pailwan sikandar shaikh success story | असे म्हणतात जिद्द असली की नशिबाला पण आपल्यासमोर झुकावं लागतं. आपली परिस्थिती कितीही खडतर असली तरी जिद्दीने मेहनत घेत अनेकांनी आपले स्वप्न पूर्ण केले आहे. त्यातलाच एक म्हणजे सिकंदर शेख. सिकंदर सध्या महाराष्ट्र केसरी स्पर्धेत जबरदस्त कामगिरी करत आहे.
सिकंदरचे वडील हे हमाल होते, पण आपल्या घरच्या परिस्थितीवर मात करत सिकंदर कुस्तीच्या आखाड्यात चांगल्या चांगल्या पैलवानांना आसमान दाखवत आहे. त्याने आपल्या कामगिरीतुन सर्वांची मने जिंकली आहे.
सिकंदर हा मूळ सोलापूर जिल्ह्यातील मोहोळचा आहे. घरी कुस्तीचा वारसा असला तरी परिस्थिती हलाखीची. त्यामुळे पैलवान असलेले वडील रशीद शेख हे निमगावच्या मगरांच्या तालमीत सराव करायचे. तालमीची स्वच्छता करत असल्यामुळे त्यांना खुराक मिळायचा. असं सुरू असताना एकेदिवशी त्यांच्या वडिलांची प्रकृती खराब झाली होती. त्यामुळे त्यांना पुन्हा घरी परतावे लागले.
घरी आल्यानंतर त्यांनी लग्न केले. त्यामुळे घर सांभाळण्याची जबाबदारी त्यांच्यावर आली. पण त्यांनी कुस्ती सोडली नाही. कुस्तीतुन मिळणाऱ्या बक्षिसांमधून ते घर चालवत होते. त्यानंतर त्यांना दोन मुले झाली. त्यामुळे त्यांनी कामाला सुरुवात केली. ते मार्केट यार्डमध्ये हमाली करू लागले.
आपल्याला खेळता आले नाही म्हणून काय झाले आपल्या मुलांना पैलवान बनवू असे म्हणत त्यांनी सिकंदरला आखाड्यात उतरवले. तो कुस्ती खेळण्यासोबतच लष्करात भरती होण्याची तयारी करू लागला होता. अखेर तो लष्करात भरती झाला. त्यानंतर सुद्धा त्याने कुस्तीचा नाद सोडला नाही आणि बक्षिसांनी आपली परिस्थितीच बदलून टाकली.
लष्करातही त्याने अनेक स्पर्धा जिंकल्या. त्याने कुस्तीत खूप बक्षिसे जिंकली आहे. त्याने आतापर्यंत एक महिंद्रा थार, एक ट्रॅक्टर, चार अल्टो कार, चोवीस बुलेट, सहा टीव्हीएस बाईक, सहा हिरो होंडाच्या बाईक आणि तब्बल ४० चांदीच्या गदा इतकी बक्षिसे जिंकली आहे.
महत्वाच्या बातम्या-
गरीबीमुळे वडीलांना सोडावी लागली कुस्ती, पण महाराष्ट्र केसरी होत शिवराजने बापाचे स्वप्न साकारले
चिन्मय मांडलेकरच्या गांधी विरूद्ध गोडसेचा वाद पेटला; आता दिग्दर्शक म्हणतात..
पुण्याचा शिवराज राक्षे ठरला २०२३ चा महाराष्ट्र केसरी; महेंद्र गायकवाडला चितपट करत जिंकली फायनल
