जगाच्या विविध भागांतील सुमारे १७८ देशांमध्ये सत्य साईबाबांचे भक्त आहेत. सत्य साई आयुष्यात आणि नंतरही आपल्या भक्तांसोबत असल्याचे भक्तांकडून सांगण्यात येते. त्यांना शिर्डीच्या साईबाबांचे अवतार मानले जाते. सत्य साई यांचा जन्म २३ नोव्हेंबर १९२६ रोजी आंध्र प्रदेशातील पुट्टापर्थी गावात झाला आणि २४ एप्रिल २०११ रोजी त्यांनी जगाचा निरोप घेतला. (pm narendra modi and satyasai baba incident)
आजही सत्यसाईंना त्यांचे भक्त देवाप्रमाणे पूजतात. त्यांच्या आईने सत्यनारायणाची पूजा केली होती आणि काही वेळाने पूजेच्या शेवटी प्रसाद घेतला तेव्हा बाबांचा जन्म झाला असे भक्तांकडून सांगितले जाते. बाबांच्या जन्माबरोबरच घरात पडलेली सर्व वाद्ये स्वतःच वाजू लागली, असेही म्हणतात.
असे म्हणतात की बाबा लहानपणापासूनच प्रतिभेने संपन्न होते. वयाच्या ८ व्या वर्षी त्यांनी सुंदर स्तोत्रांच्या रचनेवर प्रभुत्व मिळवले होते. २३ मे १९४० रोजी वयाच्या १४ व्या वर्षी त्यांनी स्वतःबद्दल ‘मी शिवशक्ती स्वरूप, शिर्डीच्या साईंचा अवतार आहे’ असे सांगितले. असे म्हणतात त्यांनी मूठभर चमेलीची फुले हवेत फेकली, जी जमिनीवर पडली आणि तेलुगूमध्ये ‘साईबाबा’ असे लिहिले होते. ही गोष्टी आगीसारखी देशात पसरली होती.
असे म्हटले जाते की जेव्हा ते हायस्कूलमध्ये होते तेव्हा त्यांना विंचू चावला होता, त्यानंतर ते बराच काळ कोमात राहिले. कोमातून परत आल्यानंतर त्यांच्या वागण्यात विचित्र बदल झाला. त्यांनी खाणे-पिणे बंद केले आणि श्लोक आणि मंत्र पठण करण्यात आपला सर्व वेळ घालवला.
सचिन तेंडूलकर सुद्धा त्यांचा भक्त आहे. बाबांच्या मृत्यूची बातमी कळताच हैदराबादमध्ये सचिनने हॉटेलच्या खोलीत स्वत:ला कोंडून घेतले होते. सचिनची आई देखील बाबांची भक्त आहे आणि त्यामुळेच त्यांना साईंबद्दल खूप प्रेम आहे. २१ एप्रिल २०११ रोजी सत्य साईबाबांच्या निधनानंतर सचिन तेंडुलकर पत्नी अंजलीसह पुट्टपर्थीला पोहोचला तेव्हा सचिनला त्याच्या शेवटच्या भेटीत अश्रू आवरता नव्हते.
याशिवाय त्यांच्या भक्तांमध्ये व्हीआयपी भक्तांची यादी खूप मोठी आहे. माजी पंतप्रधान नरसिंह राव, अटलबिहारी वाजपेयी, मनमोहन सिंग माजी राष्ट्रपती अब्दुल कलाम, गुजरातचे तत्कालीन मुख्यमंत्री नरेंद्र मोदी, विहिंपचे अशोक सिंधल, ऐश्वर्या राय बच्चन, क्रिकेटपटू अर्जुन रणतुंगा, सनथ जयसूर्या, गुंडप्पा विश्वनाथ, माजी एअर चीफ मार्शल निर्मल चंद्र सुरी आणि आरएसएसचे राज्यातील सर्व मोठे नेते त्यांच्या दरबारात जात असत.
पंतप्रधान मोदींचा सत्य साईबाबांसोबत सुमारे ३० वर्षांचा सहवास होता. मोदींबद्दल सत्य साई म्हणाले होते की, मला सांगताना खूप आनंद होत आहे की, मोदींमध्ये जाहीरपणे कृतज्ञता व्यक्त करण्याचे धाडस आहे. खरंतर सत्य साई यांनी २००४ मध्ये मोदींना तुम्ही देशाचे पंतप्रधान होणार असल्याचे सांगितले होते.
आजही, सत्य साईंचे भक्त दावा करतात की घरातील शुभ कार्य करताना देखील बाबांची आध्यात्मिक उपस्थिती अनुभवली जाते. पिवळ्या पाकिटावर स्वस्तिक चिन्हासह बाबांचे आशीर्वाद देखील प्राप्त होतात. याशिवाय देश-विदेशात राहणाऱ्या साईभक्तांच्या घरी विभूती, कुमकुम, हातांचे ठसे मिळणे, अदृश्यपणे प्रसाद ग्रहण करणे, मध, रोळी, गुलाल घडल्याचे भक्त सांगत असतात.
महत्वाच्या बातम्या-
‘या’ दोन बड्या नेत्यांवर गंभीर आरोप करत वसंत मोरेंच्या कट्टर समर्थकाने सोडली मनसे
सलमान खानला धमक्या आल्यानंतर मुंबई पोलिस ऍक्शन मोडमध्ये, उचलले ‘हे’ मोठे पाऊल
सीमेवर देशाचे रक्षण करणारा महाराष्ट्राचा सुपूत्र शहीद; मृत्यूमागील धक्कादायक कारण आले समोर
