एका रुग्णालयात अचानक छापा टाकल्याने रुग्णालयात गुप्तपणे चालू असणारा धक्कादायक प्रकार समोर आला आहे. या घटनेने संपूर्ण महाराष्ट्र हादरून गेला आहे. या रुग्णालयात जन्माच्या आधीच निष्पाप कळ्यांना मारण्याचा प्रकार सुरू होता. ही माहिती उघड झाल्याने परिसरात खळबळजनक वातावरण निर्माण झालं आहे.
संबंधित घटना ही जालन्याच्या एका रुग्णालयातून समोर आली आहे. इथे अनेक दिवसांपासून जन्माच्या आधीच निष्पाप कळ्यांना मारण्याचा प्रकार सुरू होता. जेव्हा या घटनेबद्दल जिल्हा शल्य चिकित्सक यांना माहिती मिळाली, तेव्हा त्यांनी अचानक या रुग्णालयात छापा टाकला. तेव्हा संपूर्ण प्रकार पुराव्यासहित उघडकीस आला.
जिल्हा शल्य चिकित्सक डॉ. अर्चना भोसले यांना जालन्यातील या रुग्णालयात सुरू असलेल्या प्रकारची माहिती मिळाली. तेव्हा त्यांनी या रुग्णालयातील अवैध गर्भपात केंद्रावर छापा टाकला. यामुळं इथं सुरू असलेला भयंकर प्रकार उघडकीस आला. हे रुग्णालय जालन्यातील भोकरदन रोडवर आहे.
डॉ. सतीष गवारे यांच्या राजुरेश्वर क्लिनिक ढवळेश्वर इथे हा गर्भपाताचा अवैध प्रकार सुरू होता. तसेच येथे बेकायदेशीर लिंगनिदान आणि अवैध गर्भपात करणारे नोंदणीकृत नसलेले अल्ट्रासाउंड मशीन असल्याची गुप्त माहिती जिल्हा शल्य चिकित्सक यांना मिळाली होती.
यानंतर टीमने राजुरेश्वर क्लिनिक इथे छापा टाकला असता धक्कादायक प्रकार पाहून टीमलाही धक्का बसला. राजुरेश्वर क्लिनिकमध्ये गरोदर महिलेला गर्भपाताच्या गोळ्या देऊन तिचा गर्भपात करण्यात येत होता. यावेळी महिलेस भयंकर वेदना होत होत्या.
या क्लिनिकमधील परिस्थिती पाहून जिल्हा शल्य चिकित्सक टीमने तत्काळ त्या महिलेस जिल्हा स्त्री रुग्णालयात पुढील उपचारासाठी दाखल केले. यानंतर काही वेळाने गर्भपात करण्याच्या गोळ्या महिलेल्या दिल्याचं स्पष्ट झालं. हे संपूर्ण प्रकरण स्त्री भ्रूण हत्येचं होतं.
टीमच्या सतर्कतेमुळे सदर महिलेचे प्राण वाचले. दरम्यान, या धडक कारवाईत डॉक्टर सतीष गवारे सोनोग्राफी मशीनसहीत फरार झाला. त्यानंतर सदर टीमने गर्भपात केंद्राची झडती घेतली असता त्यांनी लपवून ठेवलेल्या गर्भपाताचे तीन MTP किट आणि एक वापरण्यात आलेले MTP किट आढळून आले. त्यानंतर वैद्यकिय गर्भपात कायद्यानुसार याबाबत चंदनझिरा पोलीस ठाण्यात गुन्हा नोंद करण्यात आला आहे. पोलीस पुढील तपास घेत आहेत.
