ओडिशातील एका व्यक्तीने लग्नाचा विक्रम केला आहे. त्याने एक-दोन नव्हे तर 14 लग्ने केली आहेत तीही वेगवेगळ्या 7 राज्यात. यासाठी त्याने मॅट्रिमोनियल साइटची मदत घेतली. एवढेच नाही तर या 48 वर्षीय व्यक्तीवर या महिलांकडून पैसे घेतल्याचा आरोप आहे. त्यामुळे आता पोलिसांनी त्याला अटक केली आहे.(The husband had performed 13 marriages)
बिधू प्रकाश स्वेन (वय 54 वर्षे) उर्फ रमेश स्वेन असे या व्यक्तीचे नाव आहे. तो मूळचा ओडिशाच्या केंद्रपारा जिल्ह्यातील आहे आणि बहुतेक काळ तो ओडिशाच्या बाहेर राहत होता. हा माणूस स्वत:ला आरोग्य मंत्रालयाशी संबंधित डॉक्टर असल्याचे सांगत होता. स्वेनने ओडिशासह पंजाब, दिल्ली आणि झारखंडमधील महिलांनाही गोवले होते.
सुशिक्षित लोकही स्वेनच्या जाळ्यात अडकले. सुप्रीम कोर्टातील एक वकीलही त्याचा बळी ठरला होता. पोलिसांनी सांगितले की, आरोपी हा त्याच्या 14व्या पत्नीसोबत ओडिशाची राजधानी भुवनेश्वर येथे राहत होता. त्यांची पत्नी दिल्लीतील एका शाळेत शिक्षिका आहे. त्या व्यक्तीच्या 14व्या पत्नीला समजले की तिच्या पतीने यापूर्वी 13 लग्ने केली आहेत. यानंतर महिलेने पोलिसांत तक्रार दाखल केली.
भुवनेश्वरचे पोलीस उपायुक्त उमाशंकर दास यांनी सांगितले की, आरोपीने 1982 मध्ये पहिले लग्न केले होते आणि 2002 मध्ये दुसरे लग्न केले. या दोन्ही विवाहांतून त्यांना 5 मुले झाली. दास यांनी सांगितले की, 2002 ते 2020 दरम्यान त्याने मॅट्रिमोनियल साइटद्वारे इतर महिलांशी मैत्री केली आणि त्याच्याशी लग्न केले. पोलिसांनी दिलेल्या माहितीनुसार, आरोपी हा ओडिशातील केंद्रपारा जिल्ह्यातील पाटकुरा पोलीस स्टेशन हद्दीतील एका गावातील रहिवासी आहे.
त्यानुसार पोलिसांनी आरोपीला अटक केली आहे. डीसीपी दास यांनी सांगितले की, आरोपी 30 ते 40 वयोगटातील अविवाहित महिलांना टार्गेट करायचे. त्यापैकी बहुतांश घटस्फोटित महिला होत्या. नंतर तो त्यांच्याकडून पैसे उकळायचा. जरी आरोपीने हे आरोप फेटाळले आहेत.
