Murder, Love Affair, Sanjay Jha, Police Station/ बिहारमधील मुझफ्फरपूरमध्ये एक हृदयद्रावक घटना घडली आहे. पत्नीने प्रियकरासह पतीचा चाकूने गळा चिरून हत्या केली आहे. कुधनी पोलीस ठाण्याच्या हद्दीतील अख्तियारपूर परिया गावात ही घटना घडली. मिळालेल्या माहितीनुसार, परिया गावातील रहिवासी संजय झा यांचा विवाह जुली देवीसोबत झाला होता. लग्नानंतर काही दिवसांपर्यंत सर्व काही ठीक चालले होते.
दरम्यान, जुली देवी तिच्या गावात राहणाऱ्या शेजारच्या तरुणाच्या प्रेमात पडली. त्यानंतर दोघेही एकमेकांना गुपचूप भेटू लागले. एके दिवशी जुली देवीचा पती संजय झा याला या प्रेमप्रकरणाची माहिती मिळाली आणि त्याने याला विरोध केला. पतीने वारंवार विरोध करूनही पत्नीने प्रियकराशी भेटणे सोडले नाही. यावरून पती-पत्नीमध्ये अनेकदा भांडणे होत होती. या भांडणाला कंटाळून पत्नीने प्रियकरासोबत मिळून हत्येचा कट रचला.
वास्तविक, जुली देवी यांचे पती संजय झा हे घराच्या दाराबाहेर एकटेच झोपायचे. याचा फायदा घेत सोमवारी रात्री पत्नीने प्रियकराला भेटण्यासाठी घरी बोलावले. त्यानंतर दोघांनी हत्येचा कट रचून दारात झोपलेल्या पतीचा चाकूने गळा चिरला. यामुळे त्यांचा जागीच मृत्यू झाला. त्यानंतर दोन्ही आरोपी आपापल्या घरी झोपायला गेले.
सकाळी गावकऱ्यांनी संजय झा यांचा मृतदेह दारात पाहिल्यानंतर त्यांनी कुधणी पोलिसांना माहिती दिली. माहिती मिळताच स्टेशन प्रभारी अरविंद पासवान टीम फोर्ससह घटनास्थळी पोहोचले. ग्रामस्थांची समजूत घातल्यानंतर मृतदेह ताब्यात घेऊन शवविच्छेदनासाठी पाठवण्यात आला.
या प्रकरणी कुधनी पोलिस स्टेशनचे एसएचओ अरविंद पासवान यांनी सांगितले की, परिया गावातील रहिवासी संजय झा यांची निर्घृण हत्या करण्यात आली आहे. हत्येप्रकरणी मृताची पत्नी आणि शेजारच्या प्रियकराला ताब्यात घेण्यात आले आहे. सध्या या प्रकरणाचा तपास सुरू आहे. चौकशीनंतरच पुढील कारवाई केली जाईल.
महत्वाच्या बातम्या-
eknath shinde : एकनाथ शिंदेची खेळी! मेळाव्यासाठी भाजप-मनसे नेत्यांना निमंत्रण नाही, वाचा नेमकं काय प्रकरण?
devendra fadnavis : ‘दसरा मेळाव्यात कायद्याच्या चौकटीत राहून भाषण करावं, अन्यथा…,’ फडणवीस स्पष्टच बोलले
Tata: ‘टाटा’चा हा शेअर मारतोय उसळी, कमावून देणार बक्कळ पैसा, तज्ञही म्हणाले, ‘लवकर खरेदी करून टाका ‘
