ओला इलेक्ट्रिकचे देशातील सर्वात मोठे इलेक्ट्रिक स्कूटर उत्पादक बनण्याचे उद्दिष्ट आहे. कंपनीच्या स्कूटरमध्ये अनेक उत्तम फीचर्स आहेत. पण स्कूटर खरेदी केल्यानंतर काही युजर्सची स्कूटर चांगली चालत नसल्याची तक्रार आली आहे. या ग्राहकांनी आपली समस्या ऑनलाइन नोंदवली असून लवकरच त्यांच्या समस्येच निवारण होईल अशी आशा आहे.
एका यूजरने सांगितले की, डिलिव्हरीनंतर लगेचच त्याच्या Ola S1 Pro मध्ये समस्या येऊ लागल्या. स्कूटर सुमारे 6 किमी चालवल्यानंतर त्यातून आवाज येऊ लागला आणि हेडलाइटशी संबंधित समस्या देखील समोर आली. यानंतर स्कूटर दुरुस्तीसाठी नेण्यात आली.स्कूटर परत केली असता, स्कूटरवर तुटलेली नंबर प्लेट आणि तेलाच्या खुणा मालकाच्या लक्षात आल्या.
आता यानंतर ओला इलेक्ट्रिकने त्यांच्याकडून तक्रार केलेल्या समस्यांचे निराकरण करण्याची ऑफर दिली आहे. याशिवाय, स्कूटर मालकाने सांगितले की, स्कूटर सर्व्हिस टीमकडे असताना सुमारे 19 किमी वापरण्यात आली. सर्विस कागदपत्रेही त्यांना दिली गेली नाहीत त्यामुळे ते नाराज आहेत.
नवीन अहवालांमध्ये ओला इलेक्ट्रिकचे मुख्य व्यवसाय अधिकारी अरुण सरदेशमुख यांनी असे म्हटले आहे की, सुमारे 4,000 ओला इलेक्ट्रिक स्कूटर्स अनेक शहरांमधील ग्राहकांना वितरित करण्यात आल्या आहेत आणि ग्राहकांनी उपस्थित केलेल्या समस्यांपैकी बहुतांश समस्यांचे त्वरित निराकरण करण्यात आले आहे.
अनेक ग्राहकांनी सोशल मीडियावर क्वालिटी आणि यंत्रसामग्रीच्या समस्या आणि ओलाने दावा केलेल्या रेंजबद्दल निराशा व्यक्त केल्या. ओला इलेक्ट्रिक स्कूटर S1 आणि S1 Pro या दोन प्रकारात येतात. पहिल्याची किंमत 1 लाख रुपये आहे, तर दुसरीची किंमत 1.30 लाख रुपये आहे. S1 व्हेरिएंट 121 किलोमीटरची रेंज कव्हर करण्याचा दावा करते, तर अधिक महाग S1 प्रो रिचार्ज करण्यापूर्वी सुमारे 180 किलोमीटरचा प्रवास करण्याचा दावा करते.
Ola S1 8500 W मिड ड्राइव्ह IPM मोटरने सुसज्ज आहे. Ola S1 ची 3.97 kWh बॅटरी पूर्णपणे चार्ज होण्यासाठी 6.30 तास घेते. Ola S1 ची किंमत रु. 85.099K पासून सुरू होते आणि रु. 1.10 लाख (एक्स-शोरूम, दिल्ली) पर्यंत जाते. हे एसटीडी आणि प्रो या दोन प्रकारांमध्ये उपलब्ध आहे.
वैशिष्ट्यांबद्दल बोलायचे झाल्यास, Ola S1 ला 2.98 kWh न काढता येणारी बॅटरी मिळते तर S1 Pro ला 3.97 kWh युनिट मिळते. कंपनीचा दावा आहे की ते पूर्ण चार्ज केल्यावर 121 किमी आणि 181 किमीची राइडिंग रेंज देतात. याशिवाय, यात पोर्टेबल होम चार्जर देखील मिळतो जो 4.4 तास आणि 6.30 तासांमध्ये स्कूटरला पूर्णपणे चार्ज करू शकतो. या स्कूटर्सना पॉवरिंग 8.5kW (11.3 hp) आणि 58 Nm टॉर्कच्या पीक पॉवर आउटपुटसह हायपरड्राइव्ह मोटर आहे. Ola S1 आणि S1 Pro चा टॉप स्पीड 90 kmph आणि 115 kmph आहे.
महत्वाच्या बातम्या :-
‘बर्गर आणला नाही तर संपूर्ण घर पेटवून देईल’, भुकेल्या मुलाची धमकी ऐकून वडिल पोहोचले थेट कोर्टात
कोरोनामध्ये लग्न रद्द झाल्यास मिळणार १० लाखांचा विमा, जाणून घ्या काय आहे ही स्कीम
धक्कादायक! वैष्णोदेवी मंदिर परिसरात चेंगराचेंगरी; १२ भाविकांचा मृत्यू, अनेक जण जखमी
