‘केजीएफ’ या चित्रपटाला चाहत्यांकडून मोठा प्रतिसाद मिळत आहे. चित्रपट प्रदर्शित होऊन एक महिना होत आला, मात्र अद्याप या चित्रपटाची क्रेझ आहे. सिनेमा पाहण्यासाठी प्रेक्षकांची रांगच्या रांग सिनेमागृहात दिसत आहे. ‘केजीएफ’ बाबत एवढी आनंदाची गोष्ट असताना आता अचानक एक दु;खद बातमी समोर येत आहे.
KGF च्या चाहत्यांसाठी ही दु;खद बातमी आहे. ‘केजीएफ’ मधील फेम अभिनेत्याचे निधन झाल्याची माहिती समोर येत आहे. यामुळे आता KGF च्या चाहत्यांमधून शोक व्यक्त होत आहे. चित्रपटातील अभिनेता मोहन जुनेजा यांचे आज 7 मे 2022 ला सकाळी निधन झाले आहे.
माहितीनुसार, मोहन जुनेजा मोठ्या आजाराचा सामना करत होते. गेल्या अनेक दिवसांपासून ते आजारी होते. आज सकाळी बंगळुरूच्या एका हॉस्पिटलमध्ये त्यांनी अखेरचा श्वास घेतला. त्यांच्या निधनाने KGF च्या चाहत्यांमध्ये आणि KGF च्या पूर्ण टीमला धक्का बसला आहे.
मोहन जुनेजा हे साऊथ सिनेसृष्टीतले मोठे नाव आहे. मोहन जुनेजा यांनी ‘केजीएफ चॅप्टर 1’ मध्ये भूमिका साकारली होती. या चित्रपटात मोहन जुनेजा यांनी पत्रकार आनंदीच्या इनफॉर्मरची भूमिका साकारली होती. फार कमी सेकंदाचा हा शॉर्ट होता. मात्र जुनेजा यांचा तो डायलॉग प्रचंड गाजला होता.
मोहन जुनेजा यांच्याबद्दल अधिक माहिती म्हणजे, जुनेजा यांना 100 हून अधिक चित्रपटांमध्ये काम केले आहे. मोहन जुनेजा यांनी तमिळ, तेलगू, मल्याळम आणि हिंदी चित्रपटात अभिनय केला आहे. त्यांनी ‘चेलता’ चित्रपटापासून आपल्या करीअरची सूरूवात केली. या चित्रपटातील त्यांची भूमिका आजही प्रेक्षकांच्या लक्षात आहे.
दरम्यान, गेल्या 14 एप्रिल 2022 रोजी केजीएफ 2 चित्रपट प्रदर्शित झाला. रीलीजनंतर चित्रपट पाहण्यासाठी प्रेक्षकांची रांगच्या रांग सिनेमागृहात लागली होती. केजीएफ 2 चित्रपटाच्या डायलॉगने प्रेक्षकांच्या मनावर अधिराज्य गाजवले. त्यामुळे या चित्रपटाची क्रेझ अद्याप कायम आहे.
