अक्षय्य तृतीयेला सोने-चांदी खरेदी करणे शुभ मानले जाते. या निमित्ताने सोन्याची खरेदी वाढते आणि दरही वाढतात. मात्र यावेळी अक्षय्य तृतीयेच्या मुहूर्तावर सोन्याच्या दरात घसरण झाली आहे. सलग तिसऱ्या दिवशी सोन्या-चांदीच्या दरात घसरण झाली आहे त्यामुळे सोने खरेदी करण्याची ही उत्तम वेळ आहे.
मंगळवारी MCX (MCX Gold Price) वर सोन्याचा भाव 2.13 टक्क्यांनी घसरून 50,650 रुपये प्रति 10 ग्रॅम झाला. त्याच वेळी, चांदीच्या दरात 2.14 टक्क्यांची मोठी घसरण झाली. चांदीचा भाव 62,970 रुपये प्रति किलोपर्यंत घसरला आहे. अक्षय तृतीयेच्या मुहूर्तावर आयबीजेएच्या वेबसाइटवर दर जाहीर करण्यात आले नव्हते.
अशा परिस्थितीत सोन्याचा भाव 2 मे रोजी बंद झालेल्या बाजारभावावर कायम आहे. 2 मे रोजी 24 कॅरेट सोन्याचा भाव घसरून 51336 रुपये प्रति 10 ग्रॅमवर बंद झाला. याशिवाय 22 कॅरेट सोने 51130 आणि 20 कॅरेट सोने 47024 रुपये प्रति 10 ग्रॅम दराने विकले जात आहे.
999 शुद्धता असलेली चांदी 62950 प्रति किलोवर पोहोचली. सराफा बाजारात सोन्याच्या किमतीने गेल्या दोन महिन्यांचा विक्रम मोडला आहे. IBJA नुसार, यापूर्वी 28 फेब्रुवारी 2022 रोजी सोन्याची किंमत 50696 रुपये प्रति 10 ग्रॅम होती. 28 फेब्रुवारीपासून सोन्याच्या दरात वाढ झाली आहे.
वाढत्या महागाईला आळा घालण्यासाठी फेडरल रिझर्व्हकडून व्याजदरात वाढ होण्याची शक्यता आहे. त्यामुळे बाजारावर दबाव आहे. तज्ज्ञांच्या मते व्याजदरात 50 बेसिस पॉइंट्सने वाढ होण्याची शक्यता आहे. सोने आणि चांदीचे नवीनतम दर जाणून घेण्यासाठी तुम्ही मोबाईल नंबर 8955664433 वर मिस कॉल करू शकता.
ही प्रोसेस केल्यानंतर तुम्ही तुमच्या फोनवरील मेसेजमध्ये नवीनतम दर तपासू शकता. आम्ही तुम्हाला सांगू इच्छितो की, IBJA वर जारी केलेल्या दराव्यतिरिक्त, तुम्हाला GST देखील भरावा लागेल. त्यामुळे आताच वेळ आहे सोने खरेदी करून घ्या नाहीतर पुन्हा सोन्याचे दर गगणाला भिडू शकतात. गेल्या दोन महिन्यात सोन्याच्या दरात झालेली ही सगळ्यात मोठी घसरण आहे.
महत्वाच्या बातम्या
आज ३ तारीख, उद्यापासून गोंगाट बंद होईल अशी अपेक्षा बाळगते, प्राजक्ता माळीची पोस्ट चर्चेत
“शिवरायांची समाधी लोकमान्य टिळक यांच्याकडून बांधली गेली नाही”, संभाजीराजे छत्रपतींनी केला खुलासा
पुन्हा लंडनमध्ये धुमधडाक्यात लग्न करणार सोनाली कुलकर्णी; स्वत:च खुलासा करत म्हणाली..
लाठीचार्ज होताच पळणारे, म्हणे आम्ही बाबरी पाडायला गेलो होतो; फडणवीसांचा ‘तो’ फोटो व्हायरल
