Bipin Kadam, Technical Training, Robots/ 14 वर्षांच्या अपंग मुलीला जेवण भरवण्यासाठी कोणतेही तांत्रिक प्रशिक्षण न घेता ‘माँ रोबोट’ विकसित करणाऱ्या गोव्यातील रोजंदारी कामगार बिपीन कदम (Bipin Kadam) यांचे राज्य सरकारने कौतुक केले आहे. कदम यांना रोबोटच्या पुढील कामासाठी निधी दिला जाणार आहे. आजारी पत्नीला बेडवरून उठता येत नसल्याने त्यांनी हा रोबोट विकसित केला आहे.
आपली आजारी पत्नी अपंग मुलीला जेवण भरवू न शकल्यामुळे त्रासलेल्या गोव्यातील एका रोजंदारी मजुराने मुलीच्या मदतीसाठी रोबोट तयार केला आहे. मजदूर बिपिन कदम यांच्या या नावीन्यपूर्ण उपक्रमाचे गोवा राज्य अभिनव परिषदेने कौतुक केले आहे. बिपिन कदम यांनी त्याला ‘माँ रोबोट’ असे नाव दिले आहे.
या रोबोवर आणखी काम करण्यासाठी आणि त्याची व्यावसायिक व्यवहार्यता तपासण्यासाठी राज्य नवोन्मेष परिषद बिपिनला आर्थिक मदत करत आहे. रोबोटच्या शरीरात बनवलेल्या प्लेटमध्ये अन्न ठेवले जाते, त्यानंतर दिव्यांग मुलगी रोबोटला व्हॉईस कमांड देते आणि त्यानंतर रोबोट अन्न भरवतो. बिपीन कदम (40) हा व्यवसायाने रोजंदारी मजूर असून तो दक्षिण गोव्यातील पोंडा तालुक्यातील बेथोरा गावचा आहे.
बिपीन कदम म्हणाले, माझी 14 वर्षांची मुलगी अपंग आहे आणि ती स्वतः अन्न खाऊ शकत नाही. यासाठी ती पूर्णपणे आईवर अवलंबून होती. ते म्हणाले, जवळपास दोन वर्षांपासून माझी पत्नी आजारपणामुळे अंथरुणाला खिळून आहे. ती आमच्या मुलीला खाऊ घालू शकत नाही, म्हणूनच ती दुःखी होती. मला माझ्या मुलीचे पोट भरण्यासाठी कामावरून घरी परतावे लागत असे.
ते म्हणाले, माझ्या पत्नीच्या सांगण्यावरून मी सुमारे एक वर्षापूर्वी एका रोबोटचा शोध सुरू केला, जो मुलीला जेवण भरवण्यासाठी मदत करू शकेल. मात्र, असा रोबो कुठेही उपलब्ध नव्हता. म्हणून, मी तो स्वतः तयार करण्याचा निर्णय घेतला. ते म्हणाले, मी दिवसातून 12 तास विश्रांतीशिवाय काम करायचो आणि उर्वरित वेळ संशोधन करण्यात आणि रोबोट कसे बनवायचे हे शिकण्यात घालवायचो. मी सतत चार महिने संशोधन केले आणि मग हा रोबोट तयार केला. जेव्हा मी कामावरून परत येतो आणि माझ्या मुलीला हसताना पाहतो तेव्हा माझे मन आनंदाने भरून येते.
कदम म्हणाले, पंतप्रधान नरेंद्र मोदी आत्मनिर्भर भारताचा प्रचार करत आहेत. त्याचप्रमाणे मला माझ्या मुलाला स्वावलंबी बनवायचे होते आणि कोणावरही अवलंबून न राहता जेवण भरवायचे होते. कदम म्हणाले, मला जगभरातील मुलांसाठी असेच रोबोट बनवायचे आहेत.
महत्वाच्या बातम्या-
कीर्तनाच्या व्हिडिओ यूट्यूबवरती अपलोड करणाऱ्यांची मुलं अपंग जन्माला येतील; इंदुरीकरांनी केले पुन्हा वादग्रस्त वक्तव्य
एका पायावर लंगडत शाळेत जाणाऱ्या अपंग मुलीच्या मदतीला धावून आला सोनू सूद; म्हणाला…
अंध भावोजीचा तीन अपंग मित्रांसह मेहुणीवर सामूहिक बलात्कार; ‘असे’ आले प्रकरण उघडकीस
