लोकनेते म्हणून ओळखले जाणारे आनंद दिघे यांच्या जीवन प्रवासावर एक चित्रपट आला आहे. धर्मवीर- मुक्काम पोस्ट ठाणे असे या चित्रपटाचे नाव आहे. या चित्रपटामुळे आनंद दिघे पुन्हा एकदा चर्चेत आले आहे. या चित्रपटामुळे आनंद दिघे यांची लोकप्रियताही समोर आली आहे. (pravin tarde select viju mane for anand dighe role)
१३ मे रोजी हा चित्रपट प्रदर्शित झाला आहे. सध्या बॉक्स ऑफिसवरही हा चित्रपट खुप धूमाकूळ घालत आहे. हा चित्रपट प्रवीण तरडे यांनी दिग्दर्शित केला आहे. आनंद दिघे यांची भूमिका प्रसिद्ध अभिनेते प्रसाद ओक यांनी साकारली आहे. पण तुम्हाला माहितीये का पहिल्यांदा या भूमिकेसाठी कोणाला विचारण्यात आले होते?
प्रवीण तरडे यांनीच याबाबत खुलासा केला आहे. प्रवीण तरडे यांनी या चित्रपटासाठी सर्वात आधी विजू माने यांना विचारले होते. पण त्यांनी याबाबत नकार दिला होता. कारण त्यांना असे वाटत होते की ते ही भूमिका इतक्या चांगल्या पद्धतीने ते साकारू शकत नाही. त्यानंतर या भूमिकेबाबत प्रसाद ओक यांना विचारण्यात आले आणि त्यांनी या भूमिकेला होकार दिला.
विजू माने यांनी याबाबत आता एक पोस्ट शेअर केली आहे. त्यामध्ये प्रवीण तरडे यांची एक मुलाखत दाखवण्यात आली आहे. त्यामध्ये त्यांनी विजू माने यांच्याबद्दल आपले मत मांडले होते. तसेच त्यांना का असे वाटत होते की दिघे साहेबांच्या भूमिकेत विजू माने पाहिजे, याचेही कारण त्यांनी सांगितले आहे.
विजू माने यांची फेसबूक पोस्ट-
प्रवीण विठ्ठ्ल तरडे मराठी चित्रपट रसिकांनी तुम्हाला कधीच माफ नसतं केलं…
… मराठी चित्रपटसृष्टीतील एक माईलस्टोन ठरलेला ‘धर्मवीर’ चित्रपट. मी ‘पांडू’ सिनेमा चित्रित करत असताना माझ्या कानावर आलं की प्रवीण तरडे ‘धर्मवीर’ नावाचा चित्रपट करतोय. सिनेमाचं शूट संपल्यावर पांडूचं प्रमोशन सुरू झालं. आणि प्रवीण म्हणाला विजू धर्मवीर आनंद दिघे यांची भूमिका करशील का ? कारण तू त्यांना जवळून पाहिले आहेस. त्यांचा सहवास बराच तुला लाभला आहे. तुला त्यांची प्रत्येक वृत्ती, देहबोली, नजर, लकबी माहिती आहे.
मी हसलो. मला वाटलं प्रवीण माझी मस्करी करतोय.प्रवीणला मी म्हणालो, तुला जी हवी ती मदत मी करेन त्यासाठी असं काही बोलायची गरज नाही. तो विषय टाळून आम्ही पुढे गेलो. पण प्रवीणने पुन्हा एकदा प्रमोशनच्या निमित्ताने भेटलो असता विषय काढला अरे विजू तुझी ऑडिशन कधी देतोयस? मी म्हटलं कसली ? तर म्हणाला ,धर्मवीर आनंद दिघे साहेबांच्या रोलची. अरे वेडा आहेस का ???? त्या व्यक्तीचं चरित्र साकारणं? तेवढा बरा अभिनेता मी नाही. आणि जे मला जमणार नाही ते मी कधीच करणार नाही.
https://www.facebook.com/1499899430/posts/pfbid021QkjafUCet7HA2qFGUjhX6jwpkq9JDtnJcQiHLkQgd8dK1QUDhuSvdZijdmFfQVxl/?d=n
माझ्या नकाराबद्दल तुला जरी वाईट वाटलं तरी हा निर्णय मी ठाम पणे घेतलेला आहे. तुही असा विचार करू नकोस, खूप चांगले अभिनेते मराठी चित्रपट सृष्टीत आहेत. आणि त्याला प्रसाद ओक दिसला….इतिहास घडला. ‘धर्मवीर’ सिनेमा पाहिल्यावर तुमच्या लक्षात येईल की मी जर प्रवीण तरडेला होकार कळवला असता, तर त्या सिनेमाचं काय होऊ शकलं असतं. इतका अप्रतिम सिनेमा झालाय. प्रसादच्या अभिनयानं तो एका वेगळ्याच उंचीवर नेऊन ठेवला आहे.
एका मुलाखतीत म्हटल्याप्रमाणे ‘धर्मवीर’ या सिनेमापासून मराठी चित्रपटसृष्टीत प्रसादपर्व सुरू होणार आहे. प्रसाद माझा लाडका अभिनेता आहेच, चांगला मित्र आहे. शिवाय माझ्या ‘ती रात्र’, ‘खेळ मांडला’, ‘शिकारी’ अशा सिनेमांमध्ये तो प्रमुख भूमिकेत आहे.
मला नेहमी असं वाटायचं की मराठी चित्रपटसृष्टीत दोन अभिनेते असे आहेत ज्यांना त्यांच्या क्षमता सिद्ध करणारं काम मिळालेलं नाही. यातील एक अभिजीत चव्हाण आणि दुसरा म्हणजे प्रसाद ओक . ‘धर्मवीर’ सिनेमा पाहताना अभिनयाने ‘पडदा व्यापून टाकला’ म्हणजे काय हे कळतं. प्रसाद प्रसाद आणि प्रसाद… मला तर अनेकदा शंका यायची प्रसादच्या अंगात प्रत्यक्ष दिघेसाहेब यायचे की काय.
मी एकदा सहज सेटवरही गेलो होतो. तिचे प्रसाद माझ्याशी गप्पा मारत होता. अचानक टेक सुरू झाला. प्रसादने डोळे बंद केले. आणि कॅमेरा साठी डोळे उघडले. ते मला प्रसादचे वाटलेच नाहीत. ते धर्मवीरांचे होते. परकाया प्रवेश खरा आहे की नाही हे माहीत नाही. पण त्यासदृश अनुभूती प्रसादने या सिनेमात नक्की दाखवलीय.
मंगेश देसाई यांनी उच्च निर्मितीमूल्य जपणं किती जिकिरीनं केले असेल याची कल्पनाच न केलेली बरी आणि प्रवीण तरडे यांनी आपली लेखक आणि दिग्दर्शक म्हणूनची आजवरची कारकीर्द वरच्या टप्प्याला नेलीय… हे तुम्ही अनेक ठ…
महत्वाच्या बातम्या-
VIDEO: कंगना राणौतने ‘या’ व्यक्तीला भर पार्टीत केले वारंवार किस, व्हिडीओ पाहून चाहते अवाक
धक्कादायक! प्लास्टीक सर्जरीच्या नादात प्रसिद्ध अभिनेत्रीने गमावला आपला जीव, फिल्म इंडस्ट्रीत शोककळा
बाळाची प्लॅनिंग करतोय 8 बायका असलेला ‘हा’ व्यक्ती, प्रथम जी येईल तिला देणार प्राधान्य
