विवेक अग्निहोत्रीच्या (Vivek Agnihotri) ‘द काश्मीर फाइल्स’ (The Kashmir Files) या चित्रपटाच्या बॉक्स ऑफिसवर ऐतिहासिक कमाईच्या वेगाला आणखी एक धक्का बसला आहे. चित्रपटाने दुसऱ्या वीकेंडमध्ये तब्बल 25-26 कोटींची कमाई केली असताना सोमवारनंतर मंगळवारी चित्रपटाच्या कमाईत मोठी घसरण झाली आहे. सोमवारी या चित्रपटाने 12.50 कोटींची कमाई केली होती, तर मंगळवारी ती कमाई आणखी घसरली.(The number of viewers of Kashmir files has come down)
चित्रपटाने 12व्या दिवशी बॉक्स ऑफिसवर 10.50 कोटी रुपयांचा व्यवसाय केला आहे. शनिवार आणि रविवारच्या तुलनेत वीकेंडमध्ये ही 50-60 टक्क्यांची घसरण असली तरी, गेल्या मंगळवारच्या तुलनेत ही कमाई 40 टक्क्यांनी कमी आहे. मात्र, 12 व्या दिवशीही हा चित्रपट पाहण्यासाठी लोकं चित्रपट गृहात येत आहेत. तसेच 12व्या दिवशी हा चित्रपट 200 कोटींच्या कमाईच्या जवळ पोहोचला आहे. बुधवार किंवा गुरुवारपर्यंत हा चित्रपट 200 कोटींच्या क्लबमध्ये प्रवेश करेल अशी शक्यता वर्तवली जात आहे.
1990 च्या दशकात काश्मिरी पंडितांचे पलायन आणि त्यांच्यावर झालेल्या रानटी अत्याचाराची कथा सांगणाऱ्या या चित्रपटाने नक्कीच इतिहास रचला आहे. सुमारे 20 कोटींच्या बजेटमध्ये बनलेल्या या चित्रपटाची प्रेक्षकांमध्ये प्रचंड क्रेझ आहे. हा चित्रपट 11 मार्च रोजी 700 स्क्रीन्सवर प्रदर्शित झाला, तर तिकीट खिडक्यांवर प्रेक्षकांची गर्दी पाहून पहिल्या वीकेंडला 2000 स्क्रीन्सवर आणि दुसऱ्या वीकेंडला 4000 स्क्रीन्सवर हा चित्रपट प्रदर्शित केला गेला.
दुसऱ्या वीकेंडपासून स्क्रीन्सची संख्या दुप्पट करून चित्रपटाला फायदा होईल, अशी आशा निर्मात्यांना होती. पण तसे झाले नाही. रविवारी 26.50 कोटींची कमाई केल्यानंतर सोमवारी चित्रपटाची कमाई निम्म्याहून कमी झाली. ‘द काश्मीर फाइल्स’ने 12 दिवसांत 190 कोटींचा आकडा गाठला आहे. अशा परिस्थितीत चित्रपटाने 200 कोटींची कमाई करावी एवढीच इच्छा आहे.
बुधवारची कमाई आणखी कमी होऊन ती 8 ते 9 कोटींच्या दरम्यान राहण्याची शक्यता आहे. अशा परिस्थितीत अनुपम खेर, मिथुन चक्रवर्ती, पल्लवी जोशी आणि दर्शन कुमार यांच्या या चित्रपटाला 200 कोटींच्या क्लबमध्ये प्रवेश करण्यासाठी गुरुवारपर्यंत प्रतीक्षा करावी लागणार आहे. कमाई कमी होण्यामागील एक प्रमुख कारण म्हणजे हा चित्रपट मोठ्या प्रमाणात प्रेक्षकांनी पाहिला आहे.
तसेच कमाई कमी होण्याचे दुसरे कारण म्हणजे हा चित्रपट इंटरनेटवरून सोशल मीडियावर लीक झाला आहे. तर शुक्रवारपासून ‘द काश्मीर फाइल्स’च्या अडचणी वाढणार आहेत. एसएस राजामौली यांचा आरआरआरही शुक्रवारी रिलीज होत आहे. RRR बद्दल आधीच प्रचंड क्रेझ आहे. बंपर आगाऊ बुकिंग होत आहे. हा चित्रपट प्रदर्शित झाल्यामुळे ‘द काश्मीर फाइल्स’च्या स्क्रीन्सची संख्याही कमी होणार आहे. साहजिकच अशा परिस्थितीत तिसरा आठवडा चित्रपटासाठी खूप कठीण जाणार आहे.
महत्वाच्या बातम्या-
अमोल कोल्हे म्हणतात, मैं थकेगा नहीं साला हातात टायर अंगात फायर; पहा कोल्हेंचा फिटनेस व्हिडिओ
रनवे ३४ ट्रेलर: जेव्हा पायलटने सिगरेट ओढल्यामुळे झाला होता ५१ लोकांचा मृत्यु, वाचा खरी कहाणी
तुमच्याकडे या तीन नोटा असतील तर तुम्ही रातोरात होऊ शकता करोडपती; जाणून घ्या प्रक्रिया
