80 आणि 90 च्या दशकातील बॉलीवूडमधील दिग्गज अभिनेत्यांपैकी एक अभिनेते कादर खान यांनी लाखो प्रेक्षकांना आपल्या अनोख्या अभिनय शैलीने आणि दमदार अभिनयाने वेड लावले होते आणि त्यांच्या हृदयात एक वेगळी जागा निर्माण केली होती. आपल्या चित्रपट कारकिर्दीत 300 हून अधिक चित्रपटांमध्ये दिसलेले अभिनेते कादर खान यांनी 31 डिसेंबर 2018 रोजी या जगाचा कायमचा निरोप घेतला, परंतु आजही ते अभिनयाद्वारे आपल्यासोबत जिवंत आहेत.
ही गोष्ट अभिनेता कादर खानच्या मृत्यूच्या वेळेशी संबंधित आहे, ज्याचा खुलासा खुद्द त्यांचा मुलगा सरफराज खानने केला आहे. सरफराज खानने एका मुलाखतीत सांगितले होते की, जेव्हा त्याचे वडील कादर खान यांचे निधन झाले तेव्हा अमिताभ बच्चन आणि गोविंदा सारखे अनेक बॉलिवूड कलाकार होते, ज्यांच्यासोबत कादर खान यांनी अनेक चित्रपटांमध्ये काम केले होते. परंतु या स्टार्सचा त्याला किंवा घरी एकही फोन आला नाही.
सरफराज खानने असेही सांगितले की, जेव्हा त्यांचे वडील कादर खान या जगात होते, तेव्हाच त्यांनी त्यांना सांगितले की ही फिल्म इंडस्ट्री आहे येथे कोणी कोणाला लक्षात ठेवत नाही त्यामुळे तेथील लोकांकडून कोणतीही आशा नाही. सरफराज खानने सांगितले की, त्याचे वडील कादर खान हे त्यांच्या काळातील एक अप्रतिम अभिनेते होते तरीही पुर्ण फिल्म इंडस्ट्री त्यांना विसरली. मात्र, अभिनेता गोविंदाबद्दल बोलताना सरफराजने सांगितले की, गोविंदाने कादर खान यांच्याबाबतीत एक ट्विट केले होते.
सरफराज खानने आपल्या मुलाखतीत सांगितले होते की, त्याचे वडील कादर खान यांनी आपले संपूर्ण आयुष्य बॉलीवूडसाठी दिले असले तरी त्यांनी कधीही कशाचीही अपेक्षा केली नाही. सरफराजने सांगितले की, कदाचित त्याच्या वडिलांनी शेवटच्या क्षणी दिग्गज अभिनेत्यांसोबत झालेली वागणूक पाहिली असेल ज्यामुळे त्यांनी आधीच सर्व आशा सोडल्या होत्या.
सरफराज खानच्या म्हणण्यानुसार, वडील कादर खान यांच्याशी संबंधित दु:खद बातमी ऐकल्यानंतर डेव्हिड धवन हे एकमेव व्यक्ती होते ज्यांचा फोन आला. तो पुढे म्हणाले की, जो ट्रेंड इंडस्ट्रीत चालू आहे तो पुढे जाऊन प्रत्येकासोबत घडणार आहे. त्याने सांगितले की नंतर सर्वजण शोक व्यक्त करतात आणि शो ऑफ करताना दिसतात. स्टार्स अनेकदा एकमेकांच्या लग्नात किंवा इतर आनंदाच्या प्रसंगी नाचताना, उत्सव साजरा करताना आणि जेवताना देखील दिसतात, परंतु प्रत्यक्षात ते पूर्णपणे वेगळे आहेत.
कादर खान यांचा मुलगा सरफराजने सांगितले की, त्यांचे वडील नेहमी सांगत असत की त्यांना त्यांची लढाई एकट्याने लढायची आहे. कादर खान मुलांना नेहमी समजावत असत की, फिल्म इंडस्ट्री खूप वाईट आहे, जिथे तुम्ही कोणाचीही अपेक्षा करू शकत नाही, असंही कादर खान म्हणाले होते.
महत्वाच्या बातम्या
VIDEO: मुंबईच्या गगनचुंबी इमारतीत माधूरीने बांधले अलिशान घर; पहा नव्या घराची खास झलक
RRR चित्रपटाच्या प्रदर्शनावेळी चाहत्यांनी केली थिएटरची तोडफोड; व्हिडिओ आला समोर
‘मंत्रालयात जाताच लता दीदींची गाणी वाजायला हवीत’ राज ठाकरेंची मुख्यमंत्र्याकडे मागणी, काय आहे नेमकं प्रकरण
‘द काश्मिर फाईल्स’ने माझा ‘बच्चन पांडे’ बुडवला, अक्षय कुमार झाला भावूक
