आता हॉटस्टारवर पाहता येणार नाही आयपीएल, ‘या’ कंपनीने विकत घेतले IPL चे डिजीटल हक्क
रिलायन्सने मारली बाजी, तब्बल ‘एवढ्या’ कोटींना विकत घेतले IPL चे डिजीटल हक्क; हॉटस्टारला धक्का
इंडियन प्रीमियर लीगच्या 2023 ते 2027 चालू असलेल्या मीडिया हक्कांच्या बोलीमध्ये रिलायन्सने सोनी, डिस्ने आणि अनेक मोठ्या मीडिया दिग्गजांना झटका दिला आणि भारतातील ऑनलाइन सामन्यांच्या थेट प्रक्षेपणाचे अधिकार जिंकले आहेत. रिलायन्सची मीडिया कंपनी VIACOM ने आयपीएल 2023-27 चे पॅकेज बी 20500 कोटी रुपयांना विकत घेतले आहे, ज्यामुळे डिजिटलमधील प्रति सामन्याची किंमत 50 कोटी रुपये झाली आहे.
आयपीएलच्या मीडिया हक्कांसाठी सुरू असलेल्या ई-लिलावात, टीव्हीचे हक्क दुसर्‍या कंपनीने 23575 कोटी रुपयांना विकत घेतले आहेत आणि 410 सामन्यांचे संपूर्ण पॅकेज 44075 कोटी रुपयांवर पोहोचले आहे. दोन वेगवेगळ्या पॅकेज ए आणि पॅकेज बी जिंकले आहे, ज्याने प्रति सामन्याची किंमत 107.5 कोटी रुपये प्रति सामना झाली आहे.
रिलायन्सच्या VIACOM कंपनीने डिजिटल अधिकार जिंकले असले तरी टीव्ही हक्क ज्या कंपनीने विकत घेतले आहेत त्यांचे नाव अदयाप उघड करण्यात आले नाही. याचा अर्थ असा की भारतातील आयपीएल 2023 चे सामने आता डिस्ने हॉटस्टार ऐवजी रिलायन्सच्या वूट सिलेक्ट अॅपवर प्रसारित केले जातील आणि चाहते आता बिग बॉससह आयपीएलचा आनंद घेऊ शकतील.
हे लक्षात घेण्यासारखे आहे की Voot कडे FIFA विश्वचषक 2022 चे डिजिटल प्रसारण अधिकार देखील आहेत. स्टार इंडियाने 2017-2022 या सायकलसाठी 16347.50 कोटी रुपयांचे IPL डिजिटल आणि टीव्ही हक्क जिंकले. तर दुसरीकडे सोनी पिक्चर्सने यापूर्वी 10 वर्षांसाठी 8200 कोटींची बोली लावून टीव्हीचे मीडिया हक्क जिंकले होते.
या लिलावानंतर आयपीएल ही जगातील सर्वात मोठी लीग बनली आहे. इंडियन प्रीमियर लीग (IPL) ने मीडिया हक्कांच्या बाबतीत इंग्लिश प्रीमियर लीग (EPL) ला मागे टाकले आहे. आता फक्त एनपीएल इंडियन प्रीमियर लीग (IPL) च्या पुढे आहे.
या लिलावात टीव्ही हक्कांची मूळ किंमत कोटी रुपये ठेवण्यात आली होती, तर डिजिटल हक्कांची किंमत ३३ कोटी रुपये होती. दरम्यान, रिलायन्सने आयपीएलचे डिजीटल हक्क विकत घेतल्यानंतर हॉटस्टारच्या ग्राहकांना धक्का बसला आहे. कारण ज्यांनी एक वर्षाचे वाढीव सब्सक्रिप्शन घेतले होते त्यांना हॉटस्टारवर आयपीएल पाहता येणार नाही.
महत्वाच्या बातम्या
त्यांना माझ्याजवळ कोणतेही ड्रग्स सापडले नसतानाही.., शाहरूखनंतर आर्यन खान एनसीबीवर संतापला
तुम्ही सिनेमागृहात आलात का? ड्रेसवरून भर कोर्टात न्यायाधीश वरिष्ठ अधिकाऱ्यावर नाराज; व्हिडिओ झाला व्हायरल
नुपूर शर्माच्या पुतळ्याला फासावर दिल्यावर संतापला क्रिकेटपटू; म्हणाला, हा २१ व्या शतकातील भारत..
कपडे घालायचा कंटाळा यायचा म्हणून अभिनेत्रीने संपूर्ण शरीर फुलं आणि पानांनी झाकले; पहा फोटो…
