Police Inspector, SP Tej Swaroop Singh, Amit Yadav/ उत्तर प्रदेशातील कानपूरमध्ये पोलिसांची मानवता पाहायला मिळाली आहे. खरं तर, एक 80 वर्षीय व्यक्ती तक्रार घेऊन अनवाणी पायांनी नरवाल पोलिस स्टेशनमध्ये पोहोचली. हे पाहून ड्युटीवर असलेल्या इन्स्पेक्टरने आधी मिठाई मागवून खाऊ घातली. यानंतर बाजारातून नवीन चप्पल मागवून घेतल्यानंतर इन्स्पेक्टरने त्या वृद्ध महिलेला स्वतःच्या हाताने चप्पल घातली.
मिळालेल्या माहितीनुसार, हजरतपूर गावात राहणारी रामरती तिचा नातू अंकुरवर नाराज होती. त्यामुळे गावापासून दूर असलेल्या नरवर पोलिस ठाण्यात तक्रार करण्यासाठी ती अनवाणीच गेली. त्यावेळी पोलिस ठाण्यात पोलिस निरीक्षक अमित यादव ड्युटीवर होते. वृद्ध महिलेचा त्रास पाहून ते स्वत:ला आवरू शकले नाही.
पोलिस निरीक्षक अमित यादव यांनी लगेच जवळच्या नरवाल बाजारातून चप्पलची एक जोडी मागवली आणि स्वतःच्या हाताने म्हातार्या रामरतींना ती घातली. यानंतर त्यांनी प्रथम त्यांना मिठाई मागवून खाऊ घातली. त्यानंतर निरीक्षक अमित यादव यांनी समस्येबद्दल तपशीलवार विचारले.
इन्स्पेक्टरचा हा चांगुलपणा पाहून रामरती थक्क झाली. तोंडातून शब्द निघत नव्हता. यानंतर इन्स्पेक्टर अमित यादव यांनी रामवती यांची तक्रार लिहून गावात जाऊन त्यांचा नातू अंकुर याला ताब्यात घेऊन पोलिस ठाण्यात आणले. पोलिसांनी नातवावर कारवाई केल्यानंतर रामरतीला त्यांच्या दुचाकीवरून गावी सोडवले.
या प्रकरणावर इन्स्पेक्टर अमित सांगतात, “ही काही मोठी गोष्ट नाही. आमचे कर्तव्यच असे आहे की, कधी कधी उद्धट वागणूक दाखवावी लागते. बरं, आम्हाला देखील कुटुंब आहे. त्यामुळे लोक आमच्याकडे तक्रारी घेऊन येतात तेव्हा ते आम्हाला आमच्या कुटुंबासारखेच वाटतात.”
या प्रकरणी कानपूर आऊटर एसपी तेज स्वरूप सिंह यांनीही आपल्या पोलीस कर्मचाऱ्यांचे कौतुक केले. ते म्हणाले, “बाकी कर्मचार्यांनीही त्यांच्या सहकाऱ्यांकडून शिकले पाहिजे. पोलिस ठाण्यात येणारे लोकही आमचेच आहेत. ते आमच्यासारखेच असल्याने त्यांचा पूर्ण सन्मान केला पाहिजे.”
महत्वाच्या बातम्या-
Delhi: महिला पोलिसाकडून सासऱ्याला बेदम मारहाण, पोलिसांसमोरच वृद्धाला कानशिलात लगावल्या; व्हिडीओ व्हायरल
‘मला तू खुप आवडते, फक्त एक रात्र…’, पोलिस निरीक्षकाची महिला कॉन्स्टेबलला विचित्र मागणी
Eknath Shinde : ‘अनाथांचा नाथ’ म्हणत पोलिसांचे मुख्यमंत्र्यांना पत्र, दिवाळीआधीच केली ‘ही’ मोठी मागणी
