Deepika padukone | बॉलिवूडची डिंपल गर्ल म्हणजेच दीपिका पदुकोण हिला काल रात्री अचानक रुग्णालयात दाखल करण्यात आले. अभिनेत्रीने अस्वस्थतेची तक्रार केल्यानंतर तिला ताबडतोब रुग्णालयात दाखल करण्यात आले, जिथे आता तिच्या प्रकृतीत सुधारणा झाली आहे.
दीपिकाला आता बरे वाटत आहे. पण दीपिकाची तब्येत बिघडण्याची ही पहिलीच वेळ नाही. याआधीही अस्वस्थतेच्या तक्रारीनंतर तिला अचानक रुग्णालयात नेण्यात आले होते. पण दीपिकाच्या बाबतीत असे वारंवार का घडते असा प्रश्न पडतो. अखेर सर्वांच्या लाडक्या दीपिकाला कोणता आजार आहे? दीपिका पदुकोणला कोणत्या आजाराने ग्रासले आहे हे आपण जाणून घेणार आहोत.
दीपिकाची प्रकृती खालावल्यानंतर तिच्यावर रुग्णालयात विविध उपचार करण्यात आले. पण रिपोर्टनुसार, आता तिची तब्येत सुधारत आहे आणि चाहते ती लवकर बरी होण्यासाठी प्रार्थना करत आहेत. हृदयाची धडधड वाढणे किंवा हृदयाचे ठोके वाढणे अशा समस्यांमुळे दीपिकाला यापूर्वी रुग्णालयात दाखल करण्यात आले होते.
त्यावेळी दीपिका हैदराबादमध्ये प्रभाससोबत तिच्या आगामी ‘प्रोजेक्ट के’ चित्रपटाच्या शूटिंगमध्ये व्यस्त होती. त्यादरम्यान तिला सुमारे अर्धा दिवस निरीक्षणाखाली ठेवण्यात आले होते. वैद्यकीय भाषेत सांगायचे तर दीपिकाला हार्ट अरिथमिया नावाचा आजार आहे, ज्यामुळे यापूर्वी अनेक सेलिब्रिटींचा मृत्यू झाला आहे.
दीपिकाला झालेल्या या आजाराला हार्ट अरिथमिया म्हणतात. हा एक हृदयविकार आहे ज्यामध्ये हृदयाच्या ठोक्यांची गती आणि लय बिघडते. हृदयाच्या या गती आणि लय मागे हार्ट रेट आणि रिदम प्रोसेसच्या मागे इलेक्ट्रिकल प्रोसेस असते. हे काम इलेक्ट्रिकल इंपल्स करते.
हा सिग्नल हार्ट मसल्सची ऍक्टीव्हीटीला कॉर्डिनेट करतो ज्यामुळे हृदय आरामात रक्त आत आणि बाहेर पंप करू शकते. या मार्गातील समस्या किंवा इलेक्ट्रीकल इंपल्समुळे समस्या होतात. हृदयाच्या एरिदमियामुळे बहुतेक प्रकरणांमध्ये नुकसान होत नाही. पण जेव्हा ही समस्या मेंदू, फुफ्फुसे, हृदय किंवा इतर महत्वाच्या अवयवांमध्ये रक्तप्रवाहात समस्या निर्माण करते, तेव्हा ते जीवघेणे देखील ठरू शकते.
या आजाराच्या लक्षणांबद्दल बोलताना बोलताना डॉक्टर म्हणाले की, हृदयाचे ठोके चुकणे, मान किंवा छातीत दुखणे, वेगवान किंवा मंद हृदय गती, अनियमित हृदय गती आहे. याशिवाय छातीत दुखणे, श्वास घेण्यास त्रास होणे, थकवा येणे, जास्त घाम येणे ही लक्षणेही जाणवतात. याचे कारण उच्च रक्तदाब, नैराश्य, व्यायाम, तणाव किंवा चिंता ते ऍलर्जी, सर्दी असे असू शकते.
दीपिका पदुकोणच्या टीमकडून तिच्या प्रकृतीबाबत कोणतेही अधिकृत वक्तव्य आलेले नाही. पण रिपोर्टमध्ये दावा करण्यात आला आहे की अभिनेत्री आता निरोगी आहे. कामाबाबत बोलायचं झालं तर दीपिका पदुकोण सध्या तिच्या आगामी ‘पठाण’ चित्रपटाच्या डबिंगमध्ये व्यस्त आहे.
काही दिवसांपूर्वी तिने डबिंग स्टुडिओचा एक फोटोही शेअर केला होता, ज्यामध्ये माईक आणि चित्रपटाची स्क्रिप्टही दिसत होती. ‘पठाण’मध्ये ती तिसऱ्यांदा शाहरुख खानसोबत स्क्रीन शेअर करताना दिसणार आहे. त्याच्याशिवाय यात जॉन अब्राहमचीही भूमिका आहे. यानंतर दीपिका हृतिक रोशनसोबत ‘फाइटर’ चित्रपटात काम करताना दिसणार आहे.
महत्वाच्या बातम्या
Eknath Shinde : अखेर निर्णय झाला! एकनाथ शिंदे होणार नवे शिवसेना पक्षप्रमुख
Election Commission : शिवसेना नेमकी कोणाची? निवडणूक आयोगाने दिलं महत्वपूर्ण स्पष्टीकरण
Uddhav Thackeray : कितीही अफजल खान आले तरी मला पर्वा नाही, विजय आपलाच; उद्धव ठाकरेंनी फोडली डरकाळी
Eknath khadse : सुप्रीम कोर्टाच्या निकालावर एकनाथ खडसेंच मोठं वक्तव्य, इंदिरा गांधींच्या काळातील पक्षफुटीचा दाखला देत म्हणाले…