बॉलीवूडचे प्रसिद्ध अभिनेते सतीश कौशिक यांचे आज निधन झाले. आज, 9 मार्चच्या पहाटे, अनुपम खेर यांनी त्यांच्या निधनाची दुःखद बातमी सोशल मीडियावर शेअर केली. ६६ वर्षीय सतीश कौशिक यांनी बुधवारी रात्री ८ मार्च रोजी या जगाचा कायमचा निरोप घेतला.
सतीश कौशिक यांच्या मृत्यूचे कारण समोर आले आहे. सतीश कौशिक यांचे हृदयविकाराच्या झटक्याने निधन झाल्याचे वृत्त आहे आणि त्यावेळी ते दिल्ली, एनसीआरमध्ये होते. त्याचा मृतदेह गुरुग्राममधील फोर्टिस रुग्णालयात नेण्यात आला असून पोस्टमॉर्टमनंतर मुंबईला नेण्यात येणार आहे.
सतीश कौशिक यांच्या निधनाच्या वृत्ताने देशभरातील चाहते आणि इंडस्ट्रीमध्ये शोककळा पसरली आहे. इंडियन एक्स्प्रेसच्या वृत्तानुसार, कौशक गुरुग्राममधील एका नातेवाईकाला भेटण्यासाठी आले होते आणि येथेच त्यांची प्रकृती खालावली. कारमध्येच त्यांना हृदयविकाराचा झटका आला आणि ते वाचू शकले नाहीत, असे सांगण्यात येत आहे.
सोशल मीडियावर शेअर करताना सतीश कौशिक यांचे मित्र आणि अभिनेते अनुपम खेर म्हणाले, ‘मला माहित आहे, मृत्यू हे या जगाचे शेवटचे सत्य आहे! पण मी माझ्या जिवलग मित्र #SatishKaushik बद्दल लिहीन असं स्वप्नातही वाटलं नव्हतं.. ४५ वर्षांच्या मैत्रीचा असा अचानक अंत झाला!! सतीश तुझ्याशिवाय आयुष्य कधीच सारखे होणार नाही! ओम शांती!’
https://twitter.com/AnupamPKher/status/1633615264674889728?s=20
पत्नी शशी कौशिक यांच्याशिवाय सतीश कौशिक यांच्या मागे 11 वर्षांची मुलगी वंशिका आहे. वंशिकाचा जन्म २०१२ मध्ये सरोगसीच्या माध्यमातून झाला होता. तत्पूर्वी, त्यांच्या लग्नातून त्यांना एक मुलगा देखील झाला होता, ज्याचा 1996 मध्ये वयाच्या दुसऱ्या वर्षी मृत्यू झाला होता.
अभिनेता असण्यासोबतच ते दिग्दर्शक, निर्माता, विनोदकार आणि पटकथा लेखक देखील होते. त्यांच्या निधनाच्या वृत्ताने हिंदी चित्रपटसृष्टीत शोककळा पसरली आहे. सलमान खानच्या सुप्रसिद्ध तेरे नाम चित्रपटाचे दिग्दर्शन त्यांनी केले होते
सतीश कौशिक यांचा जन्म 13 एप्रिल 1956 रोजी हरियाणामध्ये झाला. 1972 मध्ये त्यांनी दिल्लीच्या किरोरी माल कॉलेजमधून पदवी प्राप्त केली. त्यांनी नॅशनल स्कूल ऑफ ड्रामा अँड फिल्म अँड टेलिव्हिजन इन्स्टिट्यूट ऑफ इंडिया येथेही शिक्षण घेतले.
सतीश कौशिक यांना ‘मिस्टर इंडिया’ चित्रपटात कॅलेंडरची व्यक्तिरेखा साकारून ओळख मिळाली. यानंतर ते अनेक चित्रपटांमध्ये साईड रोलमध्ये दिसले. आपल्या दमदार अभिनयाने त्यांनी सर्वांच्या हृदयात स्थान निर्माण केले.
‘राम लखन’ आणि ‘साजन चले ससुराल’ या सिनेमांसाठी त्यांना सर्वोत्कृष्ट विनोदी कलाकाराचा फिल्मफेअर पुरस्कारही मिळाला. ते सध्या कंगना राणौतच्या ‘इमर्जन्सी’ चित्रपटात काम करत होते.
महत्वाच्या बातम्या
रुग्णवाहिका बंद पडल्याने शिवसेना आमदाराचा मृत्यू; कुटुंबीयांनी केले हे गंभीर आरोप
कितीही खोके दिले तरी ठाकरेंशी गद्दारी करणार नाही, पैसा व सत्तेसाठी बाप बदलणारी औलाद आपली नाही
अवघ्या १९ वर्षांचा मुलगा एका झटक्यात झाला करोडपती; ‘असं’ केलं तर तुमचेही नशीब चमकू शकते
