2015 च्या यूपीएससी (UPSC) परीक्षेत प्रथम क्रमांक मिळवून टीना दाबी (Tina Dabi) पहिल्यांदाच चर्चेत आली. तेव्हा ती 22 वर्षांची होती. यानंतर ती तिच्या नात्याबद्दल खूप चर्चेत होती. टीना दर दोन वर्षांनी तिच्या नात्याबद्दल मोठे निर्णय घेत असे. 2016 मध्ये पहिले प्रेम, नंतर 2018 मध्ये लग्न. 2020 मध्ये घटस्फोट झाला आणि आता 2022 मध्ये पुन्हा लग्न करणार आहे. टीनाने आपला नवीन जीवनसाथी निवडला आहे.(UPSC topper Tina Dabi to get married again)
टीना ही मूळची मध्य प्रदेशची आहे. तिने दिल्ली विद्यापीठातून राज्यशास्त्रात पदवी घेतली. टीनाने येथे पहिला क्रमांक पटकावला. यानंतर तिने पहिल्याच प्रयत्नात यूपीएससी उत्तीर्ण केली. या परीक्षेतही ती टॉप आली. प्रशिक्षणादरम्यानच तिची ओळख 2015 च्या यूपीएससी परीक्षेतील दुसरा टॉपर अतहर आमिर खानशी झाली. तो काश्मीरमधील अनंतनाग जिल्ह्यातील आहे.
2016 मध्ये दोघेही दिल्लीत एका कार्यक्रमात भेटले होते. यानंतर भेटीगाठी वाढत गेल्या आणि नंतर हे प्रकरण लग्नापर्यंत पोहोचले. तेव्हा टीना म्हणाली होती की मी पहिल्याच नजरेत त्याच्या प्रेमात पडले होते. त्यानंतर एका मुलाखतीत टीनाने सांगितले होते की, ती अतहरच्या बुद्धिमत्तेने आणि व्यक्तिमत्त्वाने प्रभावित झाली आहे. ती उघडपणे अतहरचे कौतुक करताना दिसली. हे सर्व 2 वर्षे चालले.
टीना आणि अतहरचे 2018 साली लग्न झाले होते. या हायप्रोफाईल लग्नाची खूप चर्चा झाली होती. मात्र 2 वर्षानंतर दोघांनी घटस्फोटासाठी अर्ज दाखल केला. या निर्णयाने दोघांनीही लोकांना आश्चर्याचा धक्का दिला. कारण ही जोडी सोशल मीडियावरही चांगलीच गाजली होती. दोघेही एकमेकांबद्दल अनेक पोस्ट करायचे.
28 वर्षीय महिला आयएएस अधिकारी सध्या राजस्थानच्या वित्त विभागात सहसचिव आहेत. आता तिने आपल्या आयुष्यातील आणखी एक मोठा निर्णय घेतला आहे. प्रदीप गावंडेसोबत ती लग्नगाठ बांधणार आहे. ते 2013 च्या बॅचचे आयएएस अधिकारी आहेत. प्रदीप सध्या राजस्थानच्या पुरातत्व आणि वस्तुसंग्रहालय विभागात संचालक आहेत.
प्रदीपचा जन्म 9 डिसेंबर 1980 रोजी झाला. त्यांचे पूर्ण नाव गावंडे प्रदीप केशोराव आहे. तो टीनापेक्षा 13 वर्षांनी मोठा आहे. प्रदीपने नाशिकच्या शासकीय वैद्यकीय महाविद्यालयातून द्वितीय विभागात एमबीबीएस केले आहे. नंतर त्याने यूपीएससीची परीक्षा दिली. प्रशिक्षणानंतर त्यांना राजस्थान केडर मिळाले. तर टीनाचा जन्म 9 नोव्हेंबर 1993 रोजी झाला. टीनाने दिल्ली विद्यापीठातून राज्यशास्त्रात प्रथम श्रेणी विभागात पदवी घेतली आहे.
महत्वाच्या बातम्या-
स्टाईलिश लूक, जबरदस्त ऍब्स, शाहरुख खानने शेअर केला ‘पठाण’चा पहिला लूक; कॅप्शनने लोकांना लावले वेड
नाद केला भावा तू! परदेशातील नोकरीला लाथ मारून मायदेशी फुलवली शेती, आज लाखोंची उलाढाल
बॉलिवूडच्या फेमस जोडीत आला दुरावा; लग्नाची बोलणी सुरू असतानाच श्रद्धा कपूरचा झाला ब्रेकअप
ठाकरे सरकारला दणका! परमबीर सिंग प्रकरणी सर्वोच्च न्यायालयाचा मोठा निर्णय
