केदार जाधव सध्या टीम इंडियातून बाहेर आहे. भारतीय संघातून बाहेर पडल्यानंतरही त्याच्यातील क्रिकेटची इच्छा कमी झालेली नाही. त्यामुळेच त्याने 3 वर्षांनंतर रणजी ट्रॉफीमध्ये पुनरागमन केले आणि जोरदार खेळ करत आपला दणका दाखवला आहे.
ब्रेबॉर्न स्टेडियमवर मुंबई आणि महाराष्ट्र यांच्यातील एलिट बी सामन्यात त्याने शानदार शतक झळकावून खळबळ उडवून दिली आहे. या मोसमातील त्याचे हे दुसरे शतक आहे. तसेच, प्रथम श्रेणी क्रिकेटमधील हे त्याचे 16 वे शतक आहे.
टीम इंडियातून बाहेर पडणारा केदार जाधव सध्या उत्कृष्ट फॉर्ममध्ये असून रणजीमध्ये तो बॅक टू बॅक धमाकेदार खेळी खेळत आहे. याआधी केदार जाधवने आसामविरुद्ध द्विशतक ठोकले आहे. अशा परिस्थितीत त्याच्या शेवटच्या ५ डावांवर एक नजर टाकूया.
मागील 5 डावांमध्ये त्याने 110.6 च्या उत्कृष्ट सरासरीने आणि 85 च्या स्ट्राईक रेटने फलंदाजी केली आणि 2 शतके आणि 2 अर्धशतकांसह एकूण 553 धावा केल्या. दुसरीकडे, मुंबई विरुद्ध खेळल्या गेलेल्या सामन्याबद्दल बोलायचे झाले तर, या सामन्याच्या पहिल्या डावात त्याने 168 चेंडूत 18 चौकार आणि 1 षटकाराच्या मदतीने 128 धावा केल्या.
रणजी ट्रॉफी 2022/23 मध्ये जाधवची कामगिरी
१२८(१६८) वि मुंबई
७१(९२) वि हैदराबाद
५६(७८) आणि १५(२९) वि तामिळनाडू
२८३(२८३) वि आसाम
केदार जाधव टीम इंडियातून बाहेर असला तरी त्याने रणजी ट्रॉफीमध्ये दहशत निर्माण केली आहे. गोलंदाजांना घाम फोडत त्याने आतापर्यंत तब्बल 553 धावा तडकावल्या आहेत.
विशेष म्हणजे केदार जाधव 2020 पासून टीम इंडियातून बाहेर आहे. 2014 ते 2020 या वर्षांच्या दरम्यान, त्याने भारतासाठी 73 एकदिवसीय सामने आणि 9 टी-20 सामने खेळले. यादरम्यान त्याने एकदिवसीय सामन्यांमध्ये 42 च्या सरासरीने 1389 धावा केल्या, ज्यामध्ये त्याने बॅटने 2 शतके आणि 6 अर्धशतके केली.
यासोबतच त्याने या फॉरमॅटमध्ये 27 विकेट्सही घेतल्या आहेत. त्याच वेळी, 9 T20I सामन्यांमध्ये जाधवने 123.23 च्या स्ट्राइक रेटने एकूण 122 धावा केल्या. केदार जाधवने 2020 मध्ये न्यूझीलंडविरुद्ध शेवटचा सामना खेळला होता. त्याच वेळी, 2017 मध्ये, तो ऑस्ट्रेलियाविरुद्ध शेवटचा टी-20 आंतरराष्ट्रीय खेळताना दिसला होता.
हे ही वाचा
सामन्यात फिल्डिंग करत असताना केदार जाधव अचानक गेला घरी अन्;; हैराण करणारी गोष्ट आली समोर
IND vs SA : सुर्यकुमार यादवने साऊथ आफ्रिकेच्या गोलंदाजांना दाखवले;, भारताचा धमाकेदार विजय
आता राष्ट्रवादी टार्गेटवर! आव्हाडांच्या बालेकिल्ल्यातील २२ नगरसेवक शिंदे गटाच्या गळाला
