उत्तर प्रदेशातील हापुड़ येथे राहणारा 19 वर्षीय फैसल खान एमबीबीएसचे शिक्षण घेण्यासाठी युक्रेनमधील इव्हानो फ्रँकाइस येथे गेला आहे. आता रशिया आणि युक्रेनमधील युद्धामुळे तेथे राहणाऱ्या लोकांसाठी कुटुंबीय चिंतेत आहेत. त्यामुळे युक्रेनमध्ये राहत असताना फैसलने एक व्हिडिओ बनवून तो आपल्या नातेवाईकांना पाठवला असून भारतात परतण्यासाठी भारत सरकारला मदतीची विनंती केली आहे.(Video released by a young man who went to study in Ukraine)
युक्रेनमध्ये शिकण्यासाठी गेलेल्या 19 वर्षीय फैसल खानची आई आणि बहीण व्हिडिओ कॉन्फरन्सिंगद्वारे आपल्या मुलाशी बोलत आहेत. हापुड़ येथे राहणारा फैसल खान यापूर्वीच युक्रेनमध्ये एमबीबीएसचे शिक्षण घेण्यासाठी युक्रेनला गेला आहे. मात्र रशिया-युक्रेनदरम्यान सुरू असलेल्या परिस्थितीमुळे या कुटुंबाची चिंता वाढली आहे.
फैसल खानची आई सायरा रशीद सांगते की, तिचा मुलगा 10 डिसेंबर रोजी युक्रेनमधील इव्हानो-फ्रान्सिस येथे शिकण्यासाठी गेला होता. रशिया आणि युक्रेनमध्ये काय चालले आहे याची काळजी मुलांना वाटू लागली आहे. मात्र त्यांच्या विद्यापीठाने ऑनलाइन शिक्षण सुरू केले आहे. त्यांच्या मुलांच्या येण्याची व्यवस्था भारत सरकारने करावी. त्याचवेळी युक्रेनमध्ये राहणार्‍या फैसलने व्हिडिओ बनवून तो आपल्या नातेवाईकांना पाठवला असून भारतात परतण्यासाठी भारत सरकारला मदतीची विनंती केली आहे.
शियाचे राष्ट्राध्यक्ष व्लादिमीर पुतिन यांना त्यांच्या देशाबाहेर लष्करी शक्ती वापरण्याचा अधिकार दिल्यानंतर मॉस्कोनं युक्रेनमधील आपल्या दूतावासाचा परिसर रिकामा केला आणि राजनैतिक कर्मचाऱ्यांना बाहेर काढलं. युक्रेनसोबत सुरू असलेल्या वादाच्या पार्श्वभूमीवर रशियाकडून राष्ट्राध्यक्ष पुतीन यांनी युद्धाची घोषणा केली आहे.
समाजमाध्यमांतून युक्रेनमध्ये शिरत असलेल्या रशियाच्या रणगाड्यांच्या व्हायरल होत असलेल्या द‍ृश्यांनी आणि युक्रेनमध्ये झालेल्या काही हल्ल्यांच्या स्फोटाच्या आवाजाने युक्रेनियन रहिवाशांना धडकी भरली आहे. दरम्यान युक्रेननं बुधवारी (ता.23 फेब्रुवारी) देशव्यापी 30 दिवसांसाठी आणीबाणी घोषित केली आहे. गरज भासल्यास आणखी 30 दिवसांची वाढ केली जाईल.
पूर्व युक्रेनमध्ये मोठ्या प्रमाणावर जीवित व वित्तहानी होईल, अशी भीती वर्तविली जात आहे. युक्रेनमध्ये सध्या जवजवळ 2 लाख सैन्याची फौज आहे. रशिया युक्रेनला तीन बाजूने सहज घेरू शकते किंवा बेलारूसच्या सीमेपासून युक्रेनची राजधानी काही किलोमीटर अंतरावर आहे. रशिया येथूनच कीववर हल्ला करेल, असंही म्हटलं जातंय.
रशियाचे राष्ट्रपती ब्लादिमीर पुतीन यांनी युक्रेनच्या सैन्याला इशारा देताना शरणागती पत्करण्यास सांगितले आहे. युक्रेनवर रशिया करत असलेल्या कारवाई कोणत्याही देशाने हस्तक्षेप त्यांना गंभीर परिणाम भोगावे लागतील असाही इशारा पुतीन यांनी दिला आहे.
महत्वाच्या बातम्या-
शशी कपूर यांचा जुना व्हिडीओ होतोय व्हायरल, पत्नीबद्दल म्हणाले असं काही की भावनिक झाले लोक
वारं पठ्ठ्या! मार्कशीटमधील एका गुणासाठी बोर्डाला खेचलं हायकोर्टात, तीन वर्षांनी आला हा निकाल
पावनखिंडचा बॉक्स ऑफिसवर धुमाकूळ, ७ दिवसांत तब्बल एवढे कोटी कमवत पाडला नोटांचा पाऊस
गुन्हा दाखल झाल्यावर वानखेडेंचा अनोखा युक्तिवाद; म्हणाले, मी अल्पवयीन होतो, आईने सही करायला सांगितली होती
