युक्रेन आणि रशियामध्ये युद्ध सुरु आहे. ज्यामध्ये आतापर्यंत शेकडो लोकांचे जीव गेले आहेत. तसेच युक्रेनमध्ये युद्धामुळे अडकलेल्या भारतीयांना बाहेर काढण्याची प्रक्रिया अजूनही सुरू आहे. दररोज शेकडो भारतीय नागरिकांना भारतात परत आणले जात आहे. दरम्यान, काही लोक युक्रेन सोडण्यास तयार नसल्याच्या बातम्याही येत आहेत आणि याचे कारण त्यांचे पाळीव प्राणी आहेत. (girikumar patil indian doctor in ukraine)
लोक त्यांचे पाळीव प्राणी युक्रेनमध्ये सोडून भारतात परत जाण्यास सहमत नाहीत. गिरीकुमार पाटील हे देखील अशा लोकांपैकी असून ते डॉक्टर आहेत. ते युक्रेनमधील डॉनबास येथे राहतात आणि तिथे त्यांनी एक ब्लॅक पँथर आणि बिबट्या पाळला आहे. त्यांच्याशिवाय ते युक्रेन सोडायला तयार नाही. त्यांना या प्राण्यांना भारतात घेऊन जायचे आहे.
मीडिया रिपोर्ट्सनुसार, गिरीकुमार पाटील यांना प्राण्यांवर आणि विशेषत: बिबट्यावर त्यांचे प्रचंड प्रेम आहे. त्याच्या प्रेमामुळे त्याला डॉनबासमध्ये जग्वार कुमार या नावानेही संबोधले जाते. एएनआयच्या वृत्तानुसार, गिरीकुमार पाटील म्हणतात, की त्यांनी त्यांच्या पाळीव प्राण्यांना भारतात घेऊन जाण्याबाबत भारतीय दूतावासाशी संपर्क साधला होता, परंतु तेथून त्यांना कोणतेही समाधानकारक उत्तर मिळाले नाही.
गिरीकुमार यांनी सांगितले की मी जिथे राहतो, तो संपूर्ण परिसर रशियन सैनिकांनी वेढलेला आहे. पण मी सर्वतोपरी प्रयत्न करत आहे. मी प्राण्यांना माझ्या मुलांप्रमाणे सांभाळले आहे. अखिल राधाकृष्णन हेही गिरीकुमार पाटील यांच्यासारखेच आहेत. ते नुकताच हंगेरीमार्गे भारतात परतले आहे. त्यांनी युक्रेनमध्ये एक मांजर देखील पाळली होती, तिचे नाव अम्मिनी आहे.
भारतीय दूतावासाने त्याला मांजर सोबत नेण्याची परवानगी दिली होती. मीडिया रिपोर्ट्सनुसार, अखिलने सांगितले की, ४ महिन्यांपूर्वी मी माझ्या एका मित्राकडून ती मांजर घेतली होती. त्यानंतर ती मांजर माझी पाळीव झाली होती. अशा स्थितीत तिला युक्रेनमध्ये सोडून येणे मला शक्य नव्हते.
दरम्यान, भारतीय नागरिकांसोबत परदेशी प्राणी आणण्यासाठी सरकारने मार्गदर्शक तत्त्वे जारी केली आहेत, ज्यानुसार नागरिकांना सोबत आणण्यासाठी आधी प्राण्यांची मालकी सिद्ध करावी लागेल. त्यानंतरच प्राण्यांना देशात प्रवेश दिला जाऊ शकतो.
महत्वाच्या बातम्या-
देशप्रेम असावे तर असे! गावातील प्रत्येक कुटुंबाचा एक व्यक्ती सैन्यात भरती; मिलिटरीने दिला थेट रणगाडा भेट
गिरीश महाजन घेत होते सभागृहात डुलक्या, शेलारांची कोपरखिळी बसताच देऊ लागले घोषणा; पहा व्हिडिओ
रणवीर सिंगला अनेकदा कपड्यांशिवाय बघितले आहे ‘या’ अभिनेत्रीने, एकदा तर पॅंटही काढली होती
