सचिनचा फॅन सुधीरला पोलीस स्टेशनमध्ये मारहाण का झाली? धक्कादायक कारण आले समोर

सचिन तेंडुलकरला (Sachin Tendulkar) देव मानणाऱ्या आणि त्याचे सामने पाहण्यासाठी सातासमुद्रापार गेलेल्या जबरा फॅन सुधीर कुमारला बिहारमध्ये पोलिसांनी बेदम मारहाण केली आहे. हे प्रकरण मुझफ्फरपूर जिल्ह्याशी संबंधित आहे जेथे माजी क्रिकेटपटू मास्टर ब्लास्टर सचिन तेंडुलकरचा चाहता सुधीर कुमार (Sudhir Kumar) याला टाऊन पोलिस ठाण्यात एका पोलिसाने मारहाण केली होती. (Sachin’s fan Sudhir get beaten up at the police station)

विशेष म्हणजे सुधीरला ज्या टाऊन पोलीस ठाण्यात मारहाण केली त्याचे उदघाटनही सुधीरच्या हस्ते करण्यात आले होते. मिळालेल्या माहितीनुसार, पोलीस ठाण्यातील एका हवालदाराने त्याला शिवीगाळ केली आणि नंतर त्याला मारण्यासाठी हात वर केला, मात्र हाताने मारण्याऐवजी त्याच्या पायावर दोन लाथा मारल्या आणि शिवीगाळ करून त्याला पोलीस ठाण्यातून हाकलून दिले.

या घटनेने पीडित सुधीरला खूप दुखापत झाली. याबाबत त्यांनी टाऊन डीएसपी रामनरेश पासवान यांच्याकडे तक्रारही केली. त्यानंतर डीएसपींनी चौकशी करून योग्य कारवाईचे आश्वासन दिले आहे. या घटनेबाबत सांगण्यात आले की, गुरुवारी टाऊन पोलिस स्टेशनच्या पोलिसांनी सुधीरचा चुलत भाऊ किशन कुमार याला ताब्यात घेतले होते.

सायंकाळी सुधीर दामोदरपूरला त्याच्या निवासस्थानी पोहोचल्यावर त्याच्या कुटुंबीयांनी त्याला माहिती दिली. यानंतर सुधीरने धावतच टाऊन पोलीस ठाणे गाठले असता भाऊ हाजतमध्ये बंद असल्याचे दिसले. त्याने त्याला कोणत्या प्रकरणात उभे केले आहे, अशी विचारणा सुरू केली असता कळाले की, त्याच्या एका मित्राने जमीन खरेदी केली आहे.

त्या जमिनीचा काही वाद होता. त्यातच एका पक्षाने एफआयआर दाखल केला होता, तर त्याच्याकडे त्याची कोणतीही माहिती नसतानाही पोलिसांनी त्याला पकडले आहे. सुधीर आपल्या भावाशी बोलत असताना रागाच्या भरात एक हवालदार बाहेर आला आणि वाद घालू लागला.त्यानंतर शिवीगाळ करण्यास सुरुवात केली. सुधीरने याला विरोध केला असता त्याला पोलीस ठाण्यात मारहाण करण्यात आली. यानंतर सुधीर तेथून शांतपणे निघून गेला आणि नंतर डीएसपींकडे तक्रार केली.

पोलिसांकडून मारहाण झालेल्या सुधीरने सांगितले की, काही वर्षांपूर्वी ही पोलिस ठाण्याची इमारत नवीन असताना त्याचे उद्घाटन करण्यासाठी सेलिब्रिटी म्हणून बोलावले होते, हे माझे दुर्दैव आहे. त्याचे उद्घाटनही त्यांनी फीत कापून केले होते, मात्र आज त्याच पोलीस ठाण्यात त्यांना मारहाण करण्यात आली आहे. माझ्यासोबत अशी घटना घडू शकते, तेव्हा पोलिस सर्वसामान्यांशी कसे वागले असेल, हे समजण्यासारखे आहे.

महत्वाच्या बातम्या-
बायको सोडून गेल्यानं मला सगळे मोदी म्हणतात पटोलेंनी उल्लेख केलेल्या ‘त्या’ गावगुंडाचा दावा
मी पैसे देऊ शकलो नाही म्हणून मला भाजपने तिकीट दिले नाही; माजी मुख्यमंत्र्यांचे गंभीर आरोप
मोठी बातमी! मनोहर पर्रिकरांच्या मुलाला भाजपने दिला डच्चू; भाजपची पहीली यादी जाहीर
देशात पुन्हा उद्धव ठाकरेंचा बोलबाला! सर्वोत्तम कामगिरी करणाऱ्या मुख्यमंत्र्यांच्या यादीत टॉप ५ मध्ये