सध्या नागराज मंजुळे दिग्दर्शित ‘झुंड’ या चित्रपटाला लोकांचा चांगला प्रतिसाद मिळत आहे. सध्या हा चित्रपट बॉक्स ऑफिसवर जबरदस्त कमाई करत आहे. अशावेळी, नागराज यांनी आपल्या शिवाजी महाराजांच्या आयुष्यावरील चित्रपटाची निर्मिती करण्यात अडचणी का येत आहेत, याबद्दल खुलासा केला आहे.
चाकोरीबाहेरचे चित्रपट देण्यासाठी ओळखले जाणारे नागराज मंजुळे हे शिवरायांच्या आयुष्यावरील चित्रपटावर काम करत आहेत. पण, हा चित्रपट रेंगाळतो आहे. याबाबत मंजुळे म्हणालेत की, छत्रपती शिवाजी महाराजांवरील चित्रपटासाठी मी पण उत्सुक पण अनेक कारणांमुळे तो मागे राहिला.
नागराज मंजुळे यांनी शिवरायांच्या आयुष्यावरील चित्रपटाचे दिग्दर्शन करत आहेत. दोन वर्षांपूर्वी या चित्रपटाचा टीझरही प्रदर्शित झाला होता. या चित्रपटाच्या टीझरमध्ये हा चित्रपट 2021 मध्ये प्रदर्शित होईल, असे सांगण्यात आले होते. मात्र कोरोनाच्या साथीमुळे या चित्रपटाचे प्रदर्शन पुढे ढकलण्यात आले.
हा चित्रपट मागे राहण्याचे कारण मंजुळे यांनी एका मुलाखतीत दिले आहे. म्हणाले, करोनाच्या साथीमुळे आमचे वेळापत्रक विस्कळीत झाले आहे. त्यात आम्हाला दोन वर्षे गमवावी लागली. ज्यामुळे आम्हाला नैसर्गिकरित्या या चित्रपटाचे काम करता आले नाही. पण हा चित्रपट रखडला असे म्हणता येणार नाही.
तसेच म्हणाले, मी जेव्हा लहान होतो तेव्हाही छत्रपती शिवाजी महाराजांवरील चित्रपट किती छान होईल, याचा विचार करायचो. मी त्यांच्यावर निर्मित झालेले दोन चित्रपट पाहिले आणि आता मला ते स्वत: बनवायचे आहेत. त्यामुळे माझ्यासाठी हा एक ड्रीम प्रोजेक्ट आहे, असेही त्यांनी सांगितले.
या चित्रपटाबद्दल तुमच्याइतकाच मी देखील उत्सुक आहे आणि याबाबत सर्व काही व्यवस्थित झाले की तुम्हाला याची माहिती देईन. छत्रपती शिवाजी महाराजांवरील चित्रपटाची निर्मिती करणे हे आव्हानात्मक असेल. हा चित्रपट ऐतिहासिक आहे. जेव्हा तुम्ही विषय बदलतात तेव्हा अर्थातच चित्रपटाच्या स्वरुपात एक आव्हान समोर येतं असे नागराज मंजुळे म्हणाले.
