संसदेच्या अर्थसंकल्पीय अधिवेशनाच्या ७ व्या दिवशी, पंतप्रधान नरेंद्र मोदींनी काँग्रेसवर निशाणा साधला आहे. पंतप्रधान मोदी एखाद्या फलंदाजाप्रमाणे संसदेत जोरदार फलंदाजी करताना दिसून आले. यावेळी त्यांनी प्रसिद्ध गायिका लता मंगेशकर यांच्या भावासोबत घडलेल्या एका घटनेचाही उल्लेख केला आहे. (narendra modi talk about hrudaynath mangeshkar)
पंतप्रधान मोदींनी दिवंगत मेलडी क्वीन लता मंगेशकर यांच्या कुटुंबाचा हवाला देत अशी गोष्ट सांगितली ज्याबद्दल आजही अनेकांना माहिती नाही. भाषण स्वातंत्र्यावरही पंतप्रधान मोदींनी काँग्रेसला घेरले. लता मंगेशकर यांचे धाकटे बंधू पंडित हृदयनाथ यांना काँग्रेसकडून आकाशवाणीवरून काढून टाकण्यात आले होते, असे मोदींनी म्हटले आहे.
वीर सावरकरांची देशभक्तीपर कविता हृदयनाथ मंगेशकरांनी आकाशवाणीवर सादर केली हा त्यांचा गुन्हा होता का? त्यांना ८ दिवसांत नोकरीवरून काढून टाकण्यात आले, असे मोदी म्हणाले. पंतप्रधान नरेंद्र मोदी यांनी विरोधी पक्षावर आणखी टीका केली की, हृदयनाथजींनी एका मुलाखतीत सांगितले होते की, एकदा ते सावरकरांना भेटले आणि त्यांना त्यांची कविता सादर करण्याबद्दल सांगितले.
त्यावेळी सावरकर त्यांनी म्हणाले की माझी कविता वाचून तुम्हाला तुरुंगात जायचे आहे का? पण तरीही हृदयनाथजींनी कविता ऐकवली आणि आठ दिवसांतच त्यांना आकाशवाणीच्या सेवेतून बडतर्फ करण्यात आले. काँग्रेसची खिल्ली उडवत नरेंद्र मोदी म्हणाले की, ही त्यांची अभिव्यक्ती स्वातंत्र्याची संकल्पना होती.
पंतप्रधान नरेंद्र मोदी आपल्या भाषणात पुढे म्हणाले की, मजरूह सुलतानपुरी आणि प्राध्यापक धरमपाल या दोघांनाही काँग्रेसच्या काळात नेहरूंवर टीका केल्याबद्दल तुरुंगात पाठवण्यात आले होते. आणीबाणीच्या काळात किशोर कुमार इंदिरा गांधींपुढे नतमस्तक झाले नाहीत, तेव्हा त्यांना ऑल इंडिया रेडिओवर गाण्यासही बंदी घालण्यात आली होती.
संसदेच्या संयुक्त अधिवेशनात राष्ट्रपतींच्या अभिभाषणावरील आभारप्रदर्शनावर चर्चा करताना पंतप्रधान मोदींनी लता मंगेशकर यांच्या आवाजाचाही उल्लेख केला. त्यांनी प्रख्यात गायिका लता मंगेशकर यांना आदरांजली वाहिली. नरेंद्र मोदी म्हणाले, त्यांच्या आवाजाने देशाला इतके दिवस मंत्रमुग्ध केले आणि प्रेरणा दिली, त्यांच्या आवाजाने देश भावनांनी भरला आहे.
महत्वाच्या बातम्या-
जेव्हा जवान शत्रुंशी लढत असतात तेव्हा देतात ‘हा’ नारा, प्रत्येक रेजिमेंटचा असतो वेगळा नारा
आसाममधील ६८३ मदरसे आता सामान्य शाळेप्रमाणेच चालतील, बंदीची याचिका न्यायालयाने फेटाळली
‘हिंदी कलाकारांना जाऊ दिलं आणि आम्हाला अडवलं तेही मराठी पोलिसांनी’, हेमांनी कवीने सांगितला घटनाक्रम
