ब्रिटनचे पंतप्रधान बोरिस जॉन्सन (Boris Johnson) यांनी बुधवारी हलोल येथील जेआयडीसी पंचमहाल येथील नवीन जेसीबी ट्रॅक्टर कारखान्याला भेट दिली. सध्या देशात बुलडोझरची चर्चा जोरात सुरू आहे. दरम्यान, बोरिस जॉन्सनचा एक फोटो सोशल मीडियावर प्रचंड व्हायरल होत आहे. यामध्ये बुलडोझरवर चढून ते फोटो काढत आहे. याआधी त्यांनी भारतातील मोठे उद्योगपती गौतम अदानी ( Gautam Adani) यांचीही भेट घेतली होती.(Prime Minister Boris Johnson climbed on a bulldozer in Gujarat)
#WATCH UK PM Boris Johnson along with Gujarat CM Bhupendra Patel visits JCB factory at Halol GIDC, Panchmahal in Gujarat
(Source: UK Pool) pic.twitter.com/Wki9PKAsDA
— ANI (@ANI) April 21, 2022
अदानी यांनी ट्विट केले की, बोरिस जॉन्सनचे स्वागत करताना खूप आनंद होत आहे. गुजरातमधील अदानी मुख्यालयाला भेट देणारे ते यूकेचे पहिले पंतप्रधान आहेत. यादरम्यान जॉन्सन म्हणाले की, या वर्षाच्या अखेरीस म्हणजेच शरद ऋतूपर्यंत भारतासोबतचा आणखी एक मुक्त व्यापार करार पूर्ण करण्यासाठी आम्ही उत्सुक आहोत. त्याचवेळी ते म्हणाले की, आमच्याकडे आमची सुरक्षा आणि संरक्षण भागीदारी आणखी वाढवण्याची संधी आहे.
तुम्हाला माहिती आहे की, यूके त्याच्या राष्ट्रीय संरक्षण आणि सुरक्षा धोरणाच्या एकात्मिक पुनरावलोकनात इंडो-पॅसिफिककडे झुकत आहे. जॉन्सन म्हणाले की, जागतिक अर्थव्यवस्थेचा मोठा भाग आणि या क्षेत्रातील जागतिक अर्थव्यवस्थेची वाढ पाहता ही योग्य गोष्ट आहे. भारत आणि ब्रिटन या दोघांनाही जगभरातील निरंकुशतेबद्दल चिंता आहे, आम्ही दोघेही लोकशाही आहोत आणि आम्हाला एकत्र राहायचे आहे.
ब्रिटिश पंतप्रधान म्हणाले, भारत आणि रशियाचे ऐतिहासिकदृष्ट्या खूप वेगळे संबंध आहेत, कदाचित गेल्या काही दशकांतील रशिया आणि ब्रिटनमधील संबंधांपेक्षा वेगळे. आम्हाला ते वास्तव पाहावे लागेल, परंतु मी याबद्दल नरेंद्र मोदींशी स्पष्टपणे बोलेन. भारताने युक्रेनचा मुद्दा आधीच उचलून धरला आहे. भारतीयांचे म्हणणे बघितले तर बुका येथील अत्याचाराचा त्यांनी तीव्र शब्दात निषेध केला.
बोरिस जॉन्सन बुलडोझरवर चढला आणि सोशल मीडियावर यूजर्स मजाक उडवू लागले. एकाने लिहिले की, बोरिस जॉन्सनलाही उत्तर प्रदेशचे मुख्यमंत्री योगी आदित्यनाथ यांच्या बुलडोझरचा वारा लागला आहे. एका वापरकर्त्याने ट्विट केले की बोरिस जॉन्सनने जेसीबी कारखान्यात बुलडोझरची ड्रायव्हिंग चाचणी घेतली.
एका यूजरने लिहिले की, बोरिस जॉनसन गुजरातमधून बुलडोझर घेऊन थेट जहांगीरपुरीला पोहोचतील. एका ट्विटमध्ये, वापरकर्त्याने म्हटले आहे की बोरिस जॉन्सन यांनी बुलडोझरवर चढून एका दिवसात 1947 ते 2022 पर्यंतचा भारताचा इतिहास कव्हर केला आहे.
गुरुवारी सकाळी जॉन्सन अहमदाबाद विमानतळावर उतरले. त्यानंतर ते साबरमती आश्रमात गेले जेथे गुजरातचे मुख्यमंत्री भूपेंद्र पटेल आणि आश्रमाचे विश्वस्त कार्तिकेय साराभाई यांनी त्यांचे स्वागत केले. जॉन्सन जवळपास 30 मिनिटे येथे थांबले होते. महात्मा गांधींना पुष्पांजली अर्पण केल्यानंतर जॉन्सन महात्मा गांधी राहत असलेल्या ‘हृदय कुंज’ येथे गेले. त्यानंतर ते ‘मीरा कुटीर’ येथे गेले जेथे गांधींच्या इंग्रजी वंशाच्या अनुयायी मीराबेन किंवा मॅडलिन स्लेज राहत होत्या.
ब्रिटनचे पंतप्रधान बोरिस जॉन्सन अहमदाबादमधील साबरमती आश्रमात चरखा फिरवत आहेत. यावेळी त्यांच्यासोबत मुख्यमंत्री भूपेंद्र पटेल उपस्थित होते. जॉन्सन यांना सादर करण्यात आलेल्या पुस्तकांमध्ये ‘लंडनचे मार्गदर्शक’ हे अप्रकाशित आहे आणि त्यात गांधीजींच्या लंडनमध्ये कसे राहायचे याबद्दलच्या सूचना आहेत. दुसरे पुस्तक म्हणजे मीराबेन यांचे आत्मचरित्र ‘द स्पिरीट्स पिलग्रिमेज’. जॉन्सन यांनी गांधी आश्रमाच्या विजिटर्स पुस्तकात लिहिले आहे की, ‘या विलक्षण माणसाच्या आश्रमाला भेट देणे आणि जगाला एक चांगले स्थान बनविण्यासाठी त्यांनी सत्य आणि अहिंसेच्या साध्या तत्त्वांवर कसा जोर दिला हे समजून घेणे हे एक मोठे सौभाग्य आहे.’
महत्वाच्या बातम्या-
“दंगली थांबवायच्या असतील तर सर्वात आधी भाजपच्या मुख्यालयावर बुलडोझर चालवा”
आता रोजगार गेलेल्या मुलांनी काय करायचे? बुलडोझर कारवाईनंतर लोकांचा आक्रोश
बेकायदेशीर बांधकाम तोडत होते अधिकारी; कम्युनिस्ट नेत्याने दिले बुलडोझर थांबवण्याचे आदेश, म्हणाल्या
हनुमान जयंती मिरवणुकीत हिंसाचारात झालेल्या जहांगीरपुरीत घरे-दुकानांवर बुलडोझर
