Cricket: २० विश्वचषक २०२२मध्ये भारतीय क्रिकेट संघाला उपांत्य फेरीतील पराभवामुळे मोठा धक्का बसला आहे. इंग्लंडने एकतर्फी सामन्यात १०गडी राखून विजय नोंदवत भारताला लज्जास्पद निरोप द्यायला भाग पाडले. त्याचबरोबर आता भारतीय क्रिकेट बोर्डानेही कृतीत उतरताना झटपट निर्णय घेण्यास सुरुवात केली आहे.
बीसीसीआयने आगामी न्यूझीलंड दौऱ्यासाठी राहुल द्रविडला विश्रांती देताना मुख्य प्रशिक्षकाची जबाबदारी व्हीव्हीएस लक्ष्मण यांच्याकडे सोपवण्याचा निर्णय घेतला आहे. व्हीव्हीएस लक्ष्मण, भारतीय क्रिकेट संघाचे माजी दिग्गज आणि सध्या राष्ट्रीय क्रिकेट अकादमीचे अध्यक्ष, टी २० विश्वचषक २०२२ नंतर सुरू होणाऱ्या न्यूझीलंड दौऱ्यावर टीम इंडियाच्या प्रशिक्षकाच्या भूमिकेत दिसणार आहेत.
यापूर्वी, राहुल द्रविडला कोरोनाची लागण झाल्यानंतर आयर्लंड, झिम्बाब्वे आणि त्यानंतर आशिया चषक २०२२ च्या दौऱ्यात त्याला प्रशिक्षकाच्या भूमिकेत पाठवण्यात आले होते. त्याचबरोबर राहुल द्रविडला विश्रांती देण्यासाठी न्यूझीलंड दौऱ्यावर हा निर्णय घेण्यात आला आहे. बीसीसीआयच्या अधिकाऱ्यानेही टाईम्स ऑफ इंडियाशी बोलताना याला दुजोरा दिला आहे.
यासोबतच अष्टपैलू हार्दिक पांड्या टी२० वर्ल्डकप २०२२ नंतर न्यूझीलंड दौऱ्यावर कर्णधारपद भूषवताना दिसणार आहे. भारत आणि न्यूझीलंड यांच्यात १८ नोव्हेंबरपासून ३ सामन्यांची टी-२० मालिका खेळवली जाणार आहे. यासाठी बीसीसीआयने युवा खेळाडूंनी सजलेला संघ पाठवण्याचा निर्णय घेतला असून कर्णधारपद हार्दिककडे सोपवले आहे. यापूर्वी, त्याला आयर्लंडच्या दौऱ्यावर कर्णधार म्हणून पाठवण्यात आले होते, जो त्याच्या संघाचा आयपीएल २०२२मध्ये चॅम्पियन होण्याचा पाया मानला जाऊ शकतो.
न्यूझीलंड विरुद्ध भारत टी २० मालिका वेळापत्रक
१. पहिला की २० सामना – १८ नोव्हेंबर, संध्याकाळी ७:३० IST (स्काय स्टेडियम, वेलिंग्टन)
२. दुसरा टी २० सामना – २० नोव्हेंबर, IST संध्याकाळी ७:३० (बे ओव्हल, माउंट माउंगानुईक)
३. तिसरा टि २० सामना – २२ नोव्हेंबर, संध्याकाळी ७:३० IST (मॅकलिन पार्क, नेपियर)