हिंदूसाठी गायी मातेसमान, मुस्लिमांनी ईदीला त्यांचा बळी देऊ नये, मुस्लिम खासदाराचे आवाहन

आसाम युनायटेड डेमोक्रॅटिक फ्रंट (AIUDF) चे अध्यक्ष बदरुद्दीन अजमल यांनी मुस्लिम समुदायाला ईद-उल-अधाच्या दिवशी गायींची कत्तल करू नये असे आवाहन केले आहे. हिंदू गायीची पूजा करतात, त्यामुळे त्यांच्या भावनांचा आदर केला पाहिजे, असे ते म्हणाले. त्यांच्या या आवाहनामुळे अनेकांच्या भूवया उंचावल्या.

लोकसभेच्या खासदार असलेल्या बदरूद्दीन यांनी मुस्लिमांना गायींचा बळी देऊ नका असे आवाहन आवाहन केले आणि म्हटले की हिंदू त्यांना त्यांची माता मानतात आणि अशा कृतीमुळे त्यांच्या भावना दुखावल्या जातील. ते म्हणाले की, भारत हे विविध समुदाय आणि धर्मातील लोकांचे घर आहे.

गाईला पवित्र प्रतीक मानणारा सनातन धर्म बहुतेक भारतीय पाळतात. हिंदू गायीला माता मानतात. यासोबतच अजमल यांनी 2008 मधील दारूल उलूम देवबंदच्या अशाच आवाहनाचाही हवाला दिला, ज्यात मुस्लिमांनी गुरांची कत्तल देणे करणे करावे, असे म्हटले होते. ते पुढे म्हणाले की, इस्लाम कोणत्याही विशिष्ट प्राण्याच्या कुर्बानीबद्दल सांगत नाही.

या सर्व कारणांमुळे मुस्लिम गायीशिवाय इतर कोणत्याही प्राण्याची कुर्बानी देऊ शकतात. गायीशिवाय बकरी, म्हैस, मेंढी या प्राण्यांचा बळी देता येतो. अल्लाह त्यांचे बलिदान स्वीकारेल. याशिवाय आसाममधील जमियत उलेमा-ए-हिंदनेही मुस्लिमांना ईदच्या दिवशी गायींची कत्तल करू नये, असे सांगितले.

खासदार बदरुद्दीन अजमल हे आसाममधील मुस्लिमांचे नेते मानले जातात. ते आसामच्या मुस्लिमबहुल मतदारसंघातून तीन वेळा खासदार आहेत आणि अनेकदा कट्टर अजेंडाचे समर्थन करताना दिसले आहेत. मात्र, अलीकडच्या काळात त्यांची भूमिका मवाळ झाली आहे. भाजपने बांगलादेशी मुस्लिमांना घेरले आहे.

त्याचबरोबर विश्व हिंदू परिषदेने अजमल यांच्या आवाहनाचे स्वागत केले आहे. या आवाहनाचे स्वागत करताना विश्व हिंदू परिषदेचे नेते विनोद बन्सल म्हणाले की, मुस्लिम नेत्यांनी अल्पसंख्याक समाजाला गायींची हत्या कायमस्वरूपी थांबवण्याचे आवाहन करावे. त्यांच्या या आवाहनाचे कौतुक केले जात आहे.

महत्वाच्या बातम्या
घोर कलयुग! मुलाने जन्मदात्या बापावरच केले तलवारीने वार, कारण वाचून हादरून जाल
शिवसैनिकांचं रक्त सांडवण्याचा यांचा डाव, एकनाथराव माघार घ्या, भास्कर जाधव असं का म्हणाले?
महाराष्ट्रातील सत्ता गमावल्याने काँग्रेस अडचणीत, भाजपचा विरोध करण्यात प्रादेशिक पक्षांना यश पण कॉंग्रेसवर नामुष्की
जिकडं भेळ तिकडं खेळ! भाषणात ढसाढसा रडलेले आमदार संतोष बांगर शिंदे गटात सामील