata teleservices ltd share)
हा स्टॉक आता गुंतवणूकदांना जबरदस्त नफा मिळवून देत असल्यामुळे परताव्याच्या बाबतीत तो मल्टीबॅगर असल्याचे सिद्ध झाले आहे. हा स्टॉक मार्च २०२१ पासून, ६९० टक्क्यांहून अधिक वाढला आहे. यादरम्यान, शेअरने २९१ रुपयांच्या उच्चांकालाही स्पर्श केला. १४ मार्च, ११ मार्च, १० मार्च, ९ मार्चच्या ट्रेडिंग सत्रात स्टॉकने अप्पर सर्किट केले होते.
भू-राजकीय तणावादरम्यान शेअर बाजारात सध्या सुरू असलेल्या अस्थिरतेमध्ये टाटा टेलिसर्व्हिसेसचा शेअर अस्थिर आहे. मागील ५ ट्रेडिंग सत्रांमध्ये अपर सर्किट दर्शविलेल्या स्टॉकमध्ये, आधीच्या सत्रात लोअर सर्किट देखील दिसला होता. बर्‍याच ट्रेडिंग सत्रांमध्ये, या शेअरने एकाच दिवशी वरच्या आणि खालच्या दोन्ही सर्किट्सला धडक दिली आहे. १५ मार्च २०२१ ते १५ मार्च २०२२ पर्यंत टाटा टेलिसर्व्हिसेसचा हिस्सा ६.९ पट वाढला आहे.
१५ मार्च २०२१ रोजी प्रति शेअर किंमत १५.१० रुपये होती, जी १५ मार्च २०२२ च्या सत्रात ११९ रुपयांच्या पातळीवर दिसली. अशाप्रकारे या वर्षी आतापर्यंत गुंतवणूकदारांना या शेअरमध्ये सुमारे ७ पट परतावा मिळाला आहे. याचा अर्थ असा की जर एखाद्या गुंतवणूकदाराने १५ मार्च २०२१ च्या किंमतीवर १ लाख रुपये गुंतवले असते, तर आज त्याची किंमत सुमारे ७ लाख रुपये झाली असती.
टाटा टेलिसर्व्हिसेसच्या स्टॉकच्या १ आणि ५ वर्षांच्या कामगिरीवर नजर टाकल्यास, गुंतवणूकदारांसाठी ते मल्टीबॅगर असल्याचे सिद्ध झाले आहे. गेल्या वर्षभरात या कंपनीच्या शेअरमध्ये सुमारे ६९० टक्के वाढ झाली आहे. त्याच वेळी, जर आपण ५ वर्षांची कामगिरी पाहिली तर, स्टॉकमध्ये सुमारे १३७८ टक्क्यांनी वाढ झाली आहे.
दरम्यान, गेल्या एक महिन्यात या शेअरमुळे गुंतवणूकदारांचे प्रचंड नुकसान झालेले होते. या शेअरमुळे गुंतवणूकदारांचे १४.७९ टक्के नुकसान झाले. आपण या वर्षाबद्दल बोललो तर ते ४४.९३ टक्क्यांनी खाली आले आहे. पण गेल्या काही दिवसांत या शेअरची किंमत प्रचंड वाढत आहे.
महत्वाच्या बातम्या-
पराभवानंतर काँग्रेसमध्ये मोठी उलथापालथ; सोनिया गांधींनी घेतले ‘या’ बड्या नेत्यांचे राजीनामे
मी माझ्या आईच्या मैत्रिणीसोबत शारीरिक संबंध बनवले होते; ‘लॉकअप’मध्ये शिवम शर्माचा धक्कादायक खुलासा
बिहारमध्ये प्रेमाने राहतात अमेरिका, अफ्रिका, जपान; रुस आणि जर्मनीचा झाला आहे मृत्यु
