भारत आणि ऑस्ट्रेलिया यांच्यातील 4 कसोटी मालिकेतील दुसरा सामना 19 फेब्रुवारी रोजी संपला. ऑस्ट्रेलियाची मालिका संपल्यानंतर 31 मार्चपासून जगातील सर्वात महागडी टी-20 लीग सुरू होणार आहे. पण याच दरम्यान मुंबई इंडियन्ससाठी एक वाईट बातमी येत आहे.
बर्याच दिवसांपासून दुखापतीमुळे बाहेर असलेला जसप्रीत बुमराह कदाचित आयपीएल 2023 च्या सलामीच्या सामन्यातून बाहेर पडू शकतो, त्यानंतर आता चाहते खूप निराश दिसत आहेत. भारतीय संघाचा वेगवान गोलंदाज जसप्रीत बुमराह दुखापतीमुळे बऱ्याच दिवसांपासून भारतीय संघातून बाहेर आहे.
त्याच्याबाबत एक धक्कादायक खुलासा झाला आहे. टीम इंडियाचे माजी क्षेत्ररक्षण प्रशिक्षक आर श्रीधर यांनी सांगितले की 2019 च्या भारत-ऑस्ट्रेलिया सिडनी कसोटी सामन्यादरम्यान, जसप्रीत बुमराहला मुद्दाम हळू गोलंदाजी करायची होती कारण तो खूप थकला होता आणि त्याच्याकडे वेगवान गोलंदाजी करण्याची ताकद शिल्लक नव्हती.
आपल्या पुस्तकात अनेक खुलासे करणाऱ्या आर श्रीधरने जसप्रीत बुमराहबाबतही अनेक गोष्टी सांगितल्या आहेत. आर श्रीधरच्या म्हणण्यानुसार, जसप्रीत बुमराह स्वत: गोलंदाजी प्रशिक्षक भरत अरुण यांच्याकडे गेला आणि त्याला सांगितले की तो पूर्णपणे थकला आहे आणि म्हणूनच तो हळू गोलंदाजी करेल.
जसप्रीत म्हणाला- “सर, ही विकेट पूर्णपणे निर्जीव आहे आणि वेगवान गोलंदाजांसाठी त्यावर काहीही नाही. मी थकलो आहे. मी शारीरिक आणि मानसिकदृष्ट्या दमलो आहे. मालिकेच्या बाबतीत सांगायचं तर काहीही दावावर लागल नाही. हा सामना अनिर्णित राहण्याची शक्यता आहे. म्हणूनच सर मी काही स्लो बॉल टाकेन.
जसप्रीत बुमराहच्या या वक्तव्यानंतर कोच अरुण यांनी अप्रतिम उत्तर दिले. आपल्या पुस्तकात बोलताना श्रीधर म्हणाले, “तुम्ही हळू गोलंदाजी करू शकता. तुम्ही ताशी 130-132 किमी वेगाने गोलंदाजी करता. ही कसोटी पूर्ण करा आणि बरे होण्यासाठी घरी परत जा आणि विश्वचषकासाठी सज्ज व्हा. पण जेव्हा तुम्ही असे करता तेव्हा फलंदाजाला आत्मविश्वास मिळतो की त्याने चांगले खेळले.
जसप्रीत बुमराहशी बोलताना प्रशिक्षक अरुण पुढे म्हणाले, “तुम्ही थकले आहात आणि तुमच्या शरीरावर जास्त जोर द्यायचा नाही, म्हणूनच तुमची गती कमी होत आहे पण फलंदाजाला हे माहीत नाही. या कारणास्तव, जेव्हा शॉन मार्श किंवा मार्नस लबुशेन जेव्हा तुमच्या चेंडूवर खेळतील तेव्हा त्यांचा आत्मविश्वास तुमच्याविरुद्ध वाढेल.
आयसीसी एकदिवसीय विश्वचषकाला सुरुवात होण्यास जास्त दिवस उरले नाहीत. त्यामुळे बीसीसीआय जसप्रीत बुमराहबाबत धोका पत्करू इच्छित नाही. वर्ल्ड 2023 साठी बुमराह विजयाची गुरुकिल्ली ठरू शकतो. त्यामुळे निवड समितीने बुमराहला पांढऱ्या चेंडूपासून बराच काळ दूर ठेवले.
त्याला पहिल्या न्यूझीलंड मालिकेत आणि नंतर ऑस्ट्रेलियाविरुद्धच्या वनडे मालिकेत संधी देण्यात आली नाही. पण या निमित्ताने प्रशिक्षक अरुण बुमराहच्या स्थितीला कसे सामोरे जातील हा सर्वात मोठा प्रश्न आहे.
महत्वाच्या बातम्या
निवडणूक आयोग पक्षपाती, आयोगाला बरखास्त करा; ठाकरेंपाठोपाठ ‘या’ भाजप नेत्यानेही केली मागणी
त्यांना माझ्या कपाळावरील भगव्याची अडचण नाही, मग मला त्यांच्या बुरखा अन् टोपीची अडचण का असावी?
प्रवासी हेरतात अन् गुगल पे करायला सांगतात; एअरपोर्टवर कस्टम अधिकाऱ्यांची लज्जास्पद लाचखोरी