एसएस राजामौली (SS Rajamouli) यांचा तिसरा चित्रपट ‘RRR’ ब्लॉकबस्टर ठरला, तेव्हापासून त्याच्या सिक्वेलच्या चर्चांना उधाण आले आहे. त्याचवेळी, ‘RRR’ चित्रपटाच्या सक्सेस पार्टीदरम्यान लेखक केव्ही विजयेंद्र प्रसाद (KV Vijayendra Prasad) यांनी ‘RRR 2’ चा उल्लेख केल्यानंतर चाहत्यांना ‘RRR 2’ बद्दल अधिक जाणून घेण्याची उत्सुकता लागली आहे. अशा परिस्थितीत आज आम्ही तुम्हाला साऊथच्या सुपरहिट आरआरआर, बाहुबली आणि पुष्पा चित्रपटांचा पुढचा सिक्वेल कधी येऊ शकतो आणि त्याची शक्यता काय आहे हे सांगणार आहोत.(The sequel to this superhit movie will be released)
मुलाखतीदरम्यान, जेव्हा बाहुबलीच्या निर्मात्याला चित्रपटाच्या तिसऱ्या भागाबद्दल विचारण्यात आले तेव्हा ते म्हणाले, एसएस राजामौली यांच्या मते, बाहुबलीला अजून एक गोष्ट जगाला सांगण्याची संधी आहे. पण आम्ही अजून बाहुबली 3 वर काम करायला सुरुवात केलेली नाही. थोडा वेळ लागेल. आम्ही बाहुबलीच्या तिसर्या भागावर नक्कीच काम करणार आहोत, मात्र त्याबाबत अद्याप कोणतीही तयारी झालेली नाही.
त्याचवेळी एसएस राजामौली यांच्या पहिल्या चित्रपटात बाहुबलीची भूमिका साकारणारा प्रभास सध्या ‘सालार’ चित्रपटाच्या शूटिंगमध्ये व्यस्त आहे. याशिवाय प्रभास आदिपुरुष, प्रोजेक्ट के, स्पिरिट आणि मारुती नेक्स्टमध्येही दिसणार आहे. याचाच अर्थ 2025 पर्यंत प्रभासला ‘बाहुबली 3’ शूट करण्यासाठी वेळ मिळणार नाही, म्हणजेच बाहुबली 3 वर पुढील चार वर्षे काम सुरू करणे अशक्य आहे. अशा परिस्थितीत बाहुबलीच्या चाहत्यांना तिसर्या भागासाठी बरीच प्रतीक्षा करावी लागणार आहे.
पुष्पाच्या पहिल्या भागाने बॉक्स ऑफिसवर धुमाकूळ घालून 300 कोटींच्या क्लबमध्ये प्रवेश करून विक्रम केला. आता त्याच्या रिलीजच्या सहा महिन्यांनंतर, अल्लू अर्जुन आणि त्याची टीम जुलैमध्ये पुष्पा 2 चे पहिले शेड्यूल सुरू करण्यासाठी सज्ज आहेत. मीडिया रिपोर्ट्सनुसार, अल्लू अर्जुनचा चित्रपट 2023 च्या उन्हाळ्यात रिलीज होऊ शकतो.
‘आरआरआर’ चित्रपटाच्या सीक्वलच्या शक्यतांबद्दल केव्ही विजयेंद्र प्रसाद म्हणतात की, जेव्हाही हा सिक्वेल बनवला जाईल तेव्हा त्याची कथा ‘आरआरआर’च्या पहिल्या भागापेक्षा भव्य असेल. दुसरीकडे, एसएस राजामौली म्हणतात की ते राम चरण आणि ज्युनियर एनटीआरसोबत आरआरआरच्या दुसऱ्या भागात नक्कीच काम करतील, परंतु सध्या प्रेक्षकांना त्याची प्रतीक्षा करावी लागेल.
Netflix आणि Zee5 ने RRR चे भारतीय स्ट्रीमिंग अधिकार विकत घेतले आहेत. याशिवाय नेटफ्लिक्सने बाहुबली: बिफोर द बिगिनिंग नावाच्या बाहुबली चित्रपटांच्या दोन सीझनच्या प्रीक्वलची घोषणाही केली आहे. आता बातम्या येत आहेत की राजामौली महेश बाबूसोबत त्यांच्या पुढच्या चित्रपटावर काम करण्यास तयार आहेत.
महत्वाच्या बातम्या-
म्हणून मी अजूनपर्यंत लग्न केलेले नाही”; बाहुबली फेम प्रभासचा मोठा खुलासा
VIDEO: RRR च्या सक्सेस पार्टीत नाटू नाटू गाण्यावर मनसोक्त नाचले राजामौली, पत्नीसोबत jr NTR आणि रामचरणने लावली हजेरी
रामचरणची दरियादिली! RRR चे यश पाहून झाला खुश, पुर्ण टीमला घरी बोलावून दिलं हे महागडं गिफ्ट
सुपरहिट! RRR ने रजनीकांतच्या या चित्रपटाचाही मोडला रेकॉर्ड, राजामौली झाले मालामाल
