इराणमध्ये सुरू झालेला हिजाबचा वाद आता जगभर गाजत आहे. इराण पोलिसांनी 22 वर्षीय महसा अमिनी या तरुणीला हिजाब नीट न घातल्यामुळे ताब्यात घेतले होते. पोलिस कोठडीत मुलीचा मृत्यू झाल्यापासून इराणी महिला रस्त्यावर उतरून निदर्शने करत आहेत आणि केस कापून महसा अमिनीला न्याय देण्याची मागणी करत आहेत. Hijab, Urvashi Rautela, Hair, Photos
आता बॉलिवूड अभिनेत्री उर्वशी रौतेला देखील इराणमध्ये सुरू असलेल्या हिजाबविरोधी आंदोलनाचा एक भाग बनली आहे. उर्वशी रौतेलाने मेहसा अमिनीच्या मृत्यूचा निषेध करताना तिचे केस कापले आहेत. उर्वशी रौतेलाने इराणी महिलांसारखे केस कापून गैरवर्तनाला बळी पडणाऱ्या मेहसा अमिनी आणि इराणमधील तमाम महिलांना पाठिंबा दिला आहे.
उर्वशीने तिचे फोटो शेअर करताना एक लांबलचक नोटही लिहिली आहे. अभिनेत्रीने लिहिले आहे की, मी माझे केस कापले. उत्तराखंडच्या महसा अमिनी आणि 19 वर्षीय अंकिता भंडारी यांच्या मृत्यूच्या निषेधार्थ मारल्या गेलेल्या इराणी महिला आणि मुलींच्या समर्थनार्थ मी केस कापत आहे.
अभिनेत्रीने पुढे लिहिले, जगभरातील महिला एकजूट होऊन केस कापून इराण सरकारचा निषेध करत आहेत. महिलांचा आदर करा. केस हे स्त्रियांच्या सौंदर्याचे प्रतीक मानले जाते. सार्वजनिक ठिकाणी केस कापून, स्त्रिया दाखवत आहेत की, त्यांना समाजाच्या सौंदर्य मानकांची पर्वा नाही आणि त्यांनी कसे कपडे घालावे, कसे वागावे आणि कसे जगावे हे त्या कोणालाही ठरवू देत नाहीत.
अभिनेत्रीने असेही लिहिले आहे की, जेव्हा स्त्रिया एका स्त्रीच्या प्रश्नाला संपूर्ण स्त्री जातीचा प्रश्न मानू लागतात तेव्हा स्त्रीवादाची नवी शक्ती दिसून येईल. उर्वशी रौतेलाच्या या शब्दांशी तुम्ही कितपत सहमत आहात?
इराणमधील हिजाबविरोधी चळवळ सोशल मीडियाच्या माध्यमातून जगभर पसरलेली आपल्याला पाहायला मिळत आहे. मुख्य म्हणजे या चळवळीचे नेतृत्व स्त्रिया करत असून, जगभरातील मान्यवर त्यामध्ये सहभागी होऊन त्यांना पाठिंबा देत आहेत. आता उर्वशीदेखील या आंदोलनात उतरली आहे.
महत्वाच्या बातम्या-
Urvashi Rautela: २ बायका ४ मुलं असलेल्या सिंगरने उर्वशी रौतेलालं केलं प्रपोज, अभिनेत्री म्हणाली, असा निर्णय…
Urvashi Rautela: ऋषभ पंतच्या नावाने सतत ट्रोल झाल्याने उर्वशी रौतेला झाली दुखी, म्हणाली, माझी कोणालाच…
Urvashi Rautela: ‘स्टॉकर’ म्हणल्याने उर्वशी रौतेला मिडीयावर आणि ट्रोलर्सवर भडकली, म्हणाली, मी कधीही…
