Cricket: काही काळापूर्वी भारतीय संघात सामील झालेला जम्मू-काश्मीरचा वेगवान गोलंदाज उमरान मलिक सध्या भारतातील सर्वात वेगवान गोलंदाजांपैकी एक मानला जातो. उमराननंतर आता जम्मू-काश्मीरच्या आणखी एका फास्ट बॉलरची जोरदार चर्चा आहे, जो आपल्या वेगानं फलंदाजांचे होश उडवत आहे.
भारतीय क्रिकेट संघाचा आयसीसी टी २० विश्वचषक २०२२ मधील उपांत्य फेरीतील पराभव गोलंदाजीसाठी खूपच लाजिरवाणा होता. संघाचे दिग्गज वेगवान गोलंदाज भुवनेश्वर कुमार, मोहम्मद शमी आणि अर्शदीप सिंग यांना एकही विकेट घेता आली नाही, त्यानंतर उमरान मलिकचा टीम इंडियात समावेश करण्यात आला.
आयपीएलमध्ये उमरान मलिकने आपल्या वेगवान गोलंदाजीने सर्वांचे लक्ष वेधून घेतले होते. मात्र याच दरम्यान आणखी एका गोलंदाजाचे नाव चर्चेत आले आहे. २२ वर्षीय वेगवान गोलंदाज वसिम बशीरच्या गोलंदाजीचे व्हिडिओ व्हायरल होत असतात.
२२ वर्षीय वसिम बशीरने देशांतर्गत स्पर्धेत आपल्या वेगवान चेंडूंनी फलंदाजांना हादरवून सोडले. तो १५० किमी प्रतितास वेगाने गोलंदाजी करतो. नुकताच बशीरच्या गोलंदाजीचा व्हिडिओ सोशल मीडियावर व्हायरल होत आहे. आयपीएलच्या मिनी लिलावात या फास्ट बॉलरवर मोठ्या फ्रँचायझी बोली लावू शकतात, असा अंदाजही वर्तवला जात आहे.
कमालने या युवा वेगवान गोलंदाजाचा व्हिडिओ सोशल मीडियावर शेअर केला आहे. मोहसिनने या व्हिडीओसोबत लिहिले की, ‘कश्मीरचा पुढचा 150 किमी प्रतितास वेगाने गोलंदाजी करणारा गोलंदाज. जम्मू-काश्मीरमध्ये उमरान मलिक अधिक आहेत का?
बशीर सध्या जम्मू-काश्मीर अंडर-२५ संघाचा भाग आहे. तो १४५-१५०किमी प्रतितास वेगाने गोलंदाजी करतो. बशीरच्या या व्हायरल व्हिडिओमध्ये तुम्ही पाहू शकता की, त्याचे बॉल्स अतिशय वेगवान आणि तीक्ष्ण आहेत. त्याची गोलंदाजी पाहता भारतीय संघाला लवकरच आणखी एक वेगवान व्यापारी गोलंदाज मिळणार असल्याचे दिसते.
भारताचा माजी दिग्गज खेळाडू इरफान पठाणने वसीम बशीरला त्याच्या वेगवान गोलंदाजीत खूप मदत केली आहे. यापूर्वी इरफानने उमरान मलिक सोबत खूप काम केले होते आणि वेगवान गोलंदाजीमध्ये त्याला खूप मदत केली होती. आता बशीरकडेही इरफानचा गुरू आहे आणि तो ज्या गतीने आणि स्विंगने गोलंदाजी करतो ते पाहता, आयपीएलच्या मिनी लिलावात मोठ्या संघांकडून त्याच्यावर बोली लावली जाऊ शकते, असे दिसते.
महत्वाच्या बातम्या –
- राजकारणात भूकंप! शिवसेना मविआतून बाहेर पडणार; स्वतः राऊतांनीच सांगीतले कारण
- प्राजक्ता माळीचे शिक्षण माहितीय का? अभिनया व्यतिरीक्त ‘या’ कामातूनही कमावते तुफान पैसा
- Cricket: इंग्लंडकडून पराभव झाल्यावर रोहित ढसाढसा रडत होता, खेळाडू बॅगा भरत होते; मध्यरात्री तो मेसेज आला अन्
