राज्यभरातील शिवसैनिक आता आक्रमक झाले आहेत. शिवसेनेविरोधात बंडखोरी करणाऱ्यांविरोधात शिवसैनिक आता भडकले आहेत. पुण्यातील शिवसैनिक आता आक्रमक झालेले पाहायला मिळत आहे. संतापलेल्या शिवसैनिकांनी बंडखोर तानाजी सावंत (Tanaji Sawant) यांच्या कार्यालयाची तोडफोड केली आहे.
संतापलेल्या शिवसैनिकांकडून पुण्यातील बालाजीनगर परिसरातील सावंत यांच्या कार्यालयाची तोडफोड करण्यात आली आहे. गद्दार असे कार्यालयाच्या काचांवर लिहून या काचा फोडण्यात आल्या आहेत. शिवसैनिकांनी सावंत विरोधात जोरदार घोषणाबाजी देखील केली आहे.
यावेळी आक्रमक शिवसैनिकांनी म्हंटलं आहे की, ‘जो शिवसेनेशी गद्दारी करेल, त्याला असेच उत्तर मिळणार. बंड करणाऱ्यांना अजूनही वेळ आहे. त्यांनी परत यावे, अन्यथा त्या सर्वांची अशीच अवस्था होईल.’ सध्या पुण्यात तणावाचे वातावरण निर्माण झालं आहे. शिंदे यांनी बंड केल्यानंतर सावंत हेदेखील त्यांच्यासोबत बंड करून आसामला गेले आहेत.
तर दुसरीकडे काल आमदारांच्या बंडखोरीमुळे शिवसैनिक चांगलेच तापले आहे. शिवसैनिक उद्धव ठाकरेंच्या समर्थनार्थ राज्यभर आंदोलन करत आहे. अशात काही शिवसैनिक हे बंडखोर आमदारांवर खुपच आक्रमक झाल्याचे पाहायला मिळत आहे. आता शिवसैनिकांनी बंडखोर आमदार मंगेश कुडाळकर यांचे ऑफिस फोडले.
कुर्ला येथील शिवसेनेचे आमदार मंगेश कुडाळकर एकनाथ शिंदे गटात सामील झाले होते. याआधी त्यांनीच बंडखोर आमदारांवर टीका केली होती. तसेच जेव्हा शिवसेनेच्या विधीमंडळाच्या गटनेतेपदी अजय चौधरी यांची निवड झाली तेव्हा ते मुंबईतच होते, पण त्यानंतर ते शिंदे गटात सामील झाले.
सध्या याचा व्हिडिओही सोशल मीडियावर व्हायरल होत आहे. यावेळी शिवसैनिकांनी मंगेश कुडाळकर यांच्याविरोधात घोषणाबाजी केली आहे. तसेच मंगेश कुडाळकर विरोधात शिवसैनिकांकडून पोस्टर तयार करून या पोस्टरवर गद्दार मंगेश कुडाळकर असे लिहिण्यात आले आहे.
महत्त्वाच्या बातम्या
‘राजकारणाचे डावपेच चालूच राहतील, पण राज्यकारभार थांबायला नको, जनतेची कामं थेट माझ्याकडे आणा’- मुख्यमंत्री उद्धव ठाकरे
‘संकटाच्या काळात पक्षाने विचारपूसही केली नाही’; आमदार यामिनी जाधवांनी व्यक्त केली खंत
मोदी सरकार महाराष्ट्राचे दोन तुकडे करणार; भाजपच्या बड्या मंत्र्यानेच केला गौप्यस्फोट
आम्ही मरेपर्यंत शिवसैनिक राहणार, काहीही झालं तरी शिवसेना सोडणार नाही; शिंदे गटातील आमदाराचा व्हिडीओतून संदेश
