गेल्या काही दिवसांपासून बॉलिवूड कलाकारांना जीवे मारण्याच्या धमक्या येत आहे. बॉलिवूड सुपरस्टार सलमान खान आणि त्याचे वडील सलीम खान यांच्यानंतर आता प्रसिद्ध अभिनेत्री स्वरा भास्करलाही जीवे मारण्याची धमकी देण्यात आली आहे. यामुळे बॉलिवूडमध्ये एकच खळबळ उडाली आहे. (threating letter to swara bhaskar)
स्वरा भास्करला अज्ञात व्यक्तीने पत्राद्वारे ही धमकी दिली आहे. स्वराला जीवे मारण्याची धमकी देणारे हे पत्र स्पीड पोस्टने तिच्या घरी पाठवण्यात आले आहे. स्वराला जीवे मारण्याची धमकी देणारे हे पत्र हिंदीत लिहिले आहे. यामध्ये स्वराला शिवीगाळ करण्यात आली आहे.
स्वरा भास्करने विनायक दामोदर सावरकर यांचा अपमान केला होता. त्यामुळे तिला ही धमकी देण्यात आली आहे. या पत्राच्या शेवटी स्वाक्षरीच्या जागी ‘या देशाचे तरुण’ असे लिहिले आहे. यानंतर स्वराने मुंबईतील वर्सोवा पोलीस ठाण्यात याप्रकरणी तक्रार दाखल केली आहे.
तसेच या प्रकरणी बोलताना पोलिस अधिकारी म्हणाले की, आम्ही अज्ञात व्यक्तींविरुद्ध गुन्हा नोंदवला आहे. तसेच हे पत्र नक्की कोणी पाठवले, यामागे कोणाचा हात आहे. याचा तपास सुरु केला आहे. धमकीचे पत्र मिळाल्यामुळे स्वरा सध्या चांगलीच चर्चेत आली आहे.
स्वरा अनेकदा सामाजिक आणि राजकीय मुद्यांवर आपले मत मुक्तपणे व्यक्त करत असते. २०१७ मध्ये, स्वराने एक पोस्ट शेअर केली होती ज्यामध्ये तिने लिहिले होते, ‘सावरकरांनी ब्रिटिश सरकारची माफी मागितली होती आणि तुरुंगातून सुटकेची याचना केली होती. यावरून ते ‘वीर’ नव्हते हे सिद्ध होते. २०१९ मध्येही तिने एक व्हिडिओ शेअर केला होता ज्यामध्ये तिने सावरकरांना भित्रा म्हटले होते.
स्वरा भास्करने २०१० मध्ये ‘गुजारिश’ चित्रपटाद्वारे बॉलिवूडमध्ये पदार्पण केले होते. यानंतर तिने ‘तनु वेड्स मनू’, ‘रांझना’, ‘प्रेम रतन धन पायो’, ‘निल बट्टे सन्नाटा’, ‘अनारकली ऑफ अरह’ आणि ‘वीरे दी वेडिंग’ यांसारख्या चित्रपटांमध्ये काम केले आहे. याशिवाय स्वरा ‘रासभरी’, ‘फ्लेश’ आणि ‘भाग बिन्नी भाग’ यांसारख्या वेब सीरिजमध्येही दिसली आहे.
महत्वाच्या बातम्या-
मराठा समाजासाठी आनंदाची बातमी! आरक्षणासंदर्भात ठाकरे कॅबिनेटने घेतला मोठा निर्णय
सेक्स संदर्भात महिलांचं धक्कादायक मत; नवऱ्याचे दुसऱ्या महीलेसोबत संबंध असतील तर..
बहुमत सिद्ध करण्याआधीच एकनाथ शिंदेंनी आपला एक्झिट प्लॅन बदलला; ‘असा’ आहे नवीन प्लॅन
