इम्रान खान यांना पंतप्रधान पदावरून व्हावे लागणार पायउतार, ‘हा’ नेता होणार पाकिस्तानचा पुढचा पंतप्रधान

पाकिस्तानमध्ये सध्या सुरू असलेल्या राजकीय उलथापालथीच्या पार्श्वभूमीवर पंतप्रधान इम्रान खान (Imran Khan) यांची खुर्ची जाणार हे जवळपास निश्चित झाले आहे. राजकीय अटकळांच्या दरम्यान, पाकिस्तानचे माजी पंतप्रधान नवाझ शरीफ (Nawaz Sharif) यांचा पक्ष पाकिस्तान मुस्लिम लीग-नवाझने पंतप्रधानपदाच्या नव्या उमेदवाराचे नाव जाहीर केले आहे.(this leader will be the next Prime Minister of Pakistan )

नवाझ शरीफ यांची मुलगी आणि पीएमएल-एनच्या उपाध्यक्षा मरियम नवाज (Maryam Nawaz) यांनी सांगितले की, पक्षाने शेहबाज शरीफ (Shahbaz Sharif) यांना पंतप्रधानपदाचे उमेदवार बनवण्याचा निर्णय घेतला आहे. इम्रान खान यांच्याविरोधात आणण्यात येत असलेला अविश्वास प्रस्ताव यशस्वी होईल, अशी आशा त्यांनी व्यक्त केली आहे.

इस्लामाबाद उच्च न्यायालयाच्या (Islamabad High Court) बाहेर पत्रकार परिषदेला संबोधित करताना मरियम म्हणाली की, सर्व विरोधी पक्ष बसून पंतप्रधानपदासाठी कोणाला उमेदवारी द्यायची याचा निर्णय घेतील. मात्र पक्ष (PML-N) कडून शाहबाज शरीफ यांना उमेदवार म्हणून उभे करण्याचा निर्णय घेण्यात आला आहे.

मरियम नवाज पुढे म्हणाल्या की, इम्रानला अविश्वास प्रस्तावाच्या भीतीने नॅशनल असेंब्लीचे अधिवेशन लांबवायचे होते. हे संविधानाचे स्पष्ट उल्लंघन आणि कलम 6 चे उल्लंघन होते. त्या म्हणाल्या की, जेव्हा हे घडले तेव्हा आम्ही न्यायालयात जाण्याचा निर्णय घेतला होता. आता त्यांचा खेळ संपला आहे, असा इशारा त्यांनी इम्रान खानला दिला. त्यांचा पक्ष पाकिस्तान तहरीक-ए-इन्साफ तुटला आहे. त्याच्या बचावासाठी कोणीही पुढे येणार नाही हे इम्रानला माहीत आहे.

पीएमएल-एनचे उपाध्यक्ष म्हणाले की, इम्रान हे दाखवण्याचा प्रयत्न करत आहेत की, अविश्वास प्रस्ताव हे आपल्याविरुद्धचे आंतरराष्ट्रीय षडयंत्र आहे, परंतु हे पूर्णपणे चुकीचे आहे. इम्रान स्वत: आपल्याच कारस्थानात अडकला आहे. त्यांनी आपले कर्तव्य चोख बजावले असते तर 10 लाख लोक त्यांच्या विरोधात उभे राहिले नसते.

बटाटे आणि टोमॅटोचे भाव जाणून घेण्यासाठी आपण राजकारणात उतरलो नसल्याच्या इम्रानच्या विधानावर मरियमने आक्षेप घेतला. इम्रानने गहू, तूप, साखर आणि पेट्रोलच्या किमतींवर नजर ठेवली असती तर त्यांना हे दिवस पहावे लागले नसते, असे मरियम म्हणाली. इम्रानचा पक्ष पीटीआय सरकारी संस्थांमध्ये हस्तक्षेप करत असल्याचा आरोपही मरियमने केला आहे. त्यांनी पाकिस्तानची तपास संस्था एफआयए आणि एनएबीवरही प्रश्न उपस्थित केले.

महत्वाच्या बातम्या-
जगातील सगळ्यात घातक विष साईनाईडची टेस्ट कोणालाच नाही माहिती पण आम्ही तुम्हाला सांगतो, वाचा सविस्तर..
रनवे ३४ ट्रेलर: जेव्हा पायलटने सिगरेट ओढल्यामुळे झाला होता ५१ लोकांचा मृत्यु, वाचा खरी कहाणी
Attack Trailer 2: जॉन अब्राहम बनला सुपर सोल्जर; अडीच मिनिटात केला नुसता धुराळा
अमिताभसारखा मोठा सेलिब्रिटी आंबेडकरांच्या पाया लागतो हे भाजपच्या लोकांना खटकलंय का?