Sonali Phogat, Postmortem, Rinku Dhaka/ भारतीय जनता पक्षाच्या (भाजप) नेत्या सोनाली फोगट यांच्या शवविच्छेदन अहवालात धक्कादायक खुलासा झाला आहे. सोनाली फोगटच्या (Sonali Phogat) पोस्टमॉर्टमच्या अहवालात ‘शरीरावर बोथट वस्तूने जबरदस्तीने अनेक वार केल्याचा उल्लेख आहे. एका अधिकाऱ्याने गुरुवारी ही माहिती दिली. त्याचवेळी सोनालीची हत्या झाल्याचा आरोप तिच्या भावाने केला होता. तिच्यावर बलात्कार होत होता, अशी तक्रार सोनालीचा भाऊ रिंकू ढाका याने गोवा पोलिसांत दाखल केली आहे.
फोगटचा शवविच्छेदन अहवाल आल्यानंतर गोवा पोलिसांनी गुरुवारी फोगटच्या दोन सहकाऱ्यांविरुद्ध खुनाचा गुन्हा दाखल केला. एका वरिष्ठ पोलीस अधिकाऱ्याने सांगितले की, ४२ वर्षीय फोगट यांच्या मृत्यूशी संबंधित प्रकरणात भारतीय दंड संहितेचे कलम ३०२ (हत्या) जोडण्यात आले आहे.
या प्रकरणात सुधीर सांगवान आणि सुखविंदर वासी यांना आरोपी करण्यात आल्याचे त्यांनी सांगितले. २२ ऑगस्टला फोगट गोव्यात पोहोचले तेव्हा सांगवान आणि वासी तिच्यासोबत होते. सोनाली फोगटचा भाऊ रिंकू ढाका याने बुधवारी अंजुना पोलिस ठाण्यात दोघांविरोधात तक्रार दाखल केली होती.
आदल्या दिवशी गोवा मेडिकल कॉलेज आणि हॉस्पिटलमध्ये फोगटचे पोस्टमॉर्टम करण्यात आले. याआधी सोनाली फोगटचा भाऊ ढाका याने गोवा पोलिसांत तक्रार दाखल केली होती की, फोगटची हत्या त्याच्या दोन साथीदारांनी केली आहे. ते म्हणाले की, सोनाली फोगटने तिच्या मृत्यूच्या काही वेळापूर्वी तिची आई, बहीण आणि कुटुंबातील अन्य सदस्याशी बोलले होते. ढाका म्हणाला की ती अस्वस्थ दिसत होती आणि तिने तिच्या दोन सहकाऱ्यांविरुद्ध तक्रार केली.
हरियाणातील हिसार येथील फोगट (४२) हे भाजपचे नेते आणि टिक टॉक स्टार होती. पोलिसांनी दिलेल्या माहितीनुसार, त्यांना हृदयविकाराचा झटका आला होता, त्यानंतर मंगळवारी सकाळी त्यांना उत्तर गोवा जिल्ह्यातील अंजुना येथील सेंट अँथनी रुग्णालयात नेण्यात आले. रुग्णालयात आणल्यानंतर त्यांना मृत घोषित करण्यात आले.
महत्वाच्या बातम्या-
सोनालीचा संस्कारी बहुवाला अंदाज! सासरी बनवली खीर, उखाणाही घेतला, मंगळसुत्राच्या उलट्या वाट्या…
Sonali Bendre: सोनाली बेंद्रेने सांगितला मृत्युच्या दारातून परत येण्याचा प्रवास, म्हणाली, डॉक्टरही म्हणाले होते की
Sonali Phogat: मृत्युच्या काही तासांपुर्वीच सोनाली फोगाटने शेअर केला होता ‘हा’ व्हिडीओ, तिला यातून काय दाखवायचे होते?
