bjp gujrat election plan | गुजरात विधानसभा निवडणूक आता भारतीय जनता पक्षासाठी, विशेषतः पंतप्रधान नरेंद्र मोदी आणि केंद्रीय गृहमंत्री अमित शहा यांच्यासाठी प्रतिष्ठेचा प्रश्न बनली आहे. त्यामुळे या निवडणुकीत भाजप प्रचारात कोणतीही कसर सोडत नाहीये. त्यामुळे भाजपने शुक्रवारी गुजरातमध्ये जोरदार निवडणूक प्रचार करण्याचे नियोजन केले आहे.
मिळालेल्या माहितीनुसार, भाजपचे अनेक वरिष्ठ नेते आणि केंद्रीय मंत्र्यांना एका दिवसात किमान तीन विधानसभा मतदारसंघात जाहीर सभांना संबोधित करण्याचे निर्देश दिले आहेत. भाजपने १८ नोव्हेंबर रोजी गुजरातमधील ८९ मतदारसंघात केंद्रीय मंत्री आणि राज्यातील नेत्यांच्या जाहीर सभा घेऊन ‘कारपेट बॉम्बिंग’ची रणनीती आखली आहे. भाजपने २००४ मध्ये पहिल्यांदा या रणनितीचा वापर केला होता.
गुजरात निवडणुकीत भाजपच्या बाजूने वातावरण निर्माण करण्यासाठी केंद्रीय मंत्री, राज्याचे नेते, विधानसभा निवडणुकीचे उमेदवार आणि अन्य प्रचारक या मतदारसंघांमध्ये जाहीर सभा घेणार आहेत. गजेंद्र सिंह शेखावत, धर्मेंद्र प्रधान, स्मृती इराणी यांच्यासह अनेक केंद्रीय मंत्री या मतदारसंघात सभा किंवा जाहीर सभा घेणार असल्याचे सांगण्यात येत आहे.
गुजरातचे मुख्यमंत्री भूपेंद्र पटेल आणि पक्षाचे प्रदेशाध्यक्ष सीआर पाटील हेही एका मेळाव्याला संबोधित करणार आहेत. केवळ राष्ट्रीय पातळीवरच नव्हे तर राज्य पातळीवरही बडे नेते असल्याचा भाजपचा विश्वास आहे आणि त्यामुळेच पक्ष निवडणुकीत उतरला आहे. भाजपने निवडणुकीत पूर्ण ताकद लावली आहे.
भाजपच्या ताकदीच्या प्रदर्शनात गुजरातमधील विविध ठिकाणी ५,००० ते २०,००० लोकांच्या गर्दीचा समावेश असेल. गुजरातमधील सत्ताधारी भाजपचे सरकार गेल्या २७ वर्षांपासून तेथे राज्य करत आहे. गुजरातमध्ये सातव्यांदा सरकार स्थापन करण्याकडे भाजपचे लक्ष लागले आहे. २००१ ते २०१४ पर्यंत पंतप्रधान नरेंद्र मोदी हे गुजरातचे सर्वाधिक काळ मुख्यमंत्री राहिले.
गुजरात हा प्रदीर्घ काळापासून भाजपचा बालेकिल्ला आहे आणि यावेळीही मोठ्या बहुमताने सत्तेत परतण्याचा पक्ष प्रयत्न करत आहे. यावेळी भाजपला अरविंद केजरीवाल यांच्या नेतृत्वाखालील आम आदमी पक्षाकडून येणाऱ्या आव्हानांचा सामना करावा लागत आहे, त्यांनी इसुदान गढवी यांना मुख्यमंत्रिपदाचे उमेदवार घोषित केले आहे.
तसेच राज्यातील भाजप सरकार पाडण्यासाठी काँग्रेसही सर्व ताकद पणाला लावत आहे. गुजरातमध्ये एकूण १८२ विधानसभा मतदारसंघ आहेत. यावेळी गुजरातमध्ये १ आणि ५ डिसेंबरला दोन टप्प्यात मतदान होणार असून ८ डिसेंबरला मतमोजणी होणार आहे.
महत्वाच्या बातम्या-
amol kohle : जयंत पाटील नाही, तर राष्ट्रवादीचा ‘हा’ बडा नेता आहे भाजपच्या वाटेवर? शरद पवारांना बसू शकतो मोठा धक्का
बापाला एका सहीसाठी अधिकाऱ्यांकडे चकरा मारताना पाहून ९ वर्षाच्या पोरीने घेतली शपथ अन् बनली कलेक्टर
Vinayak Mete : विनायक मेटेंच्या अपघाताचे गुढ अखेर उलगडले; CID ने दिली धक्कादायक माहिती, आरोपीही सापडला
