मुंबईचे माजी पोलीस आयुक्त परमबीर सिंग यांच्या प्रकरणी सर्वोच्च न्यायालयाने महाराष्ट्र सरकारला मोठा दणका दिला आहे. सर्वोच्च न्यायालयाने या प्रकरणाचा तपास सीबीआयकडे सोपवला आहे. या प्रकरणात काही पोलिस अधिकाऱ्यांवर गंभीर आरोप करण्यात आले होते. त्यामुळे खंडपीठाने मुंबई उच्च न्यायालयाचा आदेश बाजूला ठेवत तपास सीबीआयकडे सोपवला.
न्यायमूर्ती संजय किशन कौल आणि न्यायमूर्ती एमएम सुंदरेश यांच्या खंडपीठाने महाराष्ट्र सरकारला पाच एफआयआरशी संबंधित सर्व कागदपत्रे आणि पुरावे एका आठवड्यात सीबीआयकडे सोपवण्याचे आदेश दिले आहेत. हा महाराष्ट्र सरकारला हा एक खुप मोठा झटका समजला जात आहे. आता या प्रकरणात महाराष्ट्र सरकारला काहीच हस्तक्षेप करता येणार नाही.
गुरुवारी या प्रकरणावर सुनावणी करताना न्यायमूर्ती संजय किशन कौल यांच्या अध्यक्षतेखालील खंडपीठाने सीबीआय चौकशीचे आदेश देताना म्हटले की, सत्ताबदल होताच सर्व काही उलट-सुलट होतं असं आम्ही मानू शकत नाही. अधिकाऱ्यांवर गुन्हे दाखल करण्यास सुरूवात होते.
पोलिस अधिकाऱ्यांवर आणि सरकारवर गंभीर आरोप आहेत, त्यामुळे खंडपीठाने मुंबई उच्च न्यायालयाचा आदेश बाजूला ठेवत तपास सीबीआयकडे सोपवला. कोर्टाने आपल्या आदेशात परमबीर सिंग यांच्यावर सुरू असलेली चौकशी त्याच्या जागी सुरूच राहील, पण परमबीर सिंग यांचे निलंबन रद्द केले जाणार नाही, असे स्पष्ट केले आहे.
तसेच, आत्तापर्यंत नोंदवलेल्या पाच एफआयआर व्यतिरिक्त, या प्रकरणांशी संबंधित कोणतीही नवीन एफआयआर नोंदवायची असेल तर ती फक्त सीबीआय करेल. महाराष्ट्र सरकारने न्यायालयात आपली भूमिका मांडताना कोणत्याही तपासासाठी राज्याची संमती आवश्यक असल्याचे सांगितले. सीबीआयच्या तपासामुळे पोलिसांच्या मनोबलावर परिणाम होईल, असे सरकारी वकिलांनी सांगितले.
महाराष्ट्र सरकार सीबीआय चौकशीच्या बाजूने नाही, असेही सरकारचे प्रतिनिधित्व करणाऱ्या वकिलांनी सांगितले आहे. दरम्यान, महाराष्ट्र सरकारला हा मोठा दणका समजला जात आहे. या प्रकरणाचा तपास सीबीआयकडे सोपवल्यानंतर सीबीआय आता या प्रकरणात काय कारवाई करणार हे पाहण्यासारखे आहे.
महत्वाच्या बातम्या
एकता कपूरच्या ३ वर्षीय मुलाने थेट स्मृती इराणींसाठी लिहीली खास नोट, म्हणाला, प्रिय स्मृती मावशी..
‘ताई… राजीनामा देऊ नका’, रुपाली चाकणकरांनी राजीनामा देताच ढसाढसा रडल्या महीला
“पतीने जरी केला तरी बलात्कार हा बलात्कारच असतो”; उच्च न्यायालयाचा महत्वाचा निकाल
‘ताई… राजीनामा देऊ नका’, रुपाली चाकणकरांनी राजीनामा देताच ढसाढसा रडल्या महीला
