राजस्थानच्या देवा गुर्जरला डॉनची (Deva Don) जीवनशैली खूप आवडली. तो त्यांच्या आवडीनुसार त्यांचे आयुष्यही (Deva Don Life Style) जगत होता, पण सोमवार त्याच्यासाठी काळा दिवस म्हणून उगवला आणि त्या दिवशी त्याला आपला जीव गमवावा लागला. डॉन देवाला दोन बायका होत्या. दोघींकडून त्याला नऊ मुले आहेत. दोन्ही बायका एकाच घरात राहतात. सण-उत्सवापासून ते करवाचौथपर्यंत आणि मोठ्या खरेदीपासून भाजीपाल्याची खरेदी ते एकत्र करायचे.( the case with the infamous Deva Don in Rajasthan)
देवा गुर्जर सोशल मीडियावर खूप लोकप्रिय होता, म्हणून त्याने रिल बनवण्यासाठी वेगळा कॅमेरामनही ठेवला होता. कोटाचा हिस्ट्रीशीटर देवा डॉनला गुन्हेगारांनी घेरले आणि त्याला ठार मारले. वर्चस्वाच्या लढाईत मारल्या गेलेल्या देवा गुर्जरचे वैयक्तिक आणि सोशल मीडिया जीवन खूपच मनोरंजक होते. तो सोशल मीडिया प्लॅटफॉर्मवर खूप सक्रिय होता. त्याचे जवळपास 2 लाख फॉलोअर्स आहेत. इतकंच नाही तर देवा नेहमीच्या स्टंटचे व्हिडिओ सोशल मीडियावर शेअर करत असे. त्याला डॉनची जीवनशैली आणि रुबाब खूप आवडत असे.
देवा गुर्जर याला दोन्ही पत्नींपासून एकूण 9 मुले आहेत. पहिल्या पत्नीला आठ मुली, तर दुसरीला एक मुलगा आहे. देवा एकाच घरात कालीबाई आणि इंदिराबाई या दोघी पत्नींसोबत राहत होता. पहिल्या पत्नीपासून मुलगा नसल्यामुळे त्यांनी दुसरे लग्न केले. दुसऱ्या पत्नीपासून त्याला एक मुलगा आहे. बायकांसोबतचे व्हिडिओ आणि रीलही देवाने अनेकदा सोशल मीडियावर शेअर केले होते. खरेदीपासून ते करवा चौथच्या पूजेपर्यंतचे व्हिडिओही देवाने शेअर केले आहेत.
सोशल मीडियावर देवा डॉनच्या नावाने एक फॅन पेजही ठेवण्यात आले होते. व्हिडिओ बनवण्यासाठी देवाने एक कॅमेरामनही सोबत ठेवला होता. देवा गुर्जर उर्फ देवा डॉनवर कोटा येथील आरके पुरम पोलीस ठाण्यात अनेक गुन्हे दाखल आहेत. यामध्ये दरोडा, बेकायदेशीर खंडणी व मारहाण यांसारख्या गुन्ह्यांचा समावेश आहे. देवावर चित्तौडगडच्या पोलीस ठाण्यातही अनेक गुन्हे दाखल आहेत.
देवाने आठवडाभरापूर्वी खुनाचा संशय व्यक्त केला होता. मीडिया रिपोर्ट्सनुसार, आरके पुरम पोलिस स्टेशनमधील तक्रारीत देवा गुर्जर यांनी सांगितले होते की, तो रावतभाटा प्लांटमध्ये लेबर सप्लाय म्हणून काम करतो. 23 मार्च रोजी अर्धा डझन लोकांनी त्याला मोबाईलवर फोन करून प्लांटमधील ठेका घेऊ नका नाहीतर जीवे मारले जाईल अशी धमकी दिली होती. या संभाषणाचे ऑडिओ रेकॉर्डिंग मोबाईल फोनमध्ये असल्याचे त्यांनी सांगितले होते.
4 एप्रिलच्या संध्याकाळी देवा रावतभाटा येथील कोटा बॅरियर भागात एका न्हावीच्या दुकानात बसला होता. त्यावेळी त्याच्यावर हल्ला करण्यात आला. देवा गुर्जर यांच्यावर रिव्हॉल्व्हर, कुऱ्हाड, लाठ्या-काठ्याने हल्ला करण्यात आल्याचे बोलले जात आहे. हल्लेखोरांची संख्या 15 असल्याचे सांगण्यात येत आहे. या प्रकरणी देवाच्या कुटुंबीयांनी बाबू गुर्जर आणि इतरांविरुद्ध एफआयआर नोंदवला आहे.
महत्वाच्या बातम्या-
३८ पैशांच्या शेअरने एका वर्षात दिला १५ हजार टक्क्यांपेक्षा जास्त परतावा, १ लाखाचे झाले १.५८ कोटी
महागाई, शिक्षण सोडून धर्मावर भर दिला जातोय; राज ठाकरेंच्या भाषणानंतर मनसेच्या मुस्लिम पदाधिकाऱ्याचा राजीनामा
मावशीने मुलीला गुंगीचं औषध देऊन केलं बेशुद्ध; मग विवस्त्र फोटो काढत केलं ‘हे’ घृणास्पद काम
फुटपाथवर पडून होता मालकाचा मृतदेह, तासनतास पहारा देत होता कुत्रा, रशिया-युक्रेन वारमधील ह्रदयद्रावक फोटो
