पुण्यातील प्रसिद्ध उद्योगपती म्हणून ओळख असणारे अविनाश भोसले यांचं नाव सध्या प्रचंड चर्चेत येत आहे. डीएचएफएल आणि येस बँक घोटाळ्याप्रकरणी सीबीआयने त्यांच्यावर कारवाई करत २६ मे ला अटक केली आहे. या सगळ्या प्रकरणात त्यांच्या पुण्यातील व्हाईट हाऊस या नावाच्या अलिशान घराची देखील चर्चा रंगली आहे.
अविनाश भोसले यांचं पुण्यातील बाणेर येथे एक अलिशान घर असून, त्याचं नाव व्हाईट हाऊस आहे. हे अलिशान घर तब्बल १२ एकरात पसरलं आहे. विशेष म्हणजे, या घरावर हेलिकॉप्टर उतरण्यासाठी हेलिपॅड आहेत. संपूर्ण घराला पांढऱ्या रंगाचे सुशोभीत केले आहे.
माहितीनुसार, प्रसिद्ध अभिनेत्री अँजेलिना जोली हीच्या A Mighty Heart या हॉलिवूड चित्रपटाचं शूटिंगसुद्धा या बंगल्यात झालं होतं. त्यामुळे हा बांगला कायम चर्चेत राहिला. मात्र आता तो चर्चेत येण्याचे कारण म्हणजे सक्तवसुली संचलनालयाने त्यांना त्यांचे हे अलिशान घर खाली करण्याचे आदेश दिले आहेत.
सध्या अविनाश भोसले सीबीआयने केलेल्या कारवाईमुळे कोठडीत आहेत. अविनाश भोसले यांच्याबद्दल अधिक माहिती म्हणजे, अविनाश भोसले हे प्रसिद्ध बांधकाम कंपनी ABIL ग्रुपचे मालक आहेत. पुण्यातील महत्त्वाच्या भागात त्यांचे कार्यालये आहेत.
त्यांच्याकडे तीन हेलिकॉप्टर आहेत. एक यशस्वी उद्योजक म्हणून अविनाश भोसले यांच्याकडे बघितलं जातं. राज्यातील सर्वच राजकारणी व्यक्तींशी त्यांचे वैयक्तिक संबंध आहेत. कोरेगाव पार्क परिसरत त्यांचे मोठे रेस्टॉरंट आहे. माहितीनुसार, राजकारण्यांना वापरण्यासाठी जे हेलिकॉप्टर्स असतात ते हेलिकॉप्टर्स सहसा अविनाश भोसले यांचे असतात.
त्यांचा प्रवास बघितला तर अविनाश भोसले हे आधी रिक्षाचालक होते. नोकरीधंद्याच्या निमित्ताने ते संगमनेरहून पुण्यात आले होते. सुरूवातीला त्यांनी रिक्षा चालवायला सुरूवात केली. पुढे त्यांनी बांधकामाचे कंत्राट घ्यायला सुरूवात केली. सरकारी बांधकाम कंत्राट घ्यायला सुरूवात केली. पुढे त्यांची याच क्षेत्रात प्रगती होत गेली.
