अर्जुन तेंडुलकर करणार आयपीएलमध्ये धमाकेदार एन्ट्री? मुंबई इंडियन्सच्या ‘त्या’ ट्विटनंतर चर्चांना उधाण

आयपीएलचा (IPL) सर्वात यशस्वी संघ मुंबई इंडियन्ससाठी (Mumbai Indians) हा सीजन काही खास राहिला नाही. चॅम्पियन मुंबईने त्यांचे मागील पाच सामने गमावले आहेत आणि पॉइंट टेबलमध्ये ते तळाच्या 10व्या स्थानावर आहे. आपला पराभवाचा सिलसिला खंडित करण्याच्या इराद्याने मुंबई शनिवारी लखनौ सुपर जायंट्सविरुद्ध मैदानात उतरणार आहे.(Will Arjun Tendulkar make a sensational entry in IPL)

लखनौने 5 पैकी 3 सामने जिंकले आहेत. जिथे लखनौ आपल्या प्लेइंग इलेव्हनमध्ये कोणताही बदल करणार नाही अशी अपेक्षा आहे. तर मुंबई काही बदल करू शकते. अर्जुन तेंडुलकरही आयपीएलमध्ये पदार्पण करण्याची शक्यता आहे. त्याचा एक फोटो शेअर करत मुंबईने लिहिले की, आमच्या मनात आहे.

मुंबईच्या प्लेइंग इलेव्हनबद्दल बोलायचे तर इशान किशन रोहित शर्मासोबत डावाची सुरुवात करेल. पहिल्या दोन सामन्यांमध्ये इशानने एकापाठोपाठ एक अर्धशतके झळकावली होती, मात्र त्यानंतर तो संघर्ष करत आहे. शेवटच्या सामन्यात डेव्हाल्ड ब्रेविस आणि तिलक वर्मा यांनी चमकदार कामगिरी करण्याचा प्रयत्न केला.

सूर्यकुमार यादव पुन्हा एकदा फिनिशरची भूमिका साकारण्याचा प्रयत्न करणार आहे. प्लेइंग इलेव्हनमध्ये कीरन पोलार्डचे स्थान जवळपास निश्चित झाले आहे. फलंदाजीशिवाय त्याच्याकडे महत्त्वाच्या विकेट्स घेण्याची क्षमता आहे. अर्जुन तेंडुलकर लखनौविरुद्ध आयपीएलमध्ये पदार्पण करण्याची शक्यता आहे.

नव्या चेंडूसह गोलंदाजीसोबतच तो फलंदाजीतही महत्त्वाचे योगदान देऊ शकतो. जसप्रीत बुमराह वेगवान गोलंदाजीचे नेतृत्व करेल. मुरुगन अश्विनच्या जागी टायमल मिल्सची निवड होणे जवळपास निश्चित आहे. एकतर बेसिल थंपी आणि जयदेव उनाडकट यांना बाहेर बसावे लागेल. मात्र, या सामन्यातही अर्जुन तेंडुलकरला खेळण्याची संधी मिळाली नाही.

मुंबई इंडियन्स प्लेइंग इलेव्हन: रोहित शर्मा (कर्णधार), इशान किशन (विकेटकीपर), डेवाल्ड ब्रेविस, तिलक वर्मा, सूर्यकुमार यादव, किरॉन पोलार्ड, फॅबियन ऍलन, जयदेव उनाडकट, मुरुगन अश्विन, जसप्रीत बुमराह, टायमल मिल्स.

महत्वाच्या बातम्या-
गावसकर-मॅथ्यू हेडन यांची भविष्यवाणी ठरणार खरी? आयपीएलच्या सेमीफायनलमध्ये दिसणार हे संघ
आयपीएल सुरू होताच नवीन वादाला फुटले तोंड, या संघावर बंदी घालण्याची चाहत्यांनी केली मागणी
आयपीएल सुरू होण्याआधीच राडा! ‘या’ संघात अंतर्गत वाद भडकला; कर्णधारानेच केली…
क्रिकेटप्रेमींसाठी गुड न्युज! पुढच्या वर्षीपासून होणार महीलांची आयपीएल; वाचा संपुर्ण डिटेल्स..