पंजाबमध्ये नवीन सरकार स्थापन झाल्यानंतर माजी मंत्र्यांनी आपली अधिकृत निवासस्थाने रिकामी करण्यास सुरुवात केली आहे. काही दिवसांपूर्वी पंजाबचे माजी अर्थमंत्री मनप्रीत बादल यांनी त्यांचे अधिकृत निवासस्थान रिकामे केले आणि त्यांनी त्यांचे निवासस्थान रिकामे केल्यानंतरच वादाला सुरुवात झाली. मनप्रीत बादल यांचे घर रिकामे केल्यानंतर, गृहनिर्माण विभागाच्या अभियंत्याने विधानसभा सचिवालयाला एक पत्र लिहिले ज्यात त्यांनी सांगितले की माजी मंत्र्याने त्यांचे निवासस्थान रिकामे केले आहे परंतु घरातून काही वस्तू गायब आहेत.(The former minister also took government furniture)
माजी अर्थमंत्र्यांचे निवासस्थान रिकामे केल्यावर, निवासस्थानातून एक जेवणाचे टेबल, 10 खुर्च्या, एक ट्रॉली आणि एक सोफा कमी झाल्याचे अभियंत्याने आपल्या अहवालात म्हटले आहे. या सर्व वस्तू माजी मंत्र्यांना सरकारने दिले होते. अभियंत्याच्या अहवालानंतर मनप्रीत बादल यांनी सांगितले की, ज्या वस्तू गायब असल्याचे सांगितले जात आहे, त्या त्यांनी स्वतःच्या पैशाने खरेदी केल्या होत्या.
मनप्रीत बादलने विभागाच्या नावाने 1 लाख 84 हजार रुपयांचा चेक दिला आहे आणि तो ट्विटरवर शेअर करत लिहिले की, माझ्यावर अलीकडेच रिकाम्या करण्यात आलेल्या सरकारी घरातील काही वस्तू गहाळ केल्याची चुकीची माहिती पसरवली जात आहे. त्यातच दुर्दैव असे की हे आरोप डेली पोस्ट पंजाबीने पोस्ट केले होते. सत्य तपासणी किंवा पडताळणीसाठी कोणीही माझ्याशी संपर्क साधला नाही.
माजी अर्थमंत्र्यांनी चेकचा फोटो शेअर केला आणि लिहिले, पीडब्ल्यूडी विभागाने दिलेल्या अधिकृत किमतीनुसार घर रिकामे केल्यानंतर गहाळ झालेल्या वस्तूसाठी पैसे दिले गेले होते. चेक तिजोरीत जमा झाला आहे. सर्व वस्तूंच्या देयकाचा पुरावा येथे आहे. दुसरीकडे, माजी अर्थमंत्र्यांच्या मेहुण्याने सांगितले की, पीडब्ल्यूडी विभागाने सांगितले होते की, तुम्हाला फर्निचर ठेवायचे असेल तर तुम्ही त्याचे पैसे देऊ शकता. जुन्या फर्निचरसाठी आम्ही 1.84 लाख रुपये दिले आहेत.
भगवंत मान सरकारमधील कॅबिनेट मंत्री कुलदीप सिंह धालीवाल या घटनेवर प्रतिक्रिया देताना म्हणाले, मलाही सरकारी घर देण्यात आले आहे. पाहणी केली असता घरात 100 रुपयांच्या किरकोळ वस्तूही सापडल्या नसल्याचे आढळून आले आहे.
महत्वाच्या बातम्या-
३८ पैशांच्या शेअरने एका वर्षात दिला १५ हजार टक्क्यांपेक्षा जास्त परतावा, १ लाखाचे झाले १.५८ कोटी
महागाई, शिक्षण सोडून धर्मावर भर दिला जातोय; राज ठाकरेंच्या भाषणानंतर मनसेच्या मुस्लिम पदाधिकाऱ्याचा राजीनामा
मावशीने मुलीला गुंगीचं औषध देऊन केलं बेशुद्ध; मग विवस्त्र फोटो काढत केलं ‘हे’ घृणास्पद काम
फुटपाथवर पडून होता मालकाचा मृतदेह, तासनतास पहारा देत होता कुत्रा, रशिया-युक्रेन वारमधील ह्रदयद्रावक फोटो
