मोठी बातमी! शिवसेनेनंतर आता काँग्रेसमध्येही नाराजीचा सूर, ‘हे’ बडे नेते राजीनामा द्यायच्या तयारीत

महाराष्ट्राच्या राजकारणात पुन्हा एकदा राजकीय उलथापालथ सुरू झाली असून शिवसेनेपाठोपाठ (Shiv Sena) आता महाराष्ट्र काँग्रेसमध्येही फूट पडल्याच्या बातम्या येऊ लागल्या आहेत. महाराष्ट्र सरकारमधील कॅबिनेट मंत्री आणि काँग्रेसचे ज्येष्ठ नेते बाळासाहेब थोरात (Balasaheb Thorat) राजीनामा देऊ शकतात, असे सांगण्यात येत आहे.(Shiv Sena, Government of Maharashtra, Balasaheb Thorat, Congress)

महाराष्ट्र विधान परिषद निवडणुकीच्या निकालापासून शिवसेनेचे २२ आमदार पक्षाच्या संपर्कात नाहीत. गुजरातमधील सुरत येथील हॉटेलमध्ये थांबलेले शिवसेनेचे ज्येष्ठ नेते आणि कॅबिनेट मंत्री एकनाथ शिंदे यांच्याशी शिवसेनेचा संपर्क होऊ शकला नाही. शिवसेना नेते एकनाथ शिंदेंनी अचानक बंड पुकारल्याने राजकीय वर्तुळात मोठी खळबळ उडाली आहे.

शिवसेना आणि काँग्रेसशिवाय राष्ट्रवादी काँग्रेस पार्टीमध्येही फूट पडली असून, नाशिक जिल्ह्यातील सिन्नर विधानसभा मतदारसंघातील राष्ट्रवादीचे आमदार माणिकराव कोकाटे यांच्यापर्यंतही पोहोचता आलेल नाही, परंतु त्यांचा या प्रकरणाशी संबंध अद्याप दिसून येत नाही. मात्र कालपासून त्यांचाही ठावठिकाणा कळलेला नाही. माणिकराव यांच्या नावाचाही समावेश झाल्यास राष्ट्रवादीला मोठा फटका बसणार आहे.

महाविकास आघाडी सरकारला एकूण १६९ आमदारांचा पाठिंबा असून, त्यात शिवसेनेचे ५६, राष्ट्रवादीचे ५३, काँग्रेसचे ४४, बहुजन विकास आघाडीचे ३, सपा २ आणि इतर ११ आमदार आहेत. दुसरीकडे, विरोधी पक्ष भाजप आणि मित्रपक्षांकडे ११३ आमदार आहेत. एकनाथ शिंदे २२ आमदारांसह भाजपच्या छावणीत दाखल झाले तर त्यांच्याकडे १३५ आमदार होतील. महाराष्ट्र विधानसभेतील बहुमताचा आकडा १४५ आहे.

शिवसेनेचे आमदार फुटल्यास महाविकास आघाडीचे सरकार अडचणीत येईल. फुटलेल्या आमदारांना अहमदाबादला घेऊन जाणार असल्याची माहिती मिळाली आहे. फुटलेल्या आमदारांची अमित शहांसोबत भेटही होऊ शकते. तसेच एकनाथ शिंदे चर्चेसाठी तयार आहेत आणि शिवसेनेचे वरिष्ठ नेते सुरतला जाणार असल्याचे बोलले जात आहे.

महत्वाच्या बातम्या=
सत्तेसाठी महाराष्ट्राच्या पाठीत खंजीर खुपसणारी अवलाद…; एकनाथ शिंदेंच्या बंडानंतर शिवसेना आक्रमक
राऊतांच्या त्या आरोपांनी शिवसेना येणार गोत्यात; अपक्ष आमदार एकत्र येत मोठं पाऊल उचलण्याच्या तयारीत?
शिवसेना महाविकास आघाडीतील ढ टीम आहे हे पुन्हा एकदा सिद्ध झाले मनसेचा खोचक टोला
राज्यसभेतील पराभवापाठोपाठ शिवसेना आणखी गोत्यात; ‘या’ आमदाराची आमदारकी रद्द होणार