प्रसिद्ध मणिपुरी गायक सुरेन यमनाम याचे निधन (Singer Suren Yumnam Passed Away) झाले. या प्रसिद्ध गायकाने उपचारादरम्यान रुग्णालयात अखेरचा श्वास घेतला. तो फक्त 35 वर्षांचा होता. त्यांना काही काळापासून रुग्णालयात दाखल करण्यात आले होते. गायक लीवरच्या आजाराशी संबंधित समस्यांशी झुंज देत होते. Suren Yamnam, singer, passed away, Allah ke Bande,VIDEO
सुरेन यमनाम यांच्यावर रुग्णालयात उपचार सुरू असले तरी त्यादरम्यानही ते सकारात्मक दिसले. मृत्यूपूर्वी हॉस्पिटलच्या बेडवर पडून सुरेनने आपल्या दमदार आवाजात ‘अल्लाह के बंदे’ हे गाणे गायले होते. गायक कैलाश खेर यांनी सुरेन यमनामचा हा शेवटचा व्हिडिओ आपल्या सोशल मीडिया अकाउंटवर शेअर केला आहे.
यासोबतच कैलाश खेर यांनी मणिपुरी गायक सुरेन यमनाम यांच्या मृत्यूचीही पुष्टि केली आहे. कैलाश खेरने शेअर केलेल्या व्हिडिओमध्ये सुरेन हॉस्पिटलच्या बेडवर दिसत आहे. त्याच्या आजूबाजूला उपचारात वापरण्यात आलेली मशिन्सही दिसतात. अशा स्थितीत तो कैलाश खेरचे ‘अल्लाह के बंदे’ गाणे गाताना दिसत आहे.
कैलाश खेर यांनी व्हिडिओच्या कॅप्शनमध्ये लिहिले आहे कि, ‘मणिपूरचे प्रसिद्ध गायक सुरेन यमनाम याने उपचारादरम्यान हॉस्पिटलच्या बेडवर ‘अल्लाह के बंदे’ गाताना अखेरचा श्वास घेतला. यासोबतच आपल्या सर्वांना हसतमुखाने जगण्याचा संदेशही त्याने दिला आहे. हा व्हिडिओ पहा, त्याचे गाणे ऐका आणि जाणून घ्या की तो आणखी एक दिवस कसा जगण्याची वाट पाहत आहे. त्याच्या आत्म्याला शांती लाभो.
कैलाश खेर पुढे म्हणाले, मणिपूरच्या लोकांनी त्याच्या उपचारासाठी 58,51270 रुपये गोळा केले आणि त्याच्या उपचारासाठी सर्वोत्तम दिले हे मला कळले तेव्हा आनंदाला पारावार राहिला नाही. ईश्वर त्याच्या आत्म्याला शांती देवो. देव मणिपूरच्या लोकांचे कल्याण करो. आम्ही तुम्हाला सांगू इच्छितो की, सुरेन यमनामने अनेक लोकप्रिय मणिपुरी गाणी गायली आहेत. त्याच्या गाण्यांना यूट्यूबवर लाखो व्ह्यूज मिळाले आहेत.
